Habakuke 2:17 - O Mikanda Ikola

¹⁷ Mukonda o usuéia ua bhange kua Libanu ua kà ku vungina eie, o kia buidisa o iama ia misalanganda kia kà ku bhekela uoma; mukonda dia manhinga ma bhubhisa ma athu ni usuéia uavulu ua bhange kulu dia mundu, ni mu jimbanza, ni ku athu oso kiá atungu-mu.

Habakuke 2:17 ပူးပေါင်းရင်းမြစ်များ

Jisálamu 137:8

Eie-phe ue u Babilónha, hinu a ku bhanga-kiu; u lungê ió uoso u ku bhanga ki ua tu bhange etu.

Jisálamu 55:23

Enhó-phe, Nzambi, a lundumune, a lauke mu bombo dia kalunga; ijibhanganga, akua makutu, ka kà zubhe dingi izuua iâ, né mu kaẋi ka kà bhiẋile-mu; eme bhabha-phe ngi dielela jinga ko kué.

Jisabhu 28:17

Muthu se uabhangele ufumbe ua kujibha mukuá, o manhinga ma iú a mu jibha anga ma mu oseka, uila o lengʼé katé mu kina, tuleé; aie, ki bhu kale muthu u mu kudila.

Jelemiia 50:14

Anuʼenuʼoso muʼoleka o mufula, di iudikienu phala Babilonha mu mu kondoloke; mu muʼasa muene, misongo kana ku i mamena, mukonda ua te kituxi kua Jihova.

Jelemiia 50:28

Dienhidi diene o dízui dia iá a lenge, ia a bhulaka mu ixi ia Babilonha, mbé nʼa di jimbule mu Ziione o phonzo ia Jihova, Nzambi ietu, o phonzo ia Tembulu iê.

Jelemiia 51:24

Anga mua kà ki mona ku mesuʼenu, kioso Babilonha ni ene oso a tungu mu Kaldeia, ki nga-nda ku a futa o ufusa uâ uoso ua bhanga jinga mu Ziione, Jihova ua ki tange.

Izekiiele 28:16

Mukonda dia kusokoloka kua mauenji mé, moxi dié mua kuizala ni kusuina, eie ua te o kituxi; mukonda dia kiki, ua di jingununa, ku mulundu ua Nzambi nga-nda ku ku lundumuna-ku, o mu matadi a lekujuka nga-nda ku ku jimisa-mu, eie u xelube ia mubhangedi.

Izekiiele 31:16

O miji ioso nga i teketesa ni muxindu ua kibhalu kiê, kioso ki nga mu tuluila mu ifélunu kumoxi ni ió a tuluka mu kina; o miẋi ioso ia Edene, o itulu ni kioso kia beta o kuuabha mu muxitu ua Libano, ni miẋi ioso i nua o menha, ia kexile mu ku di kondela-na-iu o malamba mu ixi ia beta o kuboloka.

Jouele 3:19

Ijitu ua kà kituka disengulukilu, Idomo ua kà di bhanga kikangalakata ki bhekela ngùnzu, mukonda dia usuéia ua bhange ku anʼa Juda, kua bhingi ni mʼoxi iâ muene mua zunzumuina o manhinga a iú ka bhange kima kioso-kioso.

Habakuke 1:17

Manhi uenda jinga kienhiki ni kusukumuna o uanda uê, anga u kamba kuzumbuka mu kujibha mundu ni lujiji sé ngó ku a kuatela henda?

Habakuke 2:8

Kala ki ua bhûnda jinga ku miji iavulu, enʼoso ku mundu a kà ku bhûnda ue eie; mukonda dia manhinga ma athu mu ua bhubhisa, ni kutatesa ku ua tatesa jinga na-ku o jixi, ni mabhata, ni oso kiá a tungu momo.

Zakadiia 11:1

Eie Libanu jikula mabhitu mê phala o túbhia tu jikatese misedulu iê: