Habakuke 2:13 - O Mikanda Ikola

¹³ Abha, ki kiejila kua Jihova dia Ifuẋi, kia kuila o mundu ukalakala ngó phala túbhia, o ifuẋi iʼathu na iokojoke mu kingoho?

Habakuke 2:13 ပူးပေါင်းရင်းမြစ်များ

II Samuuele 15:31

Anga bhu kala muthu u jimbuila Davidi, uixi: Ahitofele ua di te ue mu kikutu ni Abisalone. Davidi anga u zuela, uixi: Eie u Jihova, Nzambi iami nga ku diondo, kitukisa jiphangu ja Ahitofele, ji kale uoua.

Jisálamu 39:6

Kidi muene, muthu kinzúnzumbia mu kunhunga kuê; u talê ngó hadi ni kututumba; u lunda nzungule ia jimbongo, maji kʼejiia uoso hinu u ji dia.

Jisabhu 21:30

Jihova ku tena ku mu dimukina, ku tena ku mu bhanga ndunge, ku tena ue ku mu ta kikutu kia ufue.

Izaía 50:11

Talesa, enu oso mua bambula túbhia, mua di-ẋiẋika jisoso ja túbhia tu mua uika, endelenu mu milengo ia túbhia tuenu, ni muʼaxaxi ka jisoso jenu ji mua bambula; bhu lukuaku luami bhene bhua tundu ima iosuʼiii, hé mua kà zeka mu kialala kia kalunga.

Izaía 55:2

Kitadi kienu mua mu ki zangela-hi ku ima ia ngoho ki kúdia? O ima i tunda mu ikalakalu ia maku menu anga mu i zangela ngoho mu ioio ki i tena kuikutisa? Kuatenu kilunji mu ngʼivue, nda mu die kiauabha, o muenhu uenu u tane ni ima ianete.

Jelemiia 51:58

Jihova phe, dia Ilombo Ieta, uambe kiki: O imbaka ia zanze ia Babilonha hádia a kà i bula muene iene ioso, o mabhitu mê ma lebha kiambote ma kà uama mu túbhia; anga ifuẋi ia kà kalakala mu kingoho, o miji ia kà xikamena ngó phala túbhia, hé ia kà iokojoka muene.

Jelemiia 51:64

hé uà kʼèla uixi: Kienhiki ue kia kà njoboka Babilonha, o kubalumuka ua kà ku lémbua, mukonda dia usuéia u nga-nda ku mu bhekela ku thandu diê. Akua Babilonha a kà lémbua muene. Bheneʼabha bhua suku o maka a Jelemiia.

Malakiia 1:4

Né hanji Edomo uala kubanza, kuila: Sumbala a tu sengulula kiua, maji hanji, jingùndu tua kà tona dingi ku ji tunga lua mukuá. Maji-phe, Jihova dia Ifuẋi uambe kiki: Ene némbé a tunga, eme nga-nda ku a sengulula muene; a kà a luka, exi: Ixi ia isuéia; athu a di zemba ni Nzambi, katé njinda iê ia a uamena ku thandu diâ mu thembu joso.