Habakuke 2:12 - O Mikanda Ikola

¹² Kokolo dia uoso u tunga o mbonge ni manhinga, ua bhingi mu kumateka kutunga o dibhata u di mateka ni phulu!

Habakuke 2:12 ပူးပေါင်းရင်းမြစ်များ

I Jisobha 16:34

O mu izuua iê, muene Hiiele, mukua Betele, mua tungu dingi o sanzala ia Jedikó; anga u i kandeia o disesa, kiafu phandekumbi iê Abilame, hé u i ta o mabhitu, kiafu kasule kê Sengube, phala kutenesa kizuelu kia Nzambi, kia tangele ku ukunji ua Josuué, monʼa Nune.

Izekiiele 24:9

Uila kiki, o Jihova Nzambi uambe, uixi: Lamba dia mbanza i kala kijibhanganga! Eme uami nga-nda ku uika dijiku dia dikota.

Mikeia 3:10

Ziione anga mu mu tunga ni manhinga, o Jeluzaleme ni kubatula kua mangonha.

Nahumu 3:1

Lamba dié, eie u mbonge ia manhinga! Iezala ni iene ni makutu ni kubhûnda! Mukonda o uiii ka u eha.

Habakuke 2:6

Ene osoʼá ka ka mu balumukina ni a mu tele o Sabhu ni kizuelu kiasuina mu ku muila, exi: Kokolo dia ió uoso u di sokoluela o mbote ni ima iangene ki ia mu tokala! Katé bhebhi, tata! Xi, lamba dia ió uoso u di vudixila o makongo!

II Kolindo 1:21

Maji u tu kuatenesa ni enu ni etu mua Kristu, ua tu undu o maji, muène Nzambi;

Josuué 6:26

Josuué anga u ta mázui mu izuua ienhoio, uixi; A mu bhubhidile, muthu uoso bhu pholo ia Jihova, u balumuka mu tunga dingi mbonge iii ia Jedikó; mu kuta madisesa, monʼê ua phande-kumbi u mu fua; o mu kuimika mabhitu, monʼê ua kasule u mu fua.

Dijingunuinu 17:6

Anga ngi mona kuila o muhatu muenhú ua kodiua ni manhinga ma akua-Ngana Nzambi, ni manhinga ma ió a a jibha mukonda a kexile jifiiele jangene ja Jezú. O ki nga zubha ku mu mona, nga diuana kidiuanau kia dikota!