Habakuke 2:11 - O Mikanda Ikola

¹¹ Mukonda ni ditadi diòsokeke ku phalelu dia kà di kola, o muẋi ua dilèka bhu hongo iaʼnzu anga ua kʼètaiela.

Habakuke 2:11 ပူးပေါင်းရင်းမြစ်များ

Dimatekenu 4:10

Kuala Ngana: Eie ihi i ua bhange? Dízui dia manhinga ma phangʼié dia dikola kokuami tundé mu mavu.

Kuditenda 2:18

O muẋima ua Jeluzaleme ua di kola kua Jihova; eie kimbaka kia kilumba, monʼa Ziione, tata! Masoxi mé ma kunguluke muene kala ngiji, ni mu usuku ni mu muanha! Ku nhohe! O anʼa mesuʼé ka zumbuke mu kudila.

Luka 19:40

Muène anga u a vutuila, uixi: Nga mi ambela kuma, iá se a di xibha, o matadi ma di kola!

Jihebeleu 12:24

Mueza kua Jezú, ua bhange o kikutu kiobhe, iú ua sangela o manhinga ma jimbulula o ima ia beta kuuabha, ki ma soko ni manhinga ma Abele.

Josuué 24:27

Josuué anga uambela o kifuẋi kioso, uixi: Ditadi didi hádia di tu kala mbangi; mukonda diene dievu o maka oso a tu ambela Jihova; hádia di mi kala ue ku umbangi ua ku mi kuzala, phala Nzambi ienu ki mu mu tele makutu.

Dijingunuinu 6:10

Anga ene a di kola ni dízui dia dikota, exi: Katé bhebhi, Muadi tata! Eie Muteni-a-Ioso, u kôla, u mukua kidi! Kumbi kuẋi ki u fundisa athu mu ngongo? Kizuua kiebhi ki ua kà bhana kastiku kua ió a tu jibhile?