Habakuke 2:1 - O Mikanda Ikola

¹ Nga-nda kukala bhu kathôndo kami ka kikangidilu, ngi kala muene kuthanduʼa mbonge, anga ngi kala mu ku langidila, phala kumona uoso u ngi zuelesa, ni kiki ki nga kâ vutuila uoso u ngi ibhula.

Habakuke 2:1 ပူးပေါင်းရင်းမြစ်များ

II Samuuele 18:24

Kiosuiki Davidi ua xikama bhu kaẋi ka mielu iiadi. O mulangidi uala ku kilangidilu, anga u banda ku thandu dia lumbu bhu muelu, u zambula mesu u zongola mu kanga, u mona múthu iú uiza iuná ubheka uê ni kulenga.

II Jisobha 17:9

O mu kasuèkele ue, anʼa Izalaiele a bhanga jinga ima ia ibha kua Jihova, Nzambi iâ; o mu jimbonge jâ joso a bhiti ni kutunga-mu matala tundé bhu inzu ia matala ia kilangidilu katé ku mbonge iâ ia nguzu.

II Jisobha 9:17

O kilanga-kanga, uala bhulu, kʼonzo ia matala bhu Jizelele, anga u mona o masoladi a Jehu, ala mu kuiza, u tanga, uixi: Nga mono masoladi. Kuala Jolá: Zangula muthu uejiia kusambela kabalu, u mu tume kuia mu kutakana-nâ, a ebhule, kuila: Kuma kua tululuka?

Jobe 31:35

Uaué, taté! Tamanu eme nga kexile ni uoso u ngʼivua! Kuma ku di bhângela kuami kuku nga ku te dijina! O Muteni-a-Ioso a ngi vutuile! O nguma iami a soneke kutatela kuê!

Jobe 31:37

O uendelu uami ngeji ku mu londekesa-u o konda iê, mu ku bhiẋila kua muene ngeji kuia muene kala ngi kilamba.

Jisálamu 5:3

Kukia ngó, eie u Jihova, u ivua o dízui diami; mu kimene munhá ngi bhana musambu uami kó kué, hé ngi kala mu ku ku xibhidila.

Jisálamu 85:8

Ngʼividila kua Jihova Nzambi kioso kia zuela; kuma ka kambe kuzuela paze ku mundu uê, ni kua anʼê oso a mu zola; maji ka ki tone dingi o kuvutuka mu lusebhu.

Jisálamu 85:9

Kidi kiene, o kubhuluka kuê kua zukama kua iá oso a mu kala ni uoma, phala mʼoxi ietu mu tunge dingi o kubenha kuê.

Izaía 21:5

Ene ia a zala meza, ia a langidila, ia a dia, ia a nua. Balumukenu mu jingana, uaienu maji ku jingubu.

Izaía 21:6

Mbata Jihova ua ngʼambela kiki: Ndé, ta mulangidi; o kioso kia mona, a ki tange.

Izaía 21:8

Muene iu ua di kola kala hoji: Ngana! Ngedi o mu muanha ngemana bhu ditala dia kilangidilu ni kutala, ngi langa ngi tona, o mausuku oso ngala ku a zubhila mu kulangidila.

Izaía 62:6

Jeluzaleme, tata, nga tula-ze alangidi ku thanduʼa imbaka ié, enhá muanha ni usuku ka tena kudixibha; enu mu akua kutumbula Jihova, momuenu ki mu kale ku dixibha;

Jelemiia 12:1

Eie, U Jihova, u lungʼé, né-mbe ngedile ngi bokona nʼeie mu kufunda; hanji-phe u ngi zuelesa ku mabatuilu Phalahi isuéia a kala ni kubhanduluka mu njila iâ, anga a laia ni kutululuka, ió oso a bhanga kiaiibha ni usuangi?

Jelemiia 6:17

Nga mi tela ue alangidi, ngixi: Ividilenu dízui dia koloneta: ene-phe exi: Ki tua-nda kuividila.

Izekiiele 3:17

Eié monʼa muthu: Eme nga ku bhana u kale u mulangidi ua dibhata dia Izalaiele; eie uenda ni kuívua o maka a tunda mu dikanu diami, anga ku mbandu iami uenda ni ku a dimuna.

Izekiiele 33:7

Eie-phe, monʼa diiala, tata, nga ku bhange u mulangidi ua dibhata dia Izalaiele; eie ua-nda kuívua jinga o kizuelu kia dikanu diami, anga ku mbandu iami ua kà a dimuna.

Mikeia 7:7

Eme-phe o Jihova muene-muène nga kà mu kinga, nga ka kinga kua Nzambi ia ubhulukilu uami; Nzambi iami ua kà ngʼivua.

II Kolindo 13:3

Kienioko enu mua kà kala ni polova i muandala, kuila Kristu muène ua mu zuelela momuami. Muène-phe kia mi zuelela kène ni kubhuila, maji uidikiza kusuina kuê muʼaxaxi kenu.

Ngalásia 1:16

O bhu kithangana kia ngi tukuluila Monʼ ê moxi diami, phala ngi kale ngi muthu ua ku mu kola muène mu Njimbu iê Iambote, ku akua jixi jengi, bhenhobho ki ngʼibhula dingi kima ku muthu uoso-uoso.