Habakuke 1:9 - O Mikanda Ikola

⁹ Ene oso a kà di lukula ni nguzu; pholo jâ ja kà kala mu sota ku tundila o dikumbi, anga a bhongolola jipelezu kala museke.

Habakuke 1:9 ပူးပေါင်းရင်းမြစ်များ

Dimatekenu 41:49

Kala kiki, Zuze ua bhongolola tiluku iavulu muene, kala kisekele bhu ndundu ia kalunga, katé ka tena dingi ku i kuata konda, mukonda dia kuvula kinéne.

II Jisobha 12:17

Kieneʼokio-phe Hazaiele, sobha ia Sídia, u banda, anga uiza mu kúlua ni Ngate, anga u mu tolola, u mu bua; Hazaiele anga u lunguluka, u sota kuendela ue Jeluzaleme.

Jobe 29:18

Eme nga kexi mu tanga, ngixi: Hádia ngi fuila bhu kikalanga kiami bhene, anga izuua iami ngi i sokolola kala kisékele.

Jisálamu 139:18

Ku i kuata mu kimoxi-kimoxi, kuvula kua kisekele ndenge; ngʼila ngi tunda mu kubhuuama, hanji ngala bhu ualʼeie.

Izaía 27:8

Kana bá! Inda eie, mu kuzoka-nê, ua mu fikixila; kioso ki ua mu ẋimbuka, ua mu sondolola ni kitembu kiasuina, kia bhixila o kitembu kia thunda.

Jelemiia 15:8

O atudiʼâ a ahatu a beta ku di vualulula o museke ua kizanga kia kalunga ndenge; ku mediia nga takana-ku mubuikixi phala kubuikisa mama ia minzangala: nga mu tumu ku mu tukumuisa, ni kuizalesa o mbonge ni kimbuua.

Jelemiia 25:9

nga-nda ku tuma kutakana miji ioso iala kusuku, eme Jihova, ni mubhikʼami Nabukodonozolo ue, sobha ia Babilonha, anga ngʼa bheka mu ixi ienhiʼii ni ku thandu dia oso a tungu-mu ni ku thandu dia miji ioso mu jimbandu, anga nga kà a jimisa mbutu muene xatababá; nga-nda ku a bilula a kituka kisunji; a di bhanga supiia, a kala jingundu ji nangenena.

Jelemiia 34:22

O kiki-phe nga-nda kutumina, eme ngi Jihova, anga ngi bhangesa kuila ene a vutukila dingi mu kúlua ni mbonge iii, a lua na-iu muene, hé a i tolola nʼa ioha mu túbhia; o jimbonge ja Juda nga-nda ku ji bhanga jingundu, katé ki ji mono dingi muthu u tungamu.

Jelemiia 4:11

Mu kithangana kinhá a kʼàmbela mundu iú ni Jeluzaleme kuamba: kitembu kia thothuena kia tundu bhu thala ia kikangalakata, kieza mu njila ia monʼa muhatu ua mundu uami, kí kieza phala ku bhiata, kí kieza phala ku zelesa.

Jelemiia 4:7

O hoje ia fomoka kiá ku muxitu uê, ii banda, ni mubuikixi ua ifuẋi; muene ua katuka kiá, iú ua tundu kiá bhu kididi kiê, phala kubhangesa oxi ié i biluke jingundu; phala ku ku buikisa o madiembu mé, ki bhu kala dingi muthu u tunga-mu.

Izekiiele 17:10

Manhi se uòphaphe, u tena kuzediua? Manhi se o kitembu kia thunda ki mu tula, uene uoso ki ua-nda kukukuta? u kukuta muene tundé bhu dibakala diê bhua u kunu.

Izekiiele 19:12

Maji a u vuza ni njinda, hé a u takuila bhoxi, o kitembu kia thunda anga ki kukutisa o ibundu iê; ojithangu jê ja nguzu ja bukujuka, ja kukuta anga o túbhia tu ji jikinisa.

Daniiele 11:17

Ua kà lunga pholo iê mu kuiza ni ukuenze uoso ua utuminu uê, athu aiukʼó ukala-nâ kumoxi, anga u bhanga muene kia mu solo o muẋima uê mu bhana monʼa kilumba phala kusakananê, mbé utuminu uê a u sengulule; maji kienhiki ue ki kia kà bhanga kima, mukonda monʼa muhatu ka kà tena-ku.

Hozeia 1:10

Hanji-phe, né kienhokio, o nzungule ia anʼa Izalaiele ia-nda kuvula muene mukuâ ni kisékele kia kalunga, ki ki xikina ku ki zonga mba ku ki kondala; o ku pholo ku aia, anga kia ká bhita kuila, bhuoso bhu a ambela, exi; Enu ki mu mundu uami, kana, bhenhobho bhene bhu a kà exana, exi: Enu mu anʼa Nzambi ia muenhu.

Hozeia 13:15

Ifalaíme né-mbe u zanda anga u bhana ibundu muʼaxaxe ka jiphange jê, hanji-phe, kua keza kitembu kia thunda, kitembu ki tunda kua Jihova, ki balumuka mu kikangalakata anga kiza ni kubanda; kiene kia kà kukutisa otho iê, o dijiia diê di thothuena; o ima ioso ia matunda iala naiu a kà mu bhunda-iu.

Habakuke 1:17

Manhi uenda jinga kienhiki ni kusukumuna o uanda uê, anga u kamba kuzumbuka mu kujibha mundu ni lujiji sé ngó ku a kuatela henda?

Habakuke 1:6

Mukonda ngi balumuna o muiji ua jikaldeu, muiji ua temanana, uazanzuka, o ixi u i endela bhu kuzanza kuê, anga uia mu ku bhingana mabhata ki ma mu tokala.

Loma 9:27

Ni Izaia ue ua zuela ku mbandu ia Izalaiele, uixi: Né-mbe o mundu ua anʼ a Izalaiele u vula kala kisekele bhu mbanduʼ a kalunga, tumbalu-mbalu tuâ, tuene ngó tua kà bhuluka.

Afundixi 7:12

Akua Midiiana bhenhobho, ni akua Amaleke, ni ana a mukuá mu thunda-mbulu, a di zale mu honga kala kihoho mu kuvula, ni jikamelu jâ u lémbua ku ji tanga, mukuâ ni kisekele bhu ndundu ia kalunga mu kuvula.