Habakuke 1:8 - O Mikanda Ikola

⁸ O jikabalu jâ, mu ku bhebhuluka ni ku sangama, jingu ndenge; mu ku dimuka ue kota, o itôto mu ngoloxi ndenge; o a mondala-ku enda ni ku di muangena kuene kuoso; kiene muene, amondadiʼê a kà tunda makanga, a di leka lusolo mu kubhita bhulu mukua ni jiholokoko ki jilengela ku mbole mu kúdia.

Habakuke 1:8 ပူးပေါင်းရင်းမြစ်များ

Jobe 9:26

Ia bhiti kala jinaviiu ja kitembu mu kalunga; mukua ni holokoko ki i dioueka anga i tuluka mu ku kuata o mbole.

Izaía 11:14

Inda ene a kà tuka-tuka ni kusambela bhu isuxi ia akua Fidíxia ku uômbe; endela bhuamoxi mu kutambula madibhundila ku akua-thunda; a kà ta maku mua Idomo ni mua Mouabhe, anʼa Amone ue a kà a tolokela muene.

Jelemiia 4:13

Talesa, muene ua-nda kuiza ni kubanda mukua ni matuta, ni makalu mê mukua ni ngûngu; ʼkabalu jê mu sangama jiholokoko ndenge ku lusolo. Kokolo dietu, etu tua buikʼó!

Jelemiia 48:40

Mukonda Jihova uambe kiki: Tala, Muene ua-nda kubhita bhulu kala holokoko, anga uʼoleka mabhabha mê ku thandu dia Mouabhe.

Jelemiia 5:6

Mukonda dia kiki hoje ia tundu mu kitumba ia-nda ku a buidisa, o kimbungu kia ixi ia kisekele kia-nda kua sengulula; ongo ia batamena o madiembu mâ: uoso-uoso u tunda mu jisazalʼomo a mu sasujula; mbata o itondalu iâ ia sokoloka, o umbaluke uâ ua di bandekeza.

Jelemiia 50:42

A ka kuata mifula ni madionga bhu maku; athu a di kake, kʼejiia ku kuatela henda; dízui diâ dia kà numina kala musanza ua kalunga, a kʼendela ku jikabalu mukuá ni muthu u lengela kuia ku ita, mu kuzoka nʼeie, monʼa kilumba ua Babilonha.

Kuditenda 4:19

Akua ku tu bhesa lusolo, a betele kusangama o jinjila ji bhita bhulu ndenge. Mu ku tu landameka kuâ, o ki tuila tuia ku milundu, tuala-nâ; o ki tuia mu kikangalakata, míkala iâ tua i sange.

Izekiiele 17:12

Uila kiki, o dibhatʼodio dia jimbaluke tangela-diu, uixi: O ima iii ki mua ijiia kioso ki ia lombolola? Zuela uixi: Tala-ze, o sobha ia Babilonha ueza mu Jeluzaleme, iu uambata-mu o sobha iê ni ilamba iê, iu uaii-nâ ku Babilonha:

Izekiiele 17:3

Uixi: Jihova Nzambi uambe kiki: Kiholokoko kimoxi, kia imabhabha ia makota, kiezala jisàla, kiezala ni minha ia vulu idifua, kieza mu Libanu kì kiambata-mu o luthangu lua beta kulebha lua musédulu.

Izekiiele 26:11

Muene ua kà diota mu jinzunga jé joso ni ikoto ia tubalu tuê; o mundu ué muene ua kà u jibha ni xibhata, o jiphiladi ja mbonge ié, ja kà lundumukina bhoxi.

Hozeia 8:1

Tá mbungu ku dikanu dié. Muene iu uiza kala holokoko phala kuvubuka mu dibhata dia Jihova, mukonda ene a matuka o kikutu kiami, o kitumu kiami a ki bhukumukina.

Nahumu 2:5

O iú-phe ua kà xinganeka o makuenze mê ma ita, maji ene-phe a kà di bhukajana mu kuenda kuâ. A kà lengela ku kimbaka, kioso kia kà mona disuamu dióiudike kiá.

Sofoniia 3:3

Adiakimi a mu kala ku pholo, jihoji ja bhane mu kanu ni kuhunza muʼaxaxi kʼê; o afundixiʼê ala imbungu ia ngoloxi, ki i xisa ifuba phala mungu.

Matesu 24:28

Bhuoso bhu kala o kisasu bhene bhu bhongoloka o jiholokoko.

Luka 17:37

Jixibulu ji mu kumbulula, exi: Imíʼii ia-nda kubhita kuebhi, Ngana? Muène ua ambela, uixi: Bhuoso bhuala o kimbi, bhene bhu bhongoloka o jiholokoko.

Matendelelu 28:49

Jihova ua kà ku kasela muiji ua akua makanga ku jihota jʼaxi, uijiia bhulu mukuâ ni holokoko ia di ambatesa ni kuôna; muiji ua athu a dingula a bhingi o dízui dia zuela eie ku tena ngó ku dʼivua;