Habakuke 1:6 - O Mikanda Ikola

⁶ Mukonda ngi balumuna o muiji ua jikaldeu, muiji ua temanana, uazanzuka, o ixi u i endela bhu kuzanza kuê, anga uia mu ku bhingana mabhata ki ma mu tokala.

Habakuke 1:6 ပူးပေါင်းရင်းမြစ်များ

II Jisobha 24:1

Mu izuua ia Nzouakí muene mua bande Nabukodonozolo, sobha ia Babilónia, mu kulua-nê, o Nzouakí hé u kala mivu itatu ku ubhika; o ki iabhu phe, ua hunduluka iú ua kitukila sobha ia Babilónia.

II Jisobha 24:2

Maji o Jihova phe ua mu tumikisa ifuẋi ia masoladi ma akua Kaldeia, ni masoladi ma akua Sídia, ni masoladi ma akua Mouabhi, ni masoladi ma anʼa Amone; ene osuʼá ua a tumikisa mu kulua ni Juda phala ku mu buikisa kala kiambe o maka ma Jihova ma zuelela ku ukunji ua abhikʼé o misesedi.

II Malunda 36:17

Mukonda Jihova ua bhangesa sobha ia jikaldeu kubanda o minzangala iâ, muene iu ua i jibha ku xibhata, mu inzu ia dibhezelu diê; o minzangala ia mala muene ka i kuatela dingi henda mba o ilumba, mba adiakime a kuka kiá, mba ikulakaji ia kukidila; maji ene oso ua a bhakula bhu lukuaku luê.

II Malunda 36:6

Nabukodonozolo, sobha ia Babilónia, anga u mu endela mu kuzoka-nê, anga u mu kuta ni malubhambu phala kuia-nê ku Babilónia.

Izaía 23:13

Talenu o ixi ia Kaldeia; o mundu iú ki u di bhangele luua mundu; Asídia ua i andekela phala oso a tungile mu kikangalakata; a iudika jimbonge jê, ia a tungu o mazemba mê; maji kindalʼiki-phe ioso muene ia budika kiá.

Jelemiia 13:20

Bhetulenu mesu menu, mu mone ala kuijiia ku suku; Kilunga kia ku bhele kiala kuebhi, ni jimbudi jene ku ku muesa o fuma?

Jelemiia 21:4

Jihova Nzambi ia Izalaiele, uambe kiki: Talesenu, eme nga-nda ku lungulula ikumba ienu ia ita i mua kuata bhu maku menu phala ku di lua ni sobha ia Babilonha, ni akua Kaldeia, oso a mi jinguluka kuema dia imbaka, anga nga a bhongoluela muʼaxaxi ka mbonge ienhiʼii.

Jelemiia 21:7

O ki ki zubha kubhita, eme Jihova, ngiia Zedekiia, sobha ia Juda, ni jiselevende jê, ni mundu, oso a subhuka mu mbongeʼumu ku dibhebhu, ni ku xibhata ni ku nzala, nga a bhakula bhu lukuaku lua Nabukodonozolo, sobha ia Babilonha ni bhu lukuaku lua jinguma jâ, ni bhu lukuaku lua ió oso a mu sota o muenhu uâ; muene ua-nda ku a leleka ku mazu a xibhata; ka-nda ku a fikixila, né ngó ku a lendukila, mba kuila u a kuatela henda.

Jelemiia 25:9

nga-nda ku tuma kutakana miji ioso iala kusuku, eme Jihova, ni mubhikʼami Nabukodonozolo ue, sobha ia Babilonha, anga ngʼa bheka mu ixi ienhiʼii ni ku thandu dia oso a tungu-mu ni ku thandu dia miji ioso mu jimbandu, anga nga kà a jimisa mbutu muene xatababá; nga-nda ku a bilula a kituka kisunji; a di bhanga supiia, a kala jingundu ji nangenena.

Jelemiia 30:5

Mukonda Jihova uambe kiki: Tuevu mbimbi ia kuteketa, ia Uoma-phe, ki ia kutululuka, kana.

Jelemiia 4:11

Mu kithangana kinhá a kʼàmbela mundu iú ni Jeluzaleme kuamba: kitembu kia thothuena kia tundu bhu thala ia kikangalakata, kieza mu njila ia monʼa muhatu ua mundu uami, kí kieza phala ku bhiata, kí kieza phala ku zelesa.

Jelemiia 4:6

Lekenu mvela mua lungu ku Ziione, lengelenu muenhu uenu; ki mu sukamene; mbata eme nga-nda kuiza ni kisuéia ki tunda ku suku, ni kibuika kiònene.

Jelemiia 4:8

Kala kiki zuatenu idinhaji, dilenu dikokolo, endenu ni kukumba mbata o kutema kua njinda ia Jihova ki kua tu eha.

Jelemiia 5:15

Talesa-ze, eie u dibhata dia Izalaiele, nga-nda ku mi solomuena kifuxi ki tunda makanga, Jihova ua ki tange; kifuxi kia nguzu. Kifuxi kia xahulu, kifuxi kia bhingi eie o mbimbi iâ kuanda ku ijiia; kioso kia zuela eie kua-nda kutena ku kʼivua.

Jelemiia 8:10

Uila kiki, akajiʼâ nga-nda ku a bhana ku athu engi, o itaka iâ bhu kala ni iá a i bhingana: Mbata tundé ku jindenge tulé ni ku makota, a jijila midimu ia makutu.

Izekiiele 16:40

Kienhókio a kà bandesa kibuka ki ku kitukila, hé a ku bûba ni matadi, anga a ku kubujula ni jixibhata jâ.

Izekiiele 21:31

Hé nga kà lundulula o njinda iami ku thandu dié, o mu kuzoka nʼeie nga kà bhusila o túbhia tua kutema kuami kokué, anga ngi ku bhakula bhu maku a iiala ia handamana, athu ejidila kujibha, akua kufunha kibuika.

Izekiiele 28:7

tala-ze, kuma eme nganda ku ku bhekela athu engi ku thandu dié, ió muene a beta o usuéia mu ifuẋi ioso, ene-phe a-nda ku fomona o jixibhata jâ, mu kuzoka ni kuuabha kua uijidilu ué-eie, anga o kubenha kué-eie a ku kasanesa.

Izekiiele 31:12

O iiala ia tundu kuengi, ió muene a kuata o uoma muʼaxaxe ka akua jixi, ene a mu batula iá a mu xisa; o jithangu jê ji ja sonokena ku milundu ni mu makôlo, o jisuásua jê jòbukujule kuala o jihungulule joso ja ngongo; o ifuẋi ioso mu ngongo, mu kilembeketa kiê ia tundu-mu, iá a mu xisa.

Jouele 2:3

Ku pholo iê ku dianga túbhia tuamuzukuta, o kuema diê milengu iia ni Kiaula; o ixi bhu pholo iê mukuâ ni Díbhia dia Edene, maji o kuema diê-phe i di bhanga kikangalakata kiósengulule; kiene muene, kuma kana kama ka kà mu somboka.