Habakuke 1:16 - O Mikanda Ikola

¹⁶ Anga, mukonda dia kiki, uanda uê u u satela, o kibhongoluelu kiê u ki ohela ima ia mazumba, kuma ni imʼiii mbandu iê ia jingi kiengi, o kúdia kuê kua vulu dingi.

Habakuke 1:16 ပူးပေါင်းရင်းမြစ်များ

Jisálamu 22:29

Ni iá anete mu ngongo, a kà dia anga a bheza; ni ió oso a tunuka kiá mu mavu, a kà diunda bhu pholo iê, katé ni ió kua mu kambe ngó kuzubha, nʼeha muenhu uê.

Izaía 37:24

Eie ua tumu o jiselevende jé kule-bhula Jihova, uixi: Ni nzungule ia makalu mami, nga bande bhu thalʼa milundu katé mu jihotʼèlele ja Libano; nga kà batula misédro iê ioso ialebha-mu ni mifaia ioso ia uabha-mu, anga ngi bokona muene katé bhu thalʼélele, bhu muxitu ua vundu bhuene o mavu a idima.

Jelemiia 44:17

Kota-kota tua-nda kutumaka kizuelu kia tundu mu kanu dietuʼetuene, tuenda ni kuoha jinga o uasu ua dizumba kua sobha ia diulu ia muhatu, ni ku mu bhakuila makúnua, kala ki tuene mu kubhanga kiá etu, ni jitata jetu, ni jisobha jetu, ni ilamba ietu, mu jimbonge ja Juda ni mu jinzunga ja Jeluzaleme; etu tuene mu kala ni kúdia kua di xala ni kusanguluka, kana-ku ue kuiibha kuoso-kuoso ku tua mono.

Jelemiia 44:8

O ki mua-nda ku ngi thathamesa ni ikalakalu ia maku menu, kioso ki muʼoha uasu ua dizumba ku jinzambi jengi mʼoxi ia Ijitu, mu mua bokona, enu, phala kunhunganena-mu, mbebhu kʼenuʼenu mua-nda ku di jimisa o mbutu anga mu di bhanga mu akua mázui ni lusebu mu kaxi ka miji ioso mu ngongo?

Izekiiele 28:3

tala-phe, eie ua beta kuijiia o Daniiele ndenge; kuma eie kana-ku kima kia kasuèkele ki tena o ku ku suamena.

Izekiiele 29:3

Zuela, kuamba: O Jihova Nzambi uambe kiki: Emʼiú, mu kuzoka nʼeie Falaó, sobha ia Ijitu, u kimudikixi kionéne, ua butama muʼaxaxe ka jingiji jé, eie ua mu kuila, uixi: O ngiji iami, iami eme-muène, kuma eme nga i bhange phala eme.

Daniiele 4:30

Sobha-phe u kumuna, uixi: Abha iii ki iene mbanza iadikota ia Babilónia i nga tunga eme, ngixi diene o dibhata dia ungana, dia tundu ku undanda uami, phala kijingo kiami kiie ni kufumana?

Daniiele 5:23

Eie ua di zangeleka, kua xila Ngana ia diulu, o itutu iaʼnzo iê a ku bhekela-iu eie; eie-phe, ni ilâmba ié, ni akajiʼé, ni akamʼé, muene mu mua kuata kunuina o vinhu. Eie ua te-ku dingi o kuximana jinzambi ja phalata, ni ja ulu, ni ja ngòndo, ni ja jifelu, ni ja miẋi, ni ja matadi, o jene ki ji tena kumona, ki ji tena kuívua, ki jʼejiia kima, jedi ngó ni jene hudí; maji o Nzambi, uoso ua ku kuata o muenhu ué ni jinjila jé joso, ji uenda, muenhú kua xikina ku mu jingisa.

Habakuke 1:11

Hé a bhita mukuâ ni kitembu kia kibhungu, anga endelela muene nzaká; enhá-phe à kala mu kuêla muene, kuma a fika a ki bhange ni nguzu ia tundu kua nzambi iâ.

Matendelelu 8:17

Sumba muà kela mu miẋima ienu muixi: Mu nguzu ietu ni kusuina kua maku metu, muene mu ejiia o umvuama uoso uenhú.