Habakuke 1:13 - O Mikanda Ikola

¹³ Kuzela kuene, Ngana, ku mesu mé, kuma Eie kutené kuiala ima iaiibha mba kutonginina kioso athu kiala kutatesa akuá; abha-phe, Ngana, u lendukila kiebhi athu a bhanga kiaiibha, anga u dixibha muene kioso mukua ituxi kia minha ió ua beta kuiuka kiambote, o muene ndenge?

Habakuke 1:13 ပူးပေါင်းရင်းမြစ်များ

II Samuuele 4:11

Kuambe dingi o athu iá, o isuéia a jibhila o muthu ua iuka mʼonzo iê, bhu hama iê bhua zeka; manhi o manhinga mê ngi kamba ku mʼebhula bhu lukuaku luenu, ni ku mi jimisa ue o mbutu mu ngongo?

I Jisobha 2:32

Jihova a mu vutuile o manhinga mê ku thandu dia mútue uê-muene, kuma muene ua balukila malʼaiadi a mu tundu muene kuiuka o muẋima ni mu ukota, iu ua a jibha ni mukuale uê, sé tatʼetu Davidi ku kʼijiia, ana a Abinele monʼa Nedi, kabhitangu ka kifuxi kia Izalaiele, ni Amasa monʼa Jetele, kabhitangu ka kifuxi kia Juda.

Estere 4:14

Kuma eie ki uila u di xibhé, thembu ienhiʼii, hinu bhu kala kuma kuengi ku tunda kubhanduluka kua jijudé, ni muthu uengi u a kudila, eie-phe ni dibhata dia tatʼenu mu buila. Nanhi ua kʼijiia se kiene kia ku tela ku ungana, phala u kudile mundu bhu thembu kala iii?

Jobe 15:15

Tala, Nzambi katé ni jisandu jê, ka ji dielela, né-mbe o diulu, ku mesu mê ki diala ni kuzela,

Jobe 21:7

Mukonda diahi, athu a ibha, a kola muenhu, a kuka muene, anga a kala dingi kota mu kutena?

Jobe 24:23

O Nzambi kia a bhana kunhoha, ene-phe a dielela kiá ngó kienhókio; o mesu ma Nzambi phe ia a talela mu jinjila jâ.

Jisálamu 10:15

Bukula, Ngana, o lukuaku lua kisuéia ni lua mukua phulu; solokota muene o ituxi iâ katé ki u i zubha, hé u mona muene kuila ki ku xala dingi kima.

Jisálamu 18:26

Ua di zelesa, eie u ku mona kuzela; muthu uaiibha eie u ku mona kuiibha, kuma ku xikina ku mu ehela.

Jisálamu 25:3

Kana bá! oso a ku kinga eie ka tena kukakuka; a kakuka kikale ió a baluka ni kubhuma.

Jisálamu 35:17

Eie-phe, Ngana, u tala ngó kienhiki katé bhebhi? Kudila o muenhu uami ku iama iii, muenhu uami umoxi-èlele kudila-u muʼaxaxi ka jihoje.

Jisálamu 35:22

Eie-phe ue ua ki mono, u Jihova, kana kudixibha; kana ku ngi kala dikanga, Ngana iami, tata!

Jisálamu 35:25

Ka kale dingi mu kuila ku miẋima iâ, exi: Euá! kienhókio! kienhókio! ka kale mu kuila: Tua mu minha muene!

Jisálamu 50:21

Iene ima i ua bhange iii; mukonda-phe dia kudixibha kuami, ua ngi fika ngi mukuenu, nga soko ni ki ualʼeie; maji-eme-phe ngi ku bazela, o ikuma ié ngi i ta muene ku munôno ku mesu mé.

Jisálamu 50:3

Nzambi ietu iú uiza, ka xikina kudixibha; ku pholo iê túbhia tuia ni kuaúla, mu jimbandu jê uenda ni kibhûngu kiavulu.

Jisálamu 73:3

Kuma phata ia ngi kuatele ia iá abhumu, mukonda dia kumona o isuéia kubhanduluka.

Jisálamu 83:1

U Nzambi, tata, kana ku di xibha; zuela Ngana, u balumuke mu bhanga kima, ku kale ngó kiókio, u Nzambi.

Izaía 21:2

Kisunji kiaiibha kia ngi londekeza; mukua-ufe u bhanga o ufe uene, o mubuikixi uenda ni ku buikisa; banda, eie Elame, konda kuene kuoso, eie Mediia, kuma mikemu iê nga i bhuisaku kiá.

Izaía 24:16

Ku maẋokololo maʼxi tuevu-ku ià emba mikumbi ia kufumanesa Muthu Uaiuka; maji eme ngedi: Uaué, enu malʼé! Nga bhele, nga tunuka! Akua-mangonha a bhange ufe! kiene muene, akua-mangonha a bhange muene ufe ua nzungule!

Izaía 33:1

Kokolo diê u mubhundi, sumbala ene ka ku bhundu, athu ka ku bhange ufe, eie u a bhanga ufe! Kioso-phe ki u zubha kubhunda akuenu, eie ue a-nda ku ku bhunda; kioso ki u zubha kubhanga ufe ku akuenu, eie ue bhu kala o ku ku bhanga ufe uene.

Izaía 64:12

Kifua, Jihova tata, mu ima iosuʼiii, hanji u di xibhʼé muene? Uilʼé muene hudí, anga u tu tatesa kiosuʼiki?

Kuditenda 3:36

kúdia o mangonha kua mukuenu bhu dimanda diê, Jihova manhi kienhiki ka ki monʼuê?

Habakuke 1:14

Pbhala-hi, Ngana, athu a a kita mukuâ ni jimbiji ja kalunga, mba mukuâ ni ibamba ia kambe u i tumina?

Zakadiia 8:17

Ki bhu kale muthu mudienu u xinganeka mu muẋima uê kima kia phulu kua mukuâ, mba bhu kala muthu u uabhela kuloka mu makutu; kuma ima ioso iii ia ngi ibhila, Jihova ua ki tange.

Jipoxolo 2:23

muenʼió, mu kuijiia kua Nzambi ni kikutu kiê ki a ta jinga mʼokulu, mua mu bhakuile enʼuenu bhu maku ma iiala iabhumu, mua mu phaphelesa ku dikulusu, mua mu jibha.

Matendelelu 23:15

O mubhika se ualenge kua ngana iê, iu ueza kokué, eie kana ku mu bhakula dingi kua muene ua mu vu;