Habakuke 1:10 - O Mikanda Ikola

¹⁰ Muiji uenhú jisobha joso a ji tobhesa, a bhanga kasekelu ku anʼa jimbanza, o kia talesa o jimbonge jâ, a jiʼolela, kuma mu ku ji tutila nzungule ia mavu, a kà ji tolola hé a ji tambula.

Habakuke 1:10 ပူးပေါင်းရင်းမြစ်များ

II Jisobha 24:12

Bhenhobho o Nzuakí, sobha ia Juda, anga u banda, uia mu ku di-mona ni sobha ia Babilónia, ni muene ni manhʼâ ni abhikʼé ni ilamba iê ni jifixiiadi jê; o sobha ia Babilónia iú ua mu kutu, hé u muʼambata uia nê mu muvu ua kanake ua utuminu uê.

II Malunda 36:10

O bhu kisonaxi ku muvu, sobha Nabukodonozolo u tuma ku muʼambata ni ku mu bheka ku Babilónia, kumoxi ni itutu ia te kiavulu ia inzu ia Jihova; anga Zedekiia dia phangʼiê muene a mu te bhu kididi kiê mu kutumina mua Juda ni mu Jeluzaleme.

II Malunda 36:6

Nabukodonozolo, sobha ia Babilónia, anga u mu endela mu kuzoka-nê, anga u mu kuta ni malubhambu phala kuia-nê ku Babilónia.

Izaía 10:9

O Kanó ka sokué ni Kalekemixi? O Hamate ka sokué ngó ni Alapade? Samádia ka sokué ngó ni Damasku?

Izaía 14:16

Oso a kà ku mona, a ku ila muene suí, a ku tongolola anga a ku ambela, exi: Muenhú na iala ua kexe kuteketesa oxi, ni ku titidisa jimbanza, kuambe?

Izaía 37:13

Sobha ia Hamate, iú kuebhi? Ni sobha ia Alapade, ni sobha ia diembu dia Sefalavaime, ni Hena ni Iva, iá kuebhi?

Jelemiia 30:5

Mukonda Jihova uambe kiki: Tuevu mbimbi ia kuteketa, ia Uoma-phe, ki ia kutululuka, kana.

Jelemiia 32:24

Tala-ze, Ngana, o milombo! Eza kiá mu kúlua o mbonge phala ku i tambula, ni mbonge iene iʼòbhane kià bhu maku ma akua Kaldeia a mu i zokela ni xibhata, ni ku nzala, ni ku dibhebhu; o ki ua zuela kia di bhange muene, tala, kiene-ze kiá ki tua mu monʼiki.

Jelemiia 33:4

Mukonda Jihova, Nzambi ia Izalaiele, uambe kiki, ku jinzu ja mbonge iii, ni ku jinzu ja sobha ia Juda ja bulu ni matalabuku ni ku xibhata

Izekiiele 21:31

Hé nga kà lundulula o njinda iami ku thandu dié, o mu kuzoka nʼeie nga kà bhusila o túbhia tua kutema kuami kokué, anga ngi ku bhakula bhu maku a iiala ia handamana, athu ejidila kujibha, akua kufunha kibuika.

Izekiiele 26:8

O anʼê a ahatu, ala ku mukáu, muene ua kà a jibha ni xibhata, o mu kuzoka nʼeie ua kà ku kandeia jimbonge, u ku tungila imbaka, hè ua kà ku zengela o Kadia-konda.

Sofoniia 1:8

Kia kà kala-phe kiki: Mu kizuua kia sata ia Jihova, nga kà bhana kastiku ku makota ni ku anʼa sobha, ni ene-oso kiá ene mù zuata o izuatu ki ia a tokala.