Filipe 4:9 - O Mikanda Ikola

⁹ Ioso ima i mua di longo kokuami, i mua ngʼ ivu na-iu, i mua ngi muene na-iu, iene kiá o ima i mu bhanga jinga. O Nzambi mukua ku tu bhana o paze, anga u kala ni enu.

Filipe 4:9 ပူးပေါင်းရင်းမြစ်များ

Izaía 41:10

Kana kukala ni uoma, kuma eme ngala bhuamoxi nʼeie; kana kubhuuama, mbata eme ngala ngi Nzambi ié; eme ngi ku suinisa, hé ngi ku kuatekesa, anga ngi ku fikidila ni lukuaku luami lua kadilu, lua kuiuka kuami.

Izaía 8:10

Né muedi mu di-phopha bhuamoxi ku kaiula ki ka kà tunda kiambote; né mua te maka, ki ma kuata, lémbue; mbata etu Nzambi tuala-nê.

Matesu 1:23

Talesenu! Ku kala muhatu ua mon-ndenge uimita hé u vuala mona; O dijina diê, a kà mu luka Imanuuele. Dienhidi, ku di jimbulula, edi: Nzambi tuala-nê.

Matesu 28:20

ni ku a longa kualuka ima ioso kiá i nga mi tumu eme. Talenu, eme-muene ngá kala ni enu izuua ioso, katé ku dizubhilu dia mundu.

Matesu 7:21

Ki ene oso a ngʼila Ngana, Ngana, a kà bokona mu mbanza ia diulu; kikale ngó ió u bhanga o vondadi ia Tata iami uene mu diulu.

Luka 6:46

Mu ngʼila kiebhi Ngana, Ngana, mua kambe o kubhanga ima ioso i nga mi ambela?

Luka 8:21

Muène-phe eneʼoso u a vutuila, uixi: Mamʼetu ni phange jami, enhá oso évua o maka ma Nzambi, ni a ma bhange.

Nzuá 13:17

Kindala ima iíi se mua ijiia, mu zediua se iene i mu bhanga.

Nzuá 15:14

Enu mu makamba mami se mu bhanga ima ioso i nga mi tumu.

Nzuá 2:5

Manhiʼ â uambela akua-mbèle, uixi: Muène, kioso kia mi tuma, bhangenu-kiu.

Jipoxolo 9:6

Muene-phe ni kuteketa ni kudiuana, uixi: Ngana ua mesena ngi bhanga kiebhi? Ngana u mu ambela, uixi: Balumuka-phe, u bhixile mu mbonge, mueneʼomo a kà ku jimbuila kioso ki u bhinga kubhanga.

Loma 15:33

O Nzambi, otho ia paze ietu, a kale kiá ni enu oso. Amén.

Loma 16:20

O Nzambi, otho ia paze ietu, kindala uanda ku titidila Satana bhoxi dia inama ienu. O kiadi kia ngana ietu Jezú Kristu, ki kale ni enu oso.

I Kolindo 10:31

Uila kiki, kixi mu kudia, kixi mu kunua, mba mu kubhanga kima kiosokioso, iene ioso i kale ia kuximanesa Nzambi.

I Kolindo 14:33

Mukonda ue o Nzambi ka tu ixanena phala ni tuende ni kubhanga kavanza, maji ua tu indi ima ioso tu i ta mu ididi iê.

I Kolindo 4:16

Uila kiki, nga mi diondo-phe, kalenu mu afikixi ami eme.

II Kolindo 13:11

Kia xala-ku phange jami, nga mi lekela. Sotenu o kutenena. Ivenu kiambote ioso i nga mù mi ambela. Kalenu muẋima umoxi. Tungenu ni paze. O Nzambi ia henda ni paze anga u kala ni enu.

Matendelelu 5:1

Mozé anga uixana Izalaiele ioso uʼambela, uixi: Îvua eie u Izalaiele, o jingonge ni mabatuilu u ngala ku mi tendelela lelu mu mátui menu, muile ni ku di longa-u ni ku ma lunda, mbé o ku ma bhanga.

Filipe 3:17

Enu jiphange, suinenu mu kukala mu afikixi ami eme, mu tongolole ue oso akua kuenda kienkiki, kala etu ki tua mi bhana o phangu.

Filipe 4:7

Bheniobho o kutululuka kua Nzambi kua somboka o kitongoluelu kioso kia muthu, kuanda ku mi bateka miẋima ni ilunji, mu ukamba ni Kristu Jezú.

I Tesalonika 1:6

Enu anga mu kala mu afikixi etʼuetu, mu afikixi ue a Ngana. Kuma o maka mua ma tambula ni hadi iavulu, ni ngalasa ioio i tunda kua Nzumbi Ikôla.

I Tesalonika 2:14

Kuma enu, jiphange, o kia mi bhiti enu, kiene kia bhiti ku akua Judeia. Enu mua bokona mù fikisa o Jingeleja ja Nzambi ku Judeia, mua Kristu Jezú. Mukonda mua tale jihadi jene jimoxi, ni ku mi zukutusa ku akua ʼxi ienu, kala ja tale ene ku Jijudé.

I Tesalonika 5:23

O muène Nzambi, mukua ku tu bhana o paze, a mi zelese katé mua zubha; a mi bhake kivimba ni nzumbi ni muenhu, ni mukutu, sé dixaka, mba kuêla kua kima, katé bhua kà tukulukila Ngana ietu Jezú Kristu.

II Tesalonika 3:4

Tua mi dielela ue mua Ngana, kuma mua bhange ima ioso i tua mi tendelela, ni ku pholo iene i mu bhanga.

II Timote 4:22

Ngana Jezú Kristu, akale ni nzumbi ié. O kiadi kia Ngana Nzambi ki kale ni enu oso koko.

Tiiaku 1:22

Kalenu mu abhangi a maka, kana akua kuivua ngó, mu kumbidile kioso kiala ku mi tuma o maka enhá. Ki mu kuate kudinganala jinga enu-enu.

II Phetele 1:10

Uila kiki, enu mu akuetu, phange jami, Sotenu izuua ioso kukala ni muẋima ua kolo mu kuijiia kuma Nzambi kidi kiene, muène ua mʼixana iú ua mi solo. Mbata se kiene ki mu bhanga, ki mua-nda kudibhala dingi.

I Nzuá 3:22

O ioso ue i tu bhinga kua muène, tu i tambula mukonda tu aiuka o ijila iê, etu tua mu bhanga o ima ioso ia mu uabhela muène.