Filipe 4:6 - O Mikanda Ikola

⁶ Ki mu kale ni hele ia kima, ki mu ile bhidibhidi, maji ima ioso-phe iiza-ku, mu ila ni kusamba ni kudionda, kumoxi ni kusakidila, mu ende ni kubhinga kua Nzambi ioso i mua mesena.

Filipe 4:6 ပူးပေါင်းရင်းမြစ်များ

I Jisobha 8:28

Sakukila-phe Ngana, o musambu ua mu samba mubhikʼé, ni kudionda kuê, eie u Jihova, Nzambi iami, nda uívue o kudikola ni musambu uala kubhanga lelu mubhikʼé bhu pholo ié.

II Malunda 32:20

Maji o sobha Ezekiia ni polofeta Izaía, monʼa Amoji, mukonda dia kienhiki a sambe, anga a handekela ku diulu.

Jisálamu 51:15

Ngi jikule, Ngana, o mizumbu; dikanu diami di kale mu ku tumbula jinga o fuma ié.

Jisálamu 55:17

Ni ngoloxi, ni kimene, ni mediia, ngi di tenda kua muene, ngi kumba; o muene-phe u ngʼivua dízui diami.

Jisálamu 55:22

Se uevu kimbamba kia ku xina, iza na-kiu kua Jihova, muene u ku sokesa na-kiu; kuma muene kana kizuua ki ehela muthu uaiuka ku mu bhondeleka sé mbambe.

Jisálamu 62:8

Enu mu mundu, di fiiadienu Nzambi mu thembu joso; lundululenu o mixima ienu kua muene; kuma Nzambi muene dilengelu dietu. (Selah.)

Jisabhu 15:8

Jihova ua di-zemba ni sata ia athu abhumu; maji ki mu uabhela muene, o kuividila musambu ua athu aiuka.

Jisabhu 16:3

Ikalakalu ié ioso bhakula-iu kua Jihova, muene u ku xikikila ima ioso i u kana kubhanga.

Mukumbi ua Mikumbi 2:14

Izá, phomba iami, tata, eie ua tunga mu jingenda ku jindanji ni mu ididi ia di sueka ku matadi a di leka, ngidikize pholo ié, bhangesa kuila dízui dié ngi dʼivua, kuma o mbimbi ié ia touala, o pholo ié i bhekela kizola!

Jelemiia 32:16

O ki nga zubha kubhana o kisoneku kia uenji kua Mbaluke, monʼa Nediia, nga sambe kua Jihova, ngexi:

Jelemiia 33:3

Dikole kokuami, nda eme ngi ku vutuile ni ngi ku tudile jimene ja ima ionéne, ia kuata ia kolo, i ua kambiʼeie kuijiia.

Daniiele 3:16

Ni Sadalake, ni Mizake, ni Abede-neko, a kumbulula anga a tangela sobha Nabukodonozolo, exi: Etu, ku maka iá ki tua bhingi ngó ku ku vutuila-ku kima.

Daniiele 6:10

Daniiele-phe kievu kuila sobha ua di-sinala o mukanda, ua bokona mʼonzo iê, hé uia mu xilu muala jinjanela jaʼnzo iê ja jikuka ja lungu ku Jeluzaleme; a-nga ufukama ku jiphuna jê lutatu ku kizuua, usamba, usakidila bhu pholo ia Nzambi iê, kala kiene o kifua kiê tunde ukulu.

Matesu 10:19

Enu-phe, kuila a mi kutu, ki mu kale ni hele kioso ki mu zuela, mba hundu ioso i mu kuata, mukonda bhu kumbi dienhódio, Nzambi kiene kia kà mi bhana kioso ki mu zuela.

Matesu 13:22

A mu kuua mu minha, muenhú uívua maka, maji o luímbi lua mu ngongo-phe ni kusênduka kua jimbongo, kubhaka o maka mu a vundu, anga u tokoka kuima ibundu.

Matesu 6:34

Uila kiki, ni kizuua kia mungu, kana ku ki kuatela hele. Mukonda o kizuua kia mungu kia di kalela ni hele íê. O hadi ia lelu ia soko ni kizuua kiê.

Matesu 6:8

Enu-phe kana kufikisa enhó. Mbata Tatʼ enu uejiia kiá ima ioso i mua bhindamena, kioso enu kiluua ngó mu mu bhinga.

Luka 10:41

Ngana-phe ua mu vutuila, uixi: Marta, Marta, eie ua lalama, kuma ua tandanganha ni ima iavulu.

Luka 12:22

Jezú anga uambela jixibulu jê, uixi: Kala kiki, kiene ki nga mi ambelela kuila, ki mu kale ni hele ia muenhu uenu, muexi tu dia-hi? Né ia mukutu uenu, muixi tu zuata-hi?

Luka 12:29

Kala kiki, kana kutata ni kusota kioso ki mu dia, ni kioso ki mu nua. Kana kuvula uê ilunji.

Luka 18:1

Jezú anga ua tela kifika phala ku a longa kuma a tokala kusamba jinga, sé kubhuila;

Luka 18:7

Abha, Nzambi u kamba kufundisa athuʼê ua a sola, a di kola-kola kua muène mu muanha ni mu usuku, anga ua zokelela mu milonga iâ? Manhi u kokoloka mu ku a banda?

I Kolindo 7:21

A ku ixana kuala Nzambi ki uala u mubhika? Ki ki ku kuatele kima. Maji se ua tena kutambula ufôlo-phe, kiauabha, inda u bhanduluke.

I Kolindo 7:32

Eme nginda-phe ki mu kala ni jihele. Uoso uala dikudi, u kala ngó ni hele ia kikalakalu kia Ngana, mukonda uala kuinda kioso kia uabhela Ngana.

II Kolindo 1:11

kiosuʼ iki-phe ni enu uenu mua mu tu kuatekesa ni kusamba kuenu. Kienʼ iki o mu kubhinga kua mu tu bhingila athu avulu, ki bhekele ue kuila athu dingi avulu anda kusakidila Nzambi mukonda dia mabesá Muène a-nda ku tu bhana.

Efezo 5:20

Muila ni kusakidila jinga ima ioso kua Nzambi, muène Tata, mu dijina dia Ngana ietu Jezú Kristu.

Efezo 6:18

O ima ioso íii mu i bhanga jinga ni kusamba, mu kubhinga Nzambi ku mi kuatekesa. Sambenu jinga ithangana ioso, mu ku mi endesa kuala o Nzumbi ia Nzambi. Kala kiki, Phaphumukenu, ki mu di jimbe. Kana kubhuila. Endenu ni kusambela jinga akua Ngana oso.

Kolose 3:15

O kutululuka ku tunda kua Nzambi, ku mi tetulule mu miẋima. O kutululuka kueniuku kuene Nzambi kua mʼixanena kukala idiandu ku mukutu umoxi. Hé muila ue ni kusakidila.

Kolose 3:17

Kala kiki, ioso-ioso-phe i muila, kixi mù zuela, kixi mu kubhanga, iene ioso bhangenu-iu mu dijina dia Ngana Jezú, hé mu sakidila jinga Nzambi Tata kua muène.

Kolose 4:2

Kolokotenu mu kusamba, muila ni kulangidila ni kusakidila jinga Nzambi.

I Timote 2:1

Nga ku ambela-phe kuma, ku ima ioso, ku dianga o kubheza, ni kusamba, ni kusamba, ni kusakidila Nzambi mukonda dia athu oso.

I Timote 5:5

Muhatu uoso-phe uala mutudi mu kidi, ka moneka thumba ni samba u mu tambula konda, ió o kudielela kuê kua kuata ngó kua Nzambi, kuma u jijila kusamba usuku ni muanha mu kubhinga dikuatekesu kua muène.

I Phetele 4:7

Disukilu-phe dia ima ioso dia zukama. Kuatenu-phe kilunji, mu kale ku mesu azele, mu kale mù samba.

I Phetele 5:7

Héle ienu ioso xilenu-iu Nzambi, kuma muène ua mi kuatela muanu.

I Samuuele 1:15

Hana-phe anga u vutula, uixi: Kana, ngana iami, tata! Ngi muhatu ua mukua malamba; ki nga nu, né ngó vinhu, mba kúnua kuengi kuoso-kuoso ku kodiuisa; maji nga mu lunduluila o muenhu uami bhu pholo ia Jihova.

I Samuuele 30:6

Davidi anga u tata kiavulu, kuma mundu a tele maka a ku mu bûba ni matadi, mukonda muẋima ua mundu uoso uala ni malamba, kala muthu uala mu kuxinganeka anʼê a mala ni a ahatu. Maji Davidi-phe u di kolesa muẋima mua Jihova Nzambi iê.

I Samuuele 7:12

Samuuele anga u katula ditadi u dʼimika bhu kaẋi ka Mixipa ni Sene, anga u di luka dijina dia Ebenezele, kífua uixi: Katé bhu tuezʼabha, Jihova muene ua tu kuatekesa.