Filipe 4:4 - O Mikanda Ikola

⁴ Enu-phe, sanguluka jingʼ enu mua Ngana. Ngi tona o ku ki zuela: Sangulukenu!

Filipe 4:4 ပူးပေါင်းရင်းမြစ်များ

Jisálamu 146:2

Katé bhuoso bhu ngà laiela, nuka ngà kamba kuximana Jihova; ngimba jinga o diximanu dia Nzambi iami, katé bhua kà ngi suka o muenhu uami.

Jisálamu 33:1

Sangulukenu kua Jihova, enu athu aiuka; kuma kuximana kua fuama oso emana mixima nzanza.

Habakuke 3:18

né kienhókio, eme hanji nga kà sangulukila mua Jihova; nga kà tumbujuka ni ngalasa mua Nzambi ia ubhulukilu uami.

Matesu 5:12

Tanenu-ku mu sanguluke! Kuma kisakidilu kienu hádia ki kala kia dikota mu diulu; mbata ni jipolofeta ja mi diangelele-ku kiene ue kia ji bhangele.

Jipoxolo 16:25

Mu kaxi ka usuku-phe, Phaulu ni Sila a kala mu kusamba ni kuimbila Nzambi, o jipelezu ni akuâ ji kala mu kuividila.

Jipoxolo 5:41

Ene kieniokio, a tunda bhu pholo ia Kionge kia Jitata ni kusanguluka kuavulu, kuma Nzambi ua a kiti athu a fuama kutambula malebhu mukonda dia dijina didi dia Jezú.

Loma 12:12

Sangulukenu jinga mu kudielela ku muala na-ku; kuatenu kinhenge mu izudidiku, kolokotenu mu kusamba, ki mu bhuile.

II Kolindo 6:10

Sai ni bhabha a tu vunzila malamba, maji etu tua sanguluka jinga. Tuedi kala tu jingadiama, maji athu avulu tuala ku a muesa jimbongo. Tuedi kala ki tu moneka kima, maji ima ioso tua i vu.

Ngalásia 1:8

Maji-phe, né-mbe kiá etu-ene—mba anju i tunda mu diulu,—i mi tudila Njimbu Iambote iengi, ki iene o Njimbu i tua mi tudila etu, muenʼ ió a mu bhubhidile!

Filipe 2:18

Enu uenu tanenu, mu sanguluke kumoxi ni eme.

Filipe 3:1

Mu kubhana o mahezu-phe, phange jami, nga mi ambela kuila Ngana a mi bhane kusanguluka kua soko. O mu ku mi sonekena o maka ene amoxi, eme ki kia ngi kumu, mbata, phalʼ enu kukondama.

I Phetele 4:13

Inda kiosuʼiki-phe a mi bhana-ku mbandu ku jiphaxi ja Kristu, tanenu-ku, phale bhuoso bhua kà tukuluka o fuma iê, enu uenu mua kà tana ni ngalasa iavulu.