Filipe 4:17 - O Mikanda Ikola

¹⁷ Kana, ki mukonda ngalù sota a ngi bhana; maji ngalù sota enu mu ime ibundu i mi nganhalesa ku konda ienu.

Filipe 4:17 ပူးပေါင်းရင်းမြစ်များ

Jisabhu 19:17

Uoso u bindumuna ngadiama, ua sobhesa kua Ngana; Jihova muene hinu u mu futa o mbote iê.

Mikeia 7:1

Kokolo diami! Kuma ngedi kala kiene mu kukanza o ibundu bhu thembu ia ku muna, ngedi kala ibundu bhu kixibhu iaxala mu a kanze kiá! Ni kisaka kia ji-uva ngó phala kúdia ki ki moneka dingi, mba tufiku ngó tua xalela, tuene kuinda o muenhu uami.

Malakiia 1:10

Tamano mudienu mua kexile muthu u jika mabhitu phala ki mu uike túbhia tua kalatódio kami mu kingoho. Kuma Jihova dia Ifuẋi uixi kiki: Enu ki mua ngi uabhela dingi; ki ngi xikina kutambula jisata ji tunda bhu maku menu.

Nzuá 15:16

Ki enu mua ngi solo eme. Maji eme nga mi solo enu, eme nga mi tumu ni muende ni kubhana ibundu, o ibundu ienu ni i nange, i kambe kuzangiua. Ni ioso ue i mu bhinga Tata mu dijina diami, muène ni a mi bhane-iu.

Nzuá 15:8

Kiene ki bhekela athu kuximana Tata iami, se enu mua bhana ibundu iavulu, anga mu kala jinga mu jixibulu jami.

Loma 15:28

Kioso ki ngi zubha-phe o kubhanga kikalaklu kiki, ni kubhana o ujitu ua mukungu uoso ua kungu athu phala ene, ngi mi somboka mu kuia ku Xipânia, o mu kubhita kiene ki nga kà mi kunda.

II Kolindo 11:16

Ngi ki zuela dingi, ki bhu kale muthu u ngi fika ni usemenhi. O ki kala-phe mua ngi fika ni usemenhi, kiene kimoxi ngi tambuludienu kienʼiki, phala ngi di thathe-ku bhuʼofele.

II Kolindo 9:5

Kala kiki, nga fika kia uabha kubhinga kuila bhu kale jiphange ji tu tuamenena ku mualʼoko, phala kuiudika o ujitu uenu u mua tange. Phala eme ki nga kà bhixila, ngi sange uoiudike kiá, o ene oso a kʼijiie kuila kima kia vondadi ienu, ki kʼile kala etu tua mi bhinjika.

Filipe 1:11

Muime kiavulu ibundu ibundu ia tokala o kuiuka, iijiia kua Jezú Kristu, i bhekela kujingisa ni kuximana Nzambi.

Filipe 4:11

Maji ki nga mu ki zuelela kubhindama, kuma nga di longo kiá kuila uoso ukalelu u ngala, ki uidi kima, ua ngi soko.

I Tesalonika 2:5

Tundietu, kiluua tu kala ni maka ma kuhanza athu, enʼuenu mua kʼ ijiia, kiluua tu kala ni maditatu ma luimbi lua kutambujula itadi. Nzambi mbangi ia ima ienʼiii.

I Timote 3:3

Ka kale mukua kukodiua mba kiiala kia thathamana, maji u bhinga u kala mukua kilendu, ua xididika. Ka kale mukua luimbi lua kitadi.

I Timote 6:10

Kuma o luimbi lua kitadi, luene lundanji lu bhana o ima ioso iaiibha. Amoxi-moxi-phe, mukonda dia kudisunga mu ku ki kuata, a jimbila o kuxikana, ia a di toma mu mavuua mavulu mukuâ ni jisongo.

Tito 1:7

Kuma bispo u bhinga ka kala ni kuêla, mbata muène dikota dia Ngeleja, muingi ua dibhata dia Nzambi. Ka kale ni izala, ka kale muthu u thathamana, ka kale mukua jimvunda, mba muthu u uabhela kunua vinhu, mba mukua kubeta. Ka kale ni luimbi lua nganhu iaxidi.

Tito 3:14

O mundu uetu ue a di longe kubhanga midimu ia mbote, mbebhu o kubhindumuna, phala ene ue ka kambe kukala ni ibundu.

Jihebeleu 6:10

Kuma Nzambi ki mukua kaxixi. Muene ka landuka uila sedivisu i mua bhange i mu jimba, mba o henda i mu edikisa o dijina dîê mu kubhindumuna jinga anʼê a ngene, ni kiki hanji enu mu bhindumuna o jikidistá.

I Phetele 5:2

Kuila ingenu o kilunga kia Nzambi ku mualʼoko, ni ku ki tambula konda, kana ni usudi, maji ni vondadi ioso, kioso kia mesena Nzambi. Ki mu ki bhangela nganhu iaxidi, maji mu ki bhangela o muẋima ua mi tumu ku di bheka mu kusedivila.

II Phetele 2:15

A jimbila, iá ala kubungana ngó, kuma njila ia kidi a tokoka ku i ijiia! A kaiela mu njila ia Balamu, monʼa Beola, uandalele o nganhu ia kitadi mu kubhanga kia iibha.

II Phetele 2:3

O mu luimbi luâ lua kitadi ni kuzuela kuâ kua ku di dinga, a kà mi ta uenji. Enhó tunde okulu o kuêla kuâ ki ku kokoloka, o kubuika kuâ ki ku zeka!

Juda 1:11

Lamba diâ! Kuma a kaiela mu njila ia Kaini! Mukonda dia luimbi lua kitadi, a texikila mu kutondala kua Balamu, ua bhindamenéne o nganhu! A buikila mu kuxibhaka kala Kola kia xibhakele iú ua buika.