Filipe 4:15 - O Mikanda Ikola

¹⁵ Enʼuenu mua kʼijiia, mu akua Filipe, kuma bhu dimatekenu dia Njimbu Iambote, thembu i nga katukile ku Masedonia, kana Ngeleja i nga kexile na-iu mu kisangela kia kubhana ni kutambula, kikale enu ngó ubheka uenu. Ngeleja ienu iene ngó ia ngi kuatekesa.

Filipe 4:15 ပူးပေါင်းရင်းမြစ်များ

II Jisobha 5:16

Maji-phe muene, uixi: Jihova a laie, uavu o pholo ie bhu ngala, kuma o ujitu ué-eie ki nga-nda ku u tambula. Hé u mu jijidika ku u tambula, maji muene-phe nguâ-ié.

II Jisobha 5:20

Bhneʼobho Jeazí, mubhikʼa Ilizeu, muthu ua Nzambi, uixi: Tala, ngana iami ua fudisa kuila ku lukuaku lua Naamane iú, dia mukua Sídia u bhanaku kama ku ima iejile na-iu; nguami tata! Nganda ku mu kaiela ni lusolo, hé ngi tambula-ku kama koso-koso.

Jipoxolo 16:40

Phaulu ni Sila anga a xa kaleia, a bokona mʼonzo ia Lidia. O kia zubha ku di mona ni jiphange, ni ku a longesa, a katuka.

Loma 15:26

Kuma o jingeleja ja akua Masedonia ni akua Akaia kia a uabhela kubhanga mukungu ua kubhindumuna jingadiama ku mundu ua akua Ngana ala mu Jeluzaleme.

Filipe 1:12

Nga tumu-phe ku mʼ ijidisa, jiphange, kuma o ima ia ngi bhiti ki i fudisa, kana, inda ia bhekela o Njimbu Iambote kusambuka dingi kiengi.

Filipe 1:16

Iá a ki bhangela henda, kuma a kʼ ijiia kuila eme o Ngana Nzambi ua ngi bhana o kikalakalu kia ku bhangela o Njimbu Iambote.

Filipe 1:5

Mukonda dia kikexilu kienu kia ku di banda kokuami mu ku ngi kuatekesa mu kusambukisa o Njimbu Iambote, tunde mu kizuua kiadianga katé lelu.

Filipe 1:7

Enu mua ngi kala ku muẋima izuua ioso! Nga fika kia ngi tokala muene ku mi xinganeka kieniiki enu oso, mukonda ni ku malubhambu, ni mu kuzokela o Njimbu Iambote, ni mu ku ijidisa kia fuama, enu oso mua nomona ni eme ku kiadi kia ujitu iú ua ngi bhana Nzambi.

Filipe 2:12

Uila kiki, enu akuetu, kuma enu mu akua kutumaka jinga, kana ngó bhu pholo iami kioso ki ngi kala-bhu maji mua fuama mu kala dingi kota mu ku ngi tumaka, kiki ki nga tundu-bhu. Mu kieniiki, tutumbenu ni ujitu uoso ni uôma, phala mu mone o kubhuluka.