Filipe 4:13 - O Mikanda Ikola

¹³ Ima ioso nga soko na-iu mua Kristu ió mukua ku ngi bhana o kutena.

Filipe 4:13 ပူးပေါင်းရင်းမြစ်များ

Izaía 41:10

Kana kukala ni uoma, kuma eme ngala bhuamoxi nʼeie; kana kubhuuama, mbata eme ngala ngi Nzambi ié; eme ngi ku suinisa, hé ngi ku kuatekesa, anga ngi ku fikidila ni lukuaku luami lua kadilu, lua kuiuka kuami.

Izaía 45:24

A kà ngi zuela kuila: Mua Jihova ngó ubhèkelele uê, muene muala o kuiuka ni kutena; a kèza kua muene; ene oso a kà mu lungulukila, sonhi ja kà a kuata; a-nda kukakuka.

Matesu 14:29

Kuala muène: Izá! Phetele anga u tuluka mu bote, u kala mu kuenda ku thanduʼa menha, uala kuia kua Jezú.

Nzuá 15:7

Se mua xala mo muami, o maka mami ni ma xala mo muenu, bhingenu ioso i mua mesena, a mi bhana-iu.

Efezo 3:16

eme ngala kubhinga kua Nzambi phala a mi bhane kala kia fuama mu jimbongo ja unéne uê, o kukala ni nguzu dingi iavulu ia Nzumbi iê ku muthu uenu moxi.

Efezo 6:10

Ki tualʼ iki-phe, suinenu mua Ngana, ni mu kutena kua nguzu iê.

Kolose 1:11

O nguzu iê ia fuma i mi suinise katé mua tena o kukolokota mu ima ioso, ni kuxididika.

I Timote 1:12

Eme nga sakidila Kristu Jezú, Ngana ietu, ua ngi bhana o kutena kua kubhanga o kikalakalu kiami. Nga mu sakidila muène, kuma ua ngi mono kukala fiiele, iú ua ngi bokuesa mu ungunza uê phala ku mu bhikila.