Filipe 4:10 - O Mikanda Ikola

¹⁰ Kusanguluka kuahi ku ngala naku mu muenhu uami mua Ngana! Mukonda hanji ki mua di xibhile, lelu mua buingita dingi kiengi ni ku ngi xinganeka. Kuma ki mu kambele muẋima, maji mua kambele kithangana kia kulondekesa o muanu u mua ngi kala na-u.

Filipe 4:10 ပူးပေါင်းရင်းမြစ်များ

II Malunda 31:8

Ezekiia kioso kia kieza kumoxi ni ilamba, mu kumona o jimvumbu jojo, a tanesa Jihova ni mundu uê ua Izalaiele.

Jisálamu 85:6

Manhi ngué ku tu phaphumuna dingi, phala o povo ié nʼa kale mu sangulukila ko kué?

Hozeia 14:7

Oso a tungile kiá mu kilembeketa kiê a-nda kuvutukila-mu dingi; ene-phe a-nda kutambula dingi muenhu mukuâ ni kiene kufuáfua o tiliku, anga ema ni kubhana itulu kala muvide; o kufumana kuâ a kʼèla kala kia fumana o vinhu ia Libano.

II Kolindo 11:9

O tembu ioso i nga kexile ni enu ki nga bhindamene kitadi, kana muthu mudienu nga mu nemenene. Mukonda o jiphange ja tundile ku Masedonia, a ngi bhekelele ioso ia ngi kambele. Mu ima ioso tunde ku dimatekenu nga lengesa o ku mi nemena, ni kiki ue ki ngi xikina ku mi nemena.

II Kolindo 6:7

ni mu maka ma kidi, ni mu nguzu ia Nzambi. Mu kumaneka tuala ni ivunga ietu ia kubatula mu kidi, kuene mu batula Nzambi, iene ia kuama na-iu o nguma ni kudibhangela.

Ngalásia 6:10

Uila kiki, bhuoso bhu tu muena o kithangana, tu bhangienu mbote athu oso, kota-kota-phe a tokala mu dianda dia kuxikana.

Ngalásia 6:6

Uoso ala ku mu longa o maka ma Njimbu Iambote ia Kristu, a bindumune ue mesene iê uoso ua mu mu longa, ni ima ioso iambote.

Filipe 1:1

Eme Phaulu, ni Timote, abhika a Kristu Jezú, tua tumikisa o mukanda iú ku mundu uoso ua Nzambi mua Kristu Jezú, a tungu mu mbanza ia Filipe. Mukanda uia ue ku adiakime a Ngeleja, ni kua ió a mu kalakala-mu, o Jibispo ni Madiiakono.

Filipe 1:3

Ngene mú sakidila jinga Nzambi iami, kioso ki ngi kala mu ku mi xinganeka.

Filipe 2:30

Kuma o sedivisu ia Kristu, Epafrodito ia mu bhekele mu kukamba ngó kʼofele phala kufua. Muène-phe ua zembe o muenhu uê, mu ku ngi dikila eme, bhu kididi kienu mua kambele-bhu.