Filipe 3:9 - O Mikanda Ikola

⁹ O kulunga kuami, ku ngi kala na-ku, ki ku kale kua kulungila mú kualuka o Kitumu, maji kua kulungila mù xikana Kristu, kuene o kulunga ku tunda kua Nzambi, kuijiia mu kuxikana.

Filipe 3:9 ပူးပေါင်းရင်းမြစ်များ

Dimatekenu 7:23

Ima ioso ia muenhu anga i jimuka ku thandu dia mavu, tunde ku muthu, ni ibhaku, ni kibamba, ni njila i bhita bhulu; iene joso ia jimi mungongo; Noué ngó ua subhuka-ku ni iá a kexile-nê mu álaka.

I Jisobha 8:46

Kioso ene kia ku tela kituxi (mbata kana-ku muthu u kamba kuta kituxi) eie anga u a luualela, hé u a bhana bhu maku ma nguma, nda a ambate ku ubhika ku ixi ia nguma kuala ió a a kutu, kixi ixi ia dikanga mba bhua zukama;

II Malunda 32:25

Maji Ezekiia o mbote ia mu bhange ka i tambuijila kala kia tokala, mukonda o muẋima iê ua di zangeleka; anga ki bhekesa njinda ku thandu diê-muene ni ku thandu dia Juda ni Jeluzaleme.

II Malunda 32:31

Maji-phe, kioso kia mu tumikisa o akunji kuala o ilamba ia akua Babilónia, mu ku mu ibhula muene o madiuanu ma bhiti na-mu mu ixi ieneʼoio, Ngana Nzambi ua mu ehelela, phala ku mu lola hanji, mbé o kuijiia ioso ia mu kexile ku muẋima uê.

Jisálamu 14:3

Ene oso a baluka, ene oso muene abolo; ki bhuala u bhanga mbote, né umoxi ngó.

Jisálamu 143:2

Kana kufunda ni selevende ié; kuma ku mesu mé-eie muthu uebhi u tena kulunga?

Jisálamu 19:12

Nanhi u tena ku di tongolola o isenga iê-muêne? Ngi loloke, Ngana, o ikuma ioso ia ngi jimbi eme-muène.

Ndongixi 7:20

Kidi bá! Mu ngongo kana-mu muthu ua iuka, u bhanga ngó mbote mu mbote anga u kamba ku ta kituxi.

Izaía 46:13

Nga kà ku zukamesa o uiukilu uami; ki ua kà sanduka, kana, ni ubhuluilu uami ki ua kà kokoloka; nga kà xikika kubhuluka mu Ziione, ni kizunda kiami mua Izalaiele.

Izaía 53:11

Kienhiki, muene ua-nda kumona kikalakalu kia lukuaku luê, anga u tana; Selevende iami, Muthu Uaiuka, mu kuijiia kuê kuene na-ku, ua-nda kulungisa athu a ndumba; mukonda muene ua-nda kuambata o ikuma iâ ku thandu diê.

Izaía 53:6

Etu oso tua kexi mu kuenda kala jimbudi ja jimbidila; kala muthu u di-texila ni njila iê; maji-phe o mulonga ua tu tokala etu-oso, Jihova ua mu xina-u kiá muene ku thandu diê.

Izaía 6:5

Bheneʼobho ngixi-phe: Kokolo diami! Eme ngafu-ó! Mukonda ngi muthu nga xidi mu kanu, eme nga tunga muʼaxaxi ka mundu ua kasana o dikanu, o mesu mami ia a mono Muenexi, Jihova dia Ilômbo Ieta!

Jelemiia 23:6

O mu izuua iê Juda ua kà bhuluka, o Izalaiele uà kà tunga ni kukondama; didi-phe diene o dijina dia-nda ku mu luka: Jihova Dilungilu Dietu.

Jelemiia 33:16

Mu izuuʼomo, Juda ua kà bhuluka, o Jeluzaleme u tunga u soma; o didi diene o dijina dia ká muʼixana: Jihova Muene Kulunga Kuetu.

Daniiele 9:24

Mundu ué ni diembu dié diangene a a xindila makuinhi sambuadi a jisemana, mbé o kujima kitondalu, ni kuzubha-ku o ituxi, ni kuta o kiamenga kia kulamba o kikuma, anga a mi bhekela kiua o kulunga kuxialelà-ku, o isuma ni upolofeta anga a i jika kiá ni idimbu, anga a unda kiá o Dilemba dia anangene, uene ni kuzela kua tundu athu oso.

Matesu 9:13

Ndenu-phe mu di longe kioso ki kia jimbulula, kuila: Nginda o ku kuatela mukuenu henda, ki ngindi sata; kuma eme ki ngeza mu kuixana athu aiuka, maji akua ituxi.

Loma 1:17

Kuma o Njimbu Iambote iene ia tu idikisa kioso Nzambi kia tu xikina, etu tua lungila mu kuxikana; kuma mu kuxikana ngó mu tu lungila. Kala kia ki soneka mu Mikanda Ikôla exi: Uoso a mu xikina kua Nzambi mu kuxikana, ió u laia.

Loma 10:10

Kuma muthu u xikana ni muẋima, nʼ a mone o kulunga; u fisala ni dikanu nʼ a bhuluke.

Loma 16:7

Menekenênu Andoloniko ni Júnia, jindandu jami nga kexile-nâ kumoxi mu ʼaleia. Ene ala athu a ejiia kiambote kuala o Jipoxolo, ene uâ a diangele kudiela mua Kristu, eme nga xedi kuema.

Loma 5:21

Uila kiki, kala kia kexile kutumina o ituxi mu kufuisa, kiene kimoxi ki tumina o kiadi kia Nzambi, ni ki tu bheka ku muenhu, mua Jezú Kristu, Ngana ietu.

Loma 8:1

Kiki kiá kana-ku dingi kuêla kua ió ala mua Kristu Jezú.

Loma 8:3

Kima kia lémbua o Kitumu kia Mozé mukonda dia kubhuila kuê mu xitu, Nzambi ua ki bhange muène mu kikexilu kia xitu, ituxi ua i êlesa mu kutumikisa Monʼ ê muène, mu kidifua kia xitu ia ituxi, mu kufuila o ituxi, mbé ituxi na tene ku i zubha-ku.

I Kolindo 1:30

Maji enu-phe Nzambi muene ua mi ongeka kumoxi ni Kristu Jezú, a mu bhange kuala Nzambi kukala muene unjimu uetu. O mua Kristu muene mua tu ẋikinina Nzambi bhu pholo iê, ni ku tu bhanga tu mundu ua ngene ua Nzambi, iú ua tu bhulula.

II Kolindo 5:17

Kienhiki se muthu u kala mua Kristu, muthu uengi ua di bhange. Kuma ima iokulu ia bhiti, talesa, ima ioso ieza ku ubhe.

II Kolindo 5:21

Kristu kia kexi, ka moneka kituxi, maji Nzambi ua mu tambuisa mbandu ku ituxi ietu, phala etu, mu kisangela ni Muène, tu tambule uetu mbandu mu kulûnga kua Nzambi.

Ngalásia 2:16

Kiene ue etu ki tua xikanena Kristu Jezú, phala Nzambi a tu ẋikinine mu kuxikanʼ oko ku tua xikana Kristu, kana mu kubhanga imbamba ia Kitumu. Mukonda mu kubhanga o imbamba ia Kitumu ki muene dingi mu lungila muthu kua Nzambi.

Matendelelu 27:26

Lamba dia ió uoso ufula kuẋikina kiambe o kitumu kiki, anga udituna ku ki kumbidila. Mundu uoso a kèla: Amén!

Filipe 3:6

O mu muanu ua kualuka o Kitumu, nga kexile ngi muzukutixi a Ngeleja. O mu kuibhula o kulunga kua kulungila mu kukumbidila o Kitumu, eme ki ngi ki tondala ni kima.

II Timote 1:9

Kuma muène ua tu bhulula, iú ua tu ixana ni kixanu kikôla, phala, tu kale tu mundu uê. O kiki ki kia kaiela mu imbamba i tu bhanga etu, maji kia kaiela mu kikanenu kiê-Muène, ni mu kiadi kiê. Muène o kiadi kiki ua tu muesa-kiu mua Kristu Jezú, tundé xahulu, ku dimatekenu.

Tito 3:5

Muène o ku tu bhulula, ki kia kaiela mu imbamba ia kuiuka kuetu i tua bhange etu, maji mu kulenduka kuê muène. O ku dibônzo diê, iú ua tu zelesa ni Nzumbi iê Ikôla mu ku tu vualulula dingi ni ku tu bhana muenhu ua ubhe.

Jihebeleu 6:18

Phala bhu kale ima iiadi iakolo, ia bhingi Nzambi mu ku i tanga ka tena ku kala ni makutu, phala ku tu suinisa kiavulu o miẋima, etu oso tua lengela kua Muène, tueza, tua kuata o kudielela kueniʼuku kua tu bhana.

Tiiaku 3:2

Kuma etu-ene oso, tuene mu tondajala mu ima iavulu. Uoso u kamba kudibhukana mu kuzuela, ió muene muthu uatenena, ua soko-bho o kukuika mukutu uê uoso.

II Phetele 1:1

Eme Ximá Phetele, ngi mubhika, ngi Poxolo ia ngene ia Jezú Kristu. Nga sonekena akuetu, a mono ue kuxikana kua sokela ni kuetu mu ujitu, a ku muena mu kuiuka kua Nzambi ietu, ni Mubhuludi Jezú Kristu.

I Nzuá 3:4

Muthu uoso u ta kituxi, ua bulu o Kitumu kia Nzambi, kuma kituxi o kubula o Kitumu.