Filipe 3:17 - O Mikanda Ikola

¹⁷ Enu jiphange, suinenu mu kukala mu afikixi ami eme, mu tongolole ue oso akua kuenda kienkiki, kala etu ki tua mi bhana o phangu.

Filipe 3:17 ပူးပေါင်းရင်းမြစ်များ

Jisálamu 37:37

Batekela o muthu u bhanga ima ia kidi, u tale kiambote uemana nzanza; kuma ku pholo kuia muthu ió, kuà kala kutululuka.

Loma 16:17

Nga mi diondo-phe, jiphange, di langienu ni enʼió oso ala kubheka o makudimuanga ni kutondalesa akuâ mu kuxikana o ulongelu uâ uengi, ki uene u mua di longo enu. Enʼiá muenda ni ku a ebha.

I Kolindo 10:32

Kana kuta kifudisu mu njila ki tokala ki di bhalesa Jijudé, mba akua jixi jengi, mba o Ngeleja iene ia Nzambi.

I Kolindo 11:1

Kalenu-phe mu afikixi ami eme, kala eme ki ngala ngi mufikixi a Kristu.

I Kolindo 4:16

Uila kiki, nga mi diondo-phe, kalenu mu afikixi ami eme.

Filipe 4:9

Ioso ima i mua di longo kokuami, i mua ngʼ ivu na-iu, i mua ngi muene na-iu, iene kiá o ima i mu bhanga jinga. O Nzambi mukua ku tu bhana o paze, anga u kala ni enu.

I Tesalonika 1:6

Enu anga mu kala mu afikixi etʼuetu, mu afikixi ue a Ngana. Kuma o maka mua ma tambula ni hadi iavulu, ni ngalasa ioio i tunda kua Nzumbi Ikôla.

II Tesalonika 3:14

Se bhu kala muthu nguê kutumaka o njimbu ietu iii mu mukanda uenhú, muenhó mu tungudienu. Kana ku di lunga-nê, phala sonhi ji mu kuate.

II Tesalonika 3:7

Mukonda enʼuenu mua kʼijiia kioso ki mua tokala o ku tu fikisa etu. Kuma athu etu ka tu muene ni usonde ua ku kamba kukalakala ki tua kexile muʼaxaxi kenu.

II Tesalonika 3:9

Ki tua ki bhangela-phe mukonda tua kambe ukota ua kutambula ujitu uoso-uoso bhu maku enu, ni mu tu kuatekese, maji tua ki bhangela o ku mi bhana phangu, phala mu tu fikise.

I Timote 4:12

Kana kuehela kuila bhu kala muthu u ku tènda mukonda dia undenge. Oso-phe a xikana, eie-muène a bhane phangu, ni mu kuzuela, ni mu kudituma, ni mu henda, ni mu kuxikana ni mu kuzela.

Jihebeleu 13:7

Lembalalenu athu a mi kexile ku pholo, a kexile ku mi tangela o maka ma Nzambi. O ki mu xinganeka jinga bhua sukila o uendelu uâ mu ngongo, a fikisienu mu kuxikana kuâ.

I Phetele 5:3

Ki mu kale mu jingana ja kutumina ió ene a mi bhana-nâ ku a enga, maji mu kala mù atuameneni mua bhana phangu ku kilunga.