Filipe 3:15 - O Mikanda Ikola

¹⁵ Ndokuenu kiá, etu oso-ku tua kulu kiá mu nzumbi, tu kadienu ni kilunji kia kuxinganeka jinga kala kiki. O ki kala sai ni bhuma bhu mua kuatela kilunji kiengi, kieniokio ue Nzambi u mi jimbuluila-kiu.

Filipe 3:15 ပူးပေါင်းရင်းမြစ်များ

Izaía 35:8

Anga mua kà jikuka o kikoka ni njila, a kà ʼixana Njila Ikôla kifusa ka kà tena ku bhita-mu, maji ia kà kala ngó phala o mundu uê; o jingenji né-mbé kiá ioua, se a i tondala, vondadi iâ.

Matesu 5:48

Kikale-phe mu zubha kutenena kala kia tenena Tata ienu uenu mu diulu.

Luka 11:13

Enu-phe, sumbala mua iibha miẋima, se muejiia kubhana ima iambote ku anʼenu, manhi Tatʼenu ia diulu, ka kala kota mu kubhana o Nzumbi Ikôla kua ió oso a mu bhinga?

Nzuá 6:45

Kiôsoneke mu divulu dia Jipolofeta, exi: Ene oso à kala òlonge kua Nzambi. Kienhiki, uoso uevu kua Tata, iu ua di longo kiá kua muène, uiza ko-kuami.

Nzuá 7:17

Se muthu u sola kubhanga vondadi ia Nzambi, ió ua-ndu kuijiia ulongelu u nga mu longa, mba ua tundu kua Nzambi, mba nga zuela ngó ima iami ememuène.

Loma 15:1

Etu-phe tuala ni nguzu mu Akuxikana, tua tokala tu kuatekesa oso a bhuila, kuambata o imbamba iâ. Kana ku kuata ku di uabhela ngó etu-ene.

I Kolindo 14:20

Jiphange, kana kuxinganeka kala mu anandenge. Mu iaiibha mu kala mu ana auisu, maji-phe mu kuxinganeka mu kala mu adiakimi.

I Kolindo 2:6

Maji-phe eme nga mu tanga o unjimu uene mu ʼaxaxe ka athu a tenena kiá mu nzumbi. Maji kʼ o unjimu-phe ua mu ngongʼ umu, ki unjimu ue ua makota ene kutumina ku mundu, a xikamena kuila o kutumina kuâ kuanda kujima.

Ngalásia 5:10

Maji eme-phe hanji nga mi dielela mua Ngana. Kuma o kuongama kuetu mua Ngana, kua ngi dielelesa kuila, ki nga mu xinganeka emʼiki, enu uenu ki muandù kala dingi ni ilunji iengi. Maji nga ki dielela ue kuila, ió uoso ua mi tatesa, a kuliê, a toliê, hadia Nzambi ua kà mu bhana kaxtiku kê.

Efezo 1:17

Eme ngalù bhinga kua Nzambi ia Ngana ietu Jezú Kristu, Tata ia fuma, kuila a mi bhane o Nzumbi iê, mukua kuijidisa ni kujingununa o ima, phala mu tene ku mu ijiia muène kala kia fuama.

Kolose 1:28

Muène Kristu tuala ku mu kola etu, ku athu oso. Tuedi ni kudimuna athu oso, ni ku a longa ni unjimu uoso, phala ki bhu kale muthu u kamba kutenena bhu pholo ia Kristu, kizuua ki tu mu bheka kua Nzambi.

Kolose 4:12

Epafala muthu ua mi tokala mudienu kuenhoko, mubhika ua Jezú Kristu, ua mi menekena. Muène mukua ku mi bhângela luavulu mu kusamba kuê kua Ngana. Uene ku mi bhingila jinga phala Nzambi a mʼimike mu Maka mê, a mi bhane kukala mu adiakime mu nzumbi, ni kukala polondo ia kubhanga o vondadi ia Nzambi.

I Tesalonika 4:9

O kia kukala ni henda ia jiphange a xikana, ki mu bhingi ngó muthu ku mi sonekena-kiu. Mbata enʼuenu mua di longo kiá kua Nzambi o ku di zola mudienu.

II Timote 3:17

Iene iosuʼii phala muthu ua Nzambi a tenene, ua di lungu kiasoko, mu kubhanga madimu moso mambote.

Jihebeleu 5:14

O kudia kua nguzu-phe kua tokala adiakime, mukonda dia ku di longa, a sungu kiá kilunji kia kutungula kioso kiauabha, mu kiki kiaiibha.

I Nzuá 2:5

Uoso-phe u aiuka o maka mê, ni kidi kiene moxi diê muala o henda ia Nzambi ia soko. Bhene bhu tu kʼijidila kuma tuala kumoxi ni Nzambi.