Filipe 3:12 - O Mikanda Ikola

¹² Eme ki ngedi kuma nga zubha kiá kutolola, ki ngedi kuma nga tenena kiá. Maji nga jiji ni kuenda, phala nga kà tambule kioso eme kia ngi kuatela Kristu Jezú.

Filipe 3:12 ပူးပေါင်းရင်းမြစ်များ

Jobe 17:9

Hanji-phe, o ua iuka ua kʼènda o njila iê ni kúbhua uoma, o ua zele maku uia ni ku di bandekeza jinga mu nguzu.

Jisálamu 119:5

Tamano ngi di fikidila mu uendelu uami, anga ngi tena muene kukuata o ijila ié ioso.

Jisálamu 138:8

Jihova u ngi zubhila ioso ia ngi kambe; o kiadi kié, Ngana, ki kiene kúbhua; kana kuehelela o kikalakalu kia maku mé.

Jisálamu 42:1

Mukuâ ni mbâmbi i haha, mukonda honga ia menhʼa hungulule, ia mu kala dikanga, kiene ue o muẋima uami uala mu haha, mu kuinda eie, u Nzambi!

Jisálamu 63:8

Muẋima uami ua ku nhenganana muene; o lukuaku lué lua dilu, luene lua ngi fikidila.

Jisálamu 84:2

Muenhu uami moxi uala ni hânji, ua-lu sota muene kusénduka, mu kuinda kukala mu lumbu lua Jihova; ni muẋima uami, ni xitu iami, ia dikola ni vondadi ia eie u Nzambi ia muenhu,

Jisálamu 94:15

Aiukila mu njila kidi a ki sanga ku pholo; oso emana mixima nzanza, hinu a lungʼâ muene.

Jisabhu 4:18

Maji o njila ia athu a iuka-phe i di bhanga mukua ni mukengeji ua kimene, uia ni ku di bandekeza mu kuzela katé kuma ki ku zubha o kúkia.

Izaía 51:1

Enu-oso mua ku ta muẋima ku ufundisilu ua kidi, ngʼivienu, nʼenu muala kusota Jihova, talenu ku ditadi kuoso ku a mi bamiune, talenu ku dikungu dia dibânda mu a mi kandele.

Hozeia 6:3

Jihova-phe tu mu ijiie, tuende ni kujijila jinga ku mu ijiia; mukonda iú uiza, o kuxindumuka kuê mukuâ ni ukielu ua kizuua; ua-nda ku tu zungila mukuâ ni mvula, kala mvula ia isanga i kaiela ku mvula ia kudinji, ienda ni kutekela oxi.

Matesu 5:48

Kikale-phe mu zubha kutenena kala kia tenena Tata ienu uenu mu diulu.

Jipoxolo 9:15

Maji Ngana u ambela Ananiia, uixi: Katuka ngó! Kuma muène mukua sedivisu iami, Eme nga mu solo phala kubheka o dijina diami ku akua jixi jengi, ni ku jisobha, ni ku anʼ a Izalaiele.

Loma 8:39

né o mundu uala ku thandu dietu, né ima iala bhoxi-elele. Né kima dingi kioso-kioso kia di bhange, kana-ku kima ki tena ku tu batukisa ku henda ia Nzambi, iene mua Kristu Jezú.

I Kolindo 13:10

Hinu-phe kià kèza kiatenana, kiala ngó mbandu ki bhua-ku.

I Kolindo 13:12

Ki tualʼ iki tu muena mu lumuenu lua fefetela, maji kithanganʼ okio-phe tua kà mona pholo ni pholo. Kiki ngejiia ngó mbandu, kienhokio-phe nga kèjiia kiambote, uila eme-muène ki a ngʼ ijiia kuala Nzambi.

I Kolindo 9:24

Enuʼ enu mua kʼ ijiia kuma bhu dikanga bhua di kuata o makuenze mu kulenga, ene oso a lenga muene, maji muthu umoxi ngó u tambula o kijimbuete kia kikoue. Kiene ue, enu uenu lengenu, phala mu tambule o kikoue.

II Kolindo 13:9

Kiene ki tu sangulukila, kioso etu ki tuila kala tua bhuila, enu anga mu kala ni nguzu. Kiene kiá ki tuene ku mi sambela phala enu mu tenene.

II Kolindo 7:1

O ki tualʼ iki, enu akuetu, o ikanenu ioso ienʼ iii ia tu tokala etuene. Tu dʼ iẋikienu, ni tu bhue o ufusa uoso ua xitu ni ua nzumbi, ni tu zubhe o kuzela, tu kale mù xila Nzambi.

Ngalásia 5:17

Mbata o xitu i kuata hanji ia iibhila o Nzumbi, o Nzumbi i kuata o hanji ia iibhila o xitu; kuma kiiadʼiki kia di zemba; phala enu mu lémbue kubhanga o ima i mua mesena.

Efezo 1:4

Nzambi ua tu sola mua muène tunde mʼ ukulu munhá, kioso oxi kiluua i kala ni dimatekenu diê, phala tu kale tu athu azele, sé ngó isenga bhu pholo ia muène. Mukonda dia henda iê ia tu kuatela.

Efezo 4:12

Muène ua bhange kiki mu kuzubhisa akua Ngana kudiiudika mu kioso kia a kambe, mu kukumbidila o ungunza uâ, ni mu kutungisa o mukutu ua Kristu.

Filipe 1:1

Eme Phaulu, ni Timote, abhika a Kristu Jezú, tua tumikisa o mukanda iú ku mundu uoso ua Nzambi mua Kristu Jezú, a tungu mu mbanza ia Filipe. Mukanda uia ue ku adiakime a Ngeleja, ni kua ió a mu kalakala-mu, o Jibispo ni Madiiakono.

Filipe 3:16

Maji bhuoso kiá bhu tua suku, tu kuatienu uendelu umoxi.

Filipe 3:3

Kuma o kusaia kua kidi, etu tuala na-ku, tu akua kubheza Ngana ni Nzumbi ia Nzambi, ki ene, kana! Kuma etu o kujinga kuetu kuala mu kudituma ni Kristu Jezú. Ki tu dielela kima ki bhanga athu ku kanga mu xitu.

Filipe 3:8

Kidi kiene, ima iosololo ngi i kita kingoho mu ujitu ua kuijiia Kristu Jezú, Ngana iami. O mukonda dia muène, ima i nga kuatele, nga i texi dikanga, ioso ia di boto. Ememuene-phe nga i kiti dixilu, phala ngi nganhale Kristu, nda ngi kondamene kua Muène.

I Tesalonika 5:15

Alukenu phala kana muthu a vutule phulu mu phulu. Inda mu jijila jinga kubhanga o mbote, ni ko kuenu mudienu, ni ku athu oso.

II Tesalonika 2:13

Tua tokala-phe tu sakidila jinga Nzambi, mukonda dia enu, mu jiphange jozole mua Ngana. Kuma Nzambi ua mi sola tunde ku dimatekenu, phala mu bhuluke mu nguzu ni kutena kua Nzumbi Ikôla, ni mu ku mi kôlesa nzumbi moxi mu kuxikana o kidi. Muène ua ki bhange, nʼa tena ku mi kitula mu athu a ngene a Nzambi.

I Timote 5:10

Muène kikale ue a mu tumbula o ikalakalu iê iambote iene mu kubhanga, se ua sase kiambote ana, se ua zalela jinga asonhi, se ua sukula jinga o inama ia akua Ngana, se ua bindumuna jinga jingadiama, mba o imbamba ioso iambote ua i bhanga jinga ni muanu.

I Timote 6:19

Mu kubhanga kiki, a kale mu lunda dimanenu diambote katé bhu thembu ia hàdia, phala kienhokio a tene kunganhala muenhu, uene o muenhu ua kidi.

Jihebeleu 12:14

Sotenu kukala ku paze ni athu oso, mu kolokote mu kukala ni muenhu uazele, kuma uoso ua kambe kuzela ka tena kumona Ngana.

Jihebeleu 12:23

Enu mueza bhu dibhongolokelu dia ngalasa ia jithungunu ja Nzambi—ió ala ni majina mâ mʼosoneke mu diulu. Enu mueza kua Nzambi, mufundixi a athu oso, ni ku jinzumbi ja athu a iuka, iá a zubha o kutenena.

Jihebeleu 13:21

O Nzambi ia paze a mi bhane ioso ia uabha i mua bhindamena phala mu tene kubhanga o vondadi iê. O muène, mukonda dia Ngana Jezú Kristu, a bhange ioso ia mu uabhela mu miẋima ietu. O Kristu a mu fumanese kuoso, tunde kiki, katé ku hádia ni hádia. Amén.

Tiiaku 3:2

Kuma etu-ene oso, tuene mu tondajala mu ima iavulu. Uoso u kamba kudibhukana mu kuzuela, ió muene muthu uatenena, ua soko-bho o kukuika mukutu uê uoso.

I Phetele 5:10

O Nzambi-phe ia kiadi kioso, ua mʼixana mua Kristu ku fuma iê ia kalelà-ku, ki mua kà zubha kathangana ka kutala hadi, muène-muene u mi tenesa, u mi kuatesa, u mi suinisa.

II Phetele 3:18

Endenu-phe ni kukula mu kiadi dia Ngana ietu, Mubhuludi, Jezú Kristu, ni mu kuijiia kuê. O fuma i kale iê-muene, ni kiki, ni ku hádia ni hádia! Amén.