Filipe 3:1 - O Mikanda Ikola

¹ Mu kubhana o mahezu-phe, phange jami, nga mi ambela kuila Ngana a mi bhane kusanguluka kua soko. O mu ku mi sonekena o maka ene amoxi, eme ki kia ngi kumu, mbata, phalʼ enu kukondama.

Filipe 3:1 ပူးပေါင်းရင်းမြစ်များ

I Malunda 15:28

Kienhiki Izalaiele ioso anga a bandesa o álaka ia kikutu kia Jihova, ni kusanguluka kuoso, ni dízui dia jikoloneta, ni kuxika jimbungu ni jingoma ni isàka, mázui a mingeia ni tukoxi.

I Malunda 16:10

Te-nu o nzabala ienu mu dijina diê dikola; muẋima ua ió oso asota Nzambi usanguluke.

I Malunda 29:22

Ene oso kizuua kienhokio anga adia, anua, ni kutana kuonéne bhu pholo ia Jihova. Anga Solomá dia monʼ a Davidi a mu hingisa lua kaiadi ku usobha, hé a mu lumbila kua Jihova mu kukala musonguedi uâ, o Zadoke a mu lumbila ku unganga.

Nehemiia 8:10

Nehemiia u a tangela dingi, uixi: Ndenu, mua kà die ima ia nete, ni kúnua ima ia touala, anga akuenu a kambe kuiudika kima mua kà a tumikise ue kia kúdia: mbata kizuua kiki kia dikota kiolumbile kua Ngana ietu; uila kiki, ki mu disuuate, mukonda o kusanguluka kua Ngana, iene o nguzu ienu.

Jobe 22:26

Mbata ua kà tanena mua Muteni-a-Ioso, ua kà zangumuna pholo ié kua Nzambi.

Jisálamu 149:2

Izalaiele a sanguluke ni ió uoso ua mu bhanga; anʼa Ziione a kale ni ngalasa, mua muene muenexi uâ.

Jisálamu 32:11

Tanenu-ku kua Jihova, mu sanguluke enu mua iukila mu njila; imbenu ni ngalasa oso muemana muẋima nzanza.

Jisálamu 33:1

Sangulukenu kua Jihova, enu athu aiuka; kuma kuximana kua fuama oso emana mixima nzanza.

Jisálamu 37:4

Ngalasa ié i tunde mu ku di tuma ni Jihova; muene u ku bhana ki ua solo mu muẋima.

Jisálamu 42:4

Kienhiki ngʼila ki xinganeka, muẋima moxi ua ngi botomoka; kioso ki nga kexe mu kuila kumoxi ni kifuxi, nga mu ia ni akuetu mʼonzo ia Nzambi, ni dízui dia ngalasa ni kuximana, tua vulu tuala mu bhanga fesa!

Jisálamu 5:11

Maji oso-phe a lengela kokué, a tane-ku! A dikole ni ngalasa, kuma eie uene ku a bhângela; oso kiá a zola o dijina dié, a kolokote ku ku dielela.

Jisálamu 97:1

Jihova ua hingi ungana uê; ixi ioso i tane-ku! Ni mu ikolo iê iavulu a kale ni ngalasa.

Izaía 41:16

Eie ua kà a bhiata muene bhu mbango anga a phephuluka ni kitembu, o kibhungu-phe kia kà a muanga; maji eie-phe ua kà sangulukila mua Jihova, ua kà di-thathela kua Dilemba Dikola dia Izalaiele.

Izaía 61:10

Nga kà sangulukila kiavulu mua Jihova, muẋima uami u tanena mua Nzambi iami; mukonda ua ngi zuika ni izuatu ia kubhuluka, ua ngi vungu dibeka dia kuiuka, mukuâ ni ngàiala ua kembela ubhanga, kala dibhanga dia di-zakela ni makembu mê.

Izaía 65:14

Talesa, jiselevende jami ja kà kala mu kuimba mukonda o miẋima iâ ia sanguluka, maji enu-phe mua kà ta jingololo mbé o ngongo; muʼá kala ni kukumba mukonda dia kikote kia muẋima uenu.

Jouele 2:23

Enu-phe mu anʼa Ziione, tanenu-ku mu sanguluke mua Jihova Nzambi ienu, mbata muene ua kà mi bhana ió u mi longa mabatuilu ma kidi, ua kà mi tuluila mvula ia kudinji ni ia kasamanu bhu mbeji ia dianga, kala ku dimatekenu.

Sofoniia 3:14

Sanguluka ni kuimba, eie monʼa Ziione, tumbujuka ni ngalasa eie Izalaiele, tana-ku u ximane ni muẋima uoso eie u monʼa kilumba mu Jeluzaleme.

Sofoniia 3:17

O Jihova, Nzambi ié, uala muʼaxaxi ké, u ku bhulula ni kutena kuê, Muene ue u kala jinga mu sangulukila momué-eie; u batama jinga mu henda iê ia ku kuatela kizuua ni kizuua, u tana jinga momué ni ngalasa iavulu, kala mu izuua ia fesa.

Zakadiia 10:7

Anga akua Ifalaíme a kà di bhanga iiala ia mazonda; o muẋima uâ ua kà sanguluka muene kala muthu Uanu vinhu; o mu ku ki mona, anʼâ a kà sanguluka; o muẋima ua kà kala ni kutana mua Jihova.

Matesu 5:12

Tanenu-ku mu sanguluke! Kuma kisakidilu kienu hádia ki kala kia dikota mu diulu; mbata ni jipolofeta ja mi diangelele-ku kiene ue kia ji bhangele.

Luka 1:47

o nzumbi iami ia sanguluka mua Nzambi, Kibha-muenhu kiami.

Loma 5:11

O kiokio ngó ki kiene, maji ni kiki tua sanguluka mua Nzambi, mukonda dia Ngana ietu Jezú Kristu, ua tena o ku tu bhanga tu makamba ma Nzambi, kuma kua Muène kuene ku tua luulukila.

II Kolindo 13:11

Kia xala-ku phange jami, nga mi lekela. Sotenu o kutenena. Ivenu kiambote ioso i nga mù mi ambela. Kalenu muẋima umoxi. Tungenu ni paze. O Nzambi ia henda ni paze anga u kala ni enu.

Efezo 6:10

Ki tualʼ iki-phe, suinenu mua Ngana, ni mu kutena kua nguzu iê.

Matendelelu 12:18

o ima iii ki muiza mu ku i dia, mu i dila bhu Bhata dia Jihova Nzambi ienu, bhu kididi kia tungula Jihova Nzambi ienu bhene bhu mu ongama, nʼenu ni anʼenu a mala ni ahatu, ni jiselevende jenu ja mala ni ja ahatu, ni jilevita joso ji mua tungu na-ju mu mbonge ienu; o bhu Bhata dia Jihova Nzambi ienu bhene bhu mu sangulukila jinga ni ima ioso i mu suualela jinga,

Matendelelu 16:11

Kienhokio-phe anga utana ni kusanguluka bhu pholo ia Jihova Nzambi ié, eie, ni monʼé ua diiala, ni ua muhatu, ni selevende ié ia diiala, ni ia muhatu, ni levita uoso uatungu-nê mu mbonge ienu, ni nzuángiza, ni monʼa difundu, ni mutudi; oso kia u uatungu-nâ, bhu kididi kioso bhua solo Jihova Nzambi ié kukala dibhata dia Dijina diê.

Filipe 3:3

Kuma o kusaia kua kidi, etu tuala na-ku, tu akua kubheza Ngana ni Nzumbi ia Nzambi, ki ene, kana! Kuma etu o kujinga kuetu kuala mu kudituma ni Kristu Jezú. Ki tu dielela kima ki bhanga athu ku kanga mu xitu.

Filipe 4:4

Enu-phe, sanguluka jingʼ enu mua Ngana. Ngi tona o ku ki zuela: Sangulukenu!

Filipe 4:8

Mu ku mi bhana-phe o mahezu, jiphange jami, ioso ima ia kidi, ioso ima ia ujitu, ioso o ima iaiuka, ioso o ima iazele, ioso ima iauabha, ioso o ima iene ku i tumbula, se sai-ku uthu, se sai-ku kia kuximana, iene ima i mu xinganeka.

I Tesalonika 4:1

O kiki, enu jiphange, mua di longo kiá kokuetu kioso ki mua tokala kuenda ni kuuabhela Nzambi. Enʼuenu kiene kiá ki mua mu kuenda. Kala kiki, tua mi bhingi, tua mi longesa dingi mu dijina dia Ngana Jezú, kolokotenu ni ku ki bhanga jinga dingi kiavulu.

I Tesalonika 5:16

Izuua ioso sanguluka jingʼenu;

Tiiaku 1:2

Enu jiphange jami, kitenu-kiu kuzediua kuoso, se mu bhita ni malamba ma vula o matelu.

I Phetele 3:8

Mu kuzubha-phe, kalenu ni muẋima umoxi ni kixinganeku kimoxi, mu di xinganeke jinge mudienu. Mu di zole kala mu jiphange, mu nengane miẋima, mu batâma.

I Phetele 4:13

Inda kiosuʼiki-phe a mi bhana-ku mbandu ku jiphaxi ja Kristu, tanenu-ku, phale bhuoso bhua kà tukuluka o fuma iê, enu uenu mua kà tana ni ngalasa iavulu.

II Phetele 3:1

Enu akuetu, nga mi zola, uenhú mukanda ua kaiadi kiá u nga mi sonekena. O mu mikanda iiadi ioso nga mi vunza ixinganeku ia miẋima ienu ia kambe kádia, phala ku mi lembalesa jinga ima ienhiʼii.

I Samuuele 2:1

Hana bhenhobho anga u samba, uixi: Muẋima uami ua tanena kua Jihova; pholo iami ia zangalala mua Jihova; dikanu diami u sanga dia kulu mu kuolela o jinguma jami; mukonda nga sangulukila mu kubhuluka ku tunda kokuê.