Filipe 2:8 - O Mikanda Ikola

⁸ o kia zubha kutukuluka mu kidifua kia muthu, muène ua di tununa, anga u tumaka katé mu kufua—kufua-phe kiá kua sebuluka kua dikulusu.

Filipe 2:8 ပူးပေါင်းရင်းမြစ်များ

Jisálamu 22:16

Kiene ki ngalʼiki, jímbua ja ngi kondoloka; kibuka kia ingumba kia ngi phopheka, a ngi kubula o maku ni inama,

Jisabhu 15:33

Uoma ua Jihova kiene o kikômbo ki bheka o unjimu; uinda o kijingo u dianga kubatama.

Matesu 17:2

Kuenhoko muène anga u kituluka bhu pholo iâ. O pholo iê i di muika kala dikumbi, izuatu iê i zela kala muanha,

Matesu 26:39

Anga u sondoloka-bhu kòfele, u fukama, u ta pholo bhoxi, hé u samba, uixi: Tata iami, se ki xikina, dikáu dienhidi dia phaxi iíi, ngi katule-diu. Maji-phe ki ngi sola eme, kana, inda ki u sola eie.

Matesu 26:42

Anga lua kaiadi dingi uia, u samba, uixi: Tata iami, se kia bhingi kuila dikáu dia phaxi didi ki di tena ku ngi somboka, katé ki ngi di nua, kioso ki ua solo Eie ki bhite.

Luka 9:29

O kiala mù samba, pholo iê anga i biluluka, o kizuatu kiê ki zela ni kubenha kuengi.

Nzuá 10:18

Muenhu uami kana muthu u ngi katula-u, eme-muène ngi u bhana mu vondadi iami. Ngi tena ku u bhana, ngi tena ue ku u tambula dingi. Kiene Tata iami kia ngi tumu kubhanga.

Nzuá 14:31

Maji phala o mundu u ijiie kuma eme nga zola Tata, o kioso kia ngi tumu muène, Eme kiene ki ngi bhanga. Balumukenu, tuie ku kanga!

Nzuá 15:10

Se mu aiuka o ijila iami, mua-ndu xala ue mu henda iami, kala eme ki ngʼ aiuka o ijila ia Tata iami, eme nga xala mu henda iê.

Nzuá 4:34

Jezú ua ambela, uixi: Kúdia kuami, o kubhanga vondadi ia ió ua ngi tumu, ni kuzubha o kikalakalu kiê kia ngi bhana o kubhanga.

Jipoxolo 8:33

A mu sebulula mu kufunda, o kulunga a mukatula-ku; kana-ku muthu hadia ua kà tena kutanga o muiji uê, mukonda muenhu uê mu ngongo a u katula-mu.

Loma 5:19

Mu kuxibhaka kua muthu umoxi, mundu a di bhangele akua ituxi, kiene kimoxi ue, mu kutumaka kua muthu umoxi, mundu a di bhanga akua kulunga, mbata ene oso a a xikina kua Nzambi.

II Kolindo 8:9

Kuma o henda ia dikota ia Ngana ietu Jezú Kristu mua ijiia; sumbala muène ua kexile mvuama, ua di bhangele-phe ngadiama, mukonda dienu, phala enu ku uadiama uê mu mone o umvuama.

Ngalásia 3:13

Maji Kristu-phe ua tu kula ku mázui ma Kitumu, mu kubiluka mukua mázui bhu kididi kietu. Kuma kiosoneke mu Mikanda: Uoso a mu nhenga ku dikulusu mukua mázui.

Matendelelu 21:23

o kimbi kiê ki ki xialele bhulu dia muẋi, kana; kale lelu muene mu ki funda; mbata uoso a mu nhenga ku muẋi a mu te mázui kua Jihova; kala kiki, eie ku mu nangese ku kimoxi, phala oxi ié ki i tambule lufuku, oxi ia ku bhana Jihova Nzambi ié.

Tito 2:14

Muène muthu ua di bhele bhu kididi kietu, mu ku tu kula ku mangonha, ni ku tu zelesa, ni tu kale tu mundu uê ua ngene, mundu ua suina mu kubhanga ima ia mbote, ua mu tokala muène.

Jihebeleu 12:2

Tu jizienu ni kusuua ngó Jezú, kuma muène o musonguedi ua kuxikana kuetu, tundé bhu dimatekenu katé bhu dizubhilu. Kala muène mu kusuua o ngalasa ia mu idikiza, ua kolokota ni dikulusu, ua tende o sonhi, o kiki ua xikama ku madilu bhu kiandu kia Nzambi.

Jihebeleu 12:4

Kuma mu ku di xina ni ituxi, enu kiluua mu bhânga katé mu kufua.

I Phetele 2:24

Kristu muène ku mukutu uêmuène, ua tu ambatela o ituxi ietu katé ku kimuẋi, phala etu tu jituke ku ituxi, tu kuate muenhu ua kuiuka. O italakanha iê iene ia mi sake.

I Phetele 3:18

Mukonda Kristu ue ua mi fuila bhu kididi. Muène ituxi ua i talela hadi mu lumoxi ngó, o muthu uaiuka bhu kididi kia akua ikuma, phala a tu bhiẋidise kua Nzambi. Muène a mu jibhila mu xitu, a mu phaphumuina mu nzumbi.