Filipe 2:6 - O Mikanda Ikola

⁶ muène kia kexile, o kidifanganu kiê kiene kimoxi ni Nzambi, maji ka sotele mu nguzu o kusokela ni Nzambi.

Filipe 2:6 ပူးပေါင်းရင်းမြစ်များ

Izaía 7:14

Uila kikiphe, Jihova muene, ua-nda ku mi bhana kijimbuete: Talesa, kua kà kala monʼa kilumba, uimita, nʼa vuale monʼa diiala, o dijina diê a kà mu luka Imanuele.

Izaía 8:8

Ma-nda kubhita mu Juda, Juda ioso i boba mu menha, anga ma kuata ku ditutila-mu katé ma a bhixila mu xingu; o mabhabha mâ mu kuzanza, ma kà soka ni kuzanza kua oxi iê ioso, eie u Imanuuele.

Izaía 9:6

Kuma a tu vualela mona, a tu bhana mona ua diiala; o kutumina a mu tuika-ku bhu isuxi iê, o dijina diê a kà mu luka: Kidiuanau, Ndongixi, Nzambi ia Nguzu, Tata Inangenena, Kilamba kia Paze.

Jelemiia 23:6

O mu izuua iê Juda ua kà bhuluka, o Izalaiele uà kà tunga ni kukondama; didi-phe diene o dijina dia-nda ku mu luka: Jihova Dilungilu Dietu.

Mikeia 5:2

Eie Beleme dia Efrata, sumbala uala u kambonga muʼaxaxi ka jimidi ja Juda, maji mo-mué muene mua kà tunda u ngi kalela Ngana mu Izalaiele, uavu o matundilu mê ma kalelà-ku tunde mu xahulu, mu izuua ia kalelàku.

Zakadiia 13:7

Eie xibhata, balumuka u bilukile o Mubidi uami, ni muthu ió ngene-nê kumoxi, mukua kisoko kiami, Jihova dia Ifuẋi ua-lu zuela, uixi: Mubidi mu kuame, nda o jimbudi ji muangane; maji lukuaku luami lua kà lungulukila katé ni ku jindenge.

Matesu 1:23

Talesenu! Ku kala muhatu ua mon-ndenge uimita hé u vuala mona; O dijina diê, a kà mu luka Imanuuele. Dienhidi, ku di jimbulula, edi: Nzambi tuala-nê.

Nzuá 1:18

Kiluua kukala muthu u mona Nzambi. O Mona umoxi-èlele, kuma muène ue Nzambi, uene bhu jihata ja Tata, muene ua tu tukuluila Nzambi.

Nzuá 10:30

Mbata eme ni Tata, etuʼ ene umoxi.

Nzuá 10:33

Jijudé ji vutula, exi: Ki tu ku jibhila kikalakalu kiambote, kana! Maji mukonda dia kubhuma, mbata mu kuzuela kiki, eie ua ẋonguena Nzambi. Mukonda eie u muthu ngó, maji ua mu di bhanga u Nzambi.

Nzuá 10:38

Maji se iene muene i ngene kubhanga, né kiá ki mu ngi xikana eme, xikanenu kiá ngoho o ikalakalu i ngene mù bhanga, phala mu kʼijiie tunde lelu té ku hádia kuma Tata uene mo-muami, eme ngene mua Tata.

Nzuá 14:28

Enu muevu ki nga ki tange, ngixi: Ngala kuia, maji hinu ngiza mu kukala ni enu. Se mua ngi zolele, mueju sanguluka, mukonda dia kuijiia kuila ngala kuia kua Tata, kuma o Tata uala kota, eme ndenge.

Nzuá 14:9

Jezú, uixi: Tunde bhuoso bhanhá bhu ngala ni enu, Felipe tata, ku ngʼ ijiia luua? Uoso ua ngi mono eme, ua mono ue Tata; eie uala kuila kiebhi: Tu idikize Tata?

Nzuá 17:5

Tata iami! Kiki-phe ngi jingise eie-muène ni kijingu, ki nga kexile na-kiu mʼ okulu ni eie, kuila mu ngongo kiluua mu di bhanga.

Nzuá 20:28

Tomé uetaiua, uixi: Ngana iami, Nzambi iami!

Nzuá 5:18

Mukonda dia kiki, Jijudé ji kala ku mu sota dingi ni nguzu ioso phala ku mu jibha; ki mukonda ngó dia kutondala o Sábhalu, maji mukonda ue dia kuixana Nzambi Tata iê, kifua ua di sokesa ni Nzambi.

Nzuá 5:23

mbé oso nʼ a xile Mona, kala kia xila Tata. Uoso ua kambe kuxila o Mona, ni Tata ua mu tumu, ka mu xila.

Loma 9:5

Ku muiji uâ kuene kua tokala o jitata. Kuene ue kua tundu Kristu, se tu mu tanga mu kidifua kiê kia xitu. O muène-phe muene Nzambi ua mu tumina oso, a mu ximane sé dizubhilu. Amén.

II Kolindo 4:4

Ene a kambe kuxikana, kuma o nzambi iaiibha ia mundu iú ua bhake o ilunji iâ mua vundu. Muène ka ehela kumona o mukengeji ua a kiela, o mukengeji ió u tunda ku Njimbu Iambote ia fuma ia Kristu, muène o kidifua kia Nzambi kia kidi.

II Kolindo 8:9

Kuma o henda ia dikota ia Ngana ietu Jezú Kristu mua ijiia; sumbala muène ua kexile mvuama, ua di bhangele-phe ngadiama, mukonda dienu, phala enu ku uadiama uê mu mone o umvuama.

I Timote 1:17

Mu kienhiki, o muenexi ió, kene kúfua, kene kumoneka ku mesu, o Nzambi imoxi ngó—a tambule ujitu ni fuma mu mivu ni mivu sè dizubhilu! Amén.

I Timote 3:16

Kia kidi kiene, kana muthu u tena kudituna-kiu kuila o kijingano kia ubhezelu uetu mua Nzambi kia dikota muene: Muène ua tukulukila mu kidifuanganu kia athu, o Nzumbi ia Nzambi ua mu tange kuila ualungu, o muène a mu mono kuala o ji-anju. A mu kola muʼaxaxe ka akua jixi, o mundu mu ngongo ua mu xikana, ia a mu tambula ku diulu ku ungana.

Tito 2:13

O kiadi kienhiki ki tu longa ue kukala mù kingila o kizuua kietu kia kuzediua, kioso kia kà tukuluka ni fuma Nzambi ia dikota, Mubhuludi uetu, Jezú Kristu.

Jihebeleu 1:3

O Mona, muène o kimuikinu kia kubenha kua Nzambi, muène ue kilomboluelu kia kidifua kiê, muène u kuatesa o ima ioso mu ngongo, ni kizuelu kia nguzu iê. O kia zubha kuzelesa athu ku ituxi iâ, iú ua xikama ku diulu, ku lukuaku lua kudia, lua Nzambi Tata Uatena ioso.

Jihebeleu 1:6

Kioso Nzambi kia tumikisa ue o Thungunu iê mu ngongo, uixi: O ji-anju joso ja Nzambi ji mu bheze.

Jihebeleu 1:8

Maji o kua Monʼê, muene uixi: O kiandu kié, eie u Nzambi, kienié katé ku hádia ni hádia! Eie o Utuminu ué, ua kà uendesa ni mbasá ia kuiuka.

Jihebeleu 13:8

Jezú Kristu muène umoxi, ni mazá, ni lelu, katé ku hádia.

Dijingunuinu 21:6

Anga u kumuna dingi, uixi: Maka ma zubha kiá kubhita! Eme ngi Alafa ni Omeka, ngi Dimatekenu ngi Dizubhilu. Uoso dinhota dia mu kuata, ngi mu bhana kunua bhʼotho ia menha ma muenhu, mu ngoho.