Filipe 2:30 - O Mikanda Ikola

³⁰ Kuma o sedivisu ia Kristu, Epafrodito ia mu bhekele mu kukamba ngó kʼofele phala kufua. Muène-phe ua zembe o muenhu uê, mu ku ngi dikila eme, bhu kididi kienu mua kambele-bhu.

Filipe 2:30 ပူးပေါင်းရင်းမြစ်များ

Jipoxolo 20:24

Ki nga suu-phe kima. Né o muenhu uami ki ngʼ u jijila, kabasa ngi zubha o njila ia ngi xindi, ni ukunji ua ngi bhana Ngana Jezú. O ukunji uenʼ iú: O kubhana umbangi ua Njimbu Iambote ia kiadi kia Nzambi.

Loma 16:4

a bhakuile kiá jixingu jâ ene mu ku ngi kudila o muenhu uami. Nga a sakidila kiavulu muene. Ki eme ngó nga a sakidila, maji ni Jingeleja joso ja akua jixi jengi, ió ki Jijudé.

I Kolindo 15:53

Kuma o mukutu iú ua kalunga, ki bhinga u zuata ió ki u-fu dingi, ni iú uanda kufua, ki bhinga uzuata ió ua muenhu ki uabhua.

I Kolindo 16:10

Kienʼ iki Timote se uiza kuenhoko, bhangenu kioso ki mua tena, phala a kale mu ʼaxaxe kenu sé hele, kuma muene mukua kukalakala sedivisu ia Ngana, mukuá ni eme-muene.

I Kolindo 16:17

Nga sanguluka kia ngi sange Setefano ni Fortunato, ni Akaiuko, kuma ene mukonda dienu-enu mua kambe-bhu, kioso kia ngi kambele ku mbandu ienu, a ngi zubhila-kiu.

II Kolindo 12:15

Eme ngi ki sangulukila kiavulu o ku mi texila ioso i ngala na-iu, katé ni eme-muène ku di bhana mu kusota o mienhu ienu. Kifua se o henda iami iia ni kuvula, enu o ienu iia ni kusosoloka?

II Kolindo 4:12

Kienhiki kalunga ka bhanga o kikalakalu kiê mo muetu, maji o muenhu-phe u bhanga o kikalakalu kiê mo muenu.

Filipe 2:17

Kuma sumba anda ku ngi zunzumuna o manhinga, o muenhu uami anga a u bhana kala sata iòbhakuile kua Nzambi mukonda dia kuxikana kuenu. O kieniiki se ki bhita, eme ngi ki tanena, hé ngi sanguluka kumoxi ni enu oso.

Filipe 2:27

Kukata muene kua kidi, ueji kufua. Ngana Nzambi-phe ua mu kuatela henda. Maji ki muène ngó ubheka uê, ni eme uami ue a ngi kuatela henda, mukonda ngejù kala ni lamba dia di bande kuʼ lamba.

Filipe 4:10

Kusanguluka kuahi ku ngala naku mu muenhu uami mua Ngana! Mukonda hanji ki mua di xibhile, lelu mua buingita dingi kiengi ni ku ngi xinganeka. Kuma ki mu kambele muẋima, maji mua kambele kithangana kia kulondekesa o muanu u mua ngi kala na-u.

Filipe 4:18

Kiki-phe ima ioso i mua ngi tumikisa, nga i tambula, eme ngala na-iu kala ia ngi vudila. Ngezala ni imbamba ia ngi bhekela Epafrodito i mua mu tumu na-iu, kifua mukuâ ni dizumba di nuha kiambote, sata i tambulula Nzambi, i mu uabhela kiambote.

Filemone 1:13

Sumbala ngendile kuila ngi kala-nê kunu, mbé bhu kididi kié-eie, muène ende ni ku ngi kuatekesa, kiosuʼiki ngala mu kaleia mukonda dia Njimbu Iambote.

Dijingunuinu 12:11

Jiphange jetu a tena-phe ku mu tolola mukonda dia manhinga ma Kambudi, ni mukonda dia maka ma umbangi uâ ua kidi ma tanga jinga. Ene a kexile polondo ia kubhakula o mienhu iâ phala ku a jibha.