Filipe 2:29 - O Mikanda Ikola

²⁹ Mu tanesienu-phe mua Ngana ni ngalasa ioso. Mukonda athu oso a kala kiki, mu enda ni ku a xila.

Filipe 2:29 ပူးပေါင်းရင်းမြစ်များ

Izaía 52:7

Inama iê kuuabha kuahi, ku milundu kuná, ia ió ueza kutula njimbu ia kubhanduluka, ni kuivisa kioso ki bhulukisa muthu; ueza kuambela Ziione kuila: Nzambi ié muene uala ku ungana!

Luka 9:5

Oso-phe a kamba ku mi tambulula, ki mu katuka mu mabhatʼomo, mua kà a kukumuina o mavu a mi naminina ku inama ienu, mu ku a bhakela umbangi.

Nzuá 13:20

Mukonda ni kidi kiene, ngi mi ambela: Uoso u tambulula muthu nga mu tumu, eme-muène a ngi tambulula; o uoso ua ngi tambulula eme, ua tambulula ue uoso ua ngi tumu.

Jipoxolo 2:46

Izuua ioso a jiza ni muẋima umoxi o kubhongoloka jinga mu Tembulu ni kubukula o mbolo ku bhata, hé a kuata kúdia jinga kumoxi ni kusanguluka ni kubatama muẋima.

Jipoxolo 28:10

Ene anga a tu bhanga ujitu uavulu! Kizuua ki tua katuka, a tu longela mu naviiu ima ioso i tua bhindamena phala mu njila.

Jipoxolo 8:8

Kienʼiki, mu mbonge ia Samádia, anga mu kala ngalasa iavulu.

Loma 10:15

O Njimbu a ivua kiebhi kua kambe o akunji a i tula? A i tula-phe kiebhi, a kambe o ku a tuma? Kala kia ki soneka mu Mikanda Ikôla, exi: O uijilu uâ kuuabha kuahi, ió eza mù bhana jingolokela ja Njimbu Iambote!

Loma 16:2

Phangiʼetu ia muhatu muenʼ iú mu tambululienu mua Ngana, kala kia fuama akua Ngana, mu mu kuatekesa ue, se uala ni maka ma mi bhinga enu. Kuma muene uala mukuatekexi ua athu avulu, ni eme-muène ue.

I Kolindo 16:10

Kienʼ iki Timote se uiza kuenhoko, bhangenu kioso ki mua tena, phala a kale mu ʼaxaxe kenu sé hele, kuma muene mukua kukalakala sedivisu ia Ngana, mukuá ni eme-muene.

I Kolindo 16:18

Kuma ene a ngi suinisa kiavulu o muẋima. Eme ngejiia kuma ni enu ue a mi bhetula o miẋima. Athu oso a kala kiki, a fuama ku a ximana.

II Kolindo 10:18

Kuma muthu u lunga ki ió u di ximana muène, maji ió uoso a mu ximana kuala Ngana.

II Kolindo 7:2

Iudikenu kididi phala etu mu miẋima ienu. Kana-ku muthu tua mu bhange phulu, kana-ku muthu tua mu di mangonha, kana-ku muthu tua sota ku mu bhanga kudimuka.

Filipe 2:28

Epafrodito kiene ki nga lengulukila ku mu katula, phala ki muanda kudimona-nê mu sanguluke luamukuâ, eme uami o malamba ma ngi tebhunuke.

Kolose 4:10

Aristarko, ngala-nê muʼaleia, ku upelezu, ua mi menekena, ni Marku muebhu a Balanabé. Muène Marku mua muivu kia lekalu iê, koko se ua mi sange, mu tambuludienu kiambote.

I Tesalonika 5:12

Tua mi bhingi-phe, jiphange, kuila muijiia jinga enʼió a kalakala mu ʼaxaxe kenu, a mi tela Ngana ku pholo, phala ku mi endesa ni ku mi longa.

I Timote 5:17

Adiakime a tumina ni kukalakala kiambote mu Ngeleja, mu xinganeka kuma a fuama o ujitu uâ u di budika, uoso u mu a bhanga, kota-kota-phe a kalakala mu kuboka o Njimbu Iambote ni kulonga o uendelu uambote mu ukidistá.

Jihebeleu 13:17

Enió oso a mi kala ku pholo a tumakienu, mu itaie ioso ia mi mesena ku bhanga. Kuma ene a mi lange o mienhu ienu, mbata athu a bhinga hinu a kà ki bhela konda kua Nzambi. Se enu mu a tumaka, ene o kikalakalu a ki bhanga ni ngalasa, kuma se o kikalakalu a ki bhanga ni malamba, enu ki kala kima kia kuxixima kuenu.

III Nzuá 1:10

Kienʼ iki, se ngaii-ku, nga kà mu lembalesa o ima iê ioso iene mù bhanga, ni kusabhula kuê kua phulu, kua ku tu balukila etu, ni makutu ene mù tanga. O kieniokio-phe ngó, ki kia mu soko, maji uate-ku dingi o kudituna kutambulula jiphange joso jiia koko. Se bhu kata muthu uambe ku a tambulula, muène ka ki ehela; o muenʼ ió u mu kaia mu Ngeleja!