Filipe 2:27 - O Mikanda Ikola

²⁷ Kukata muene kua kidi, ueji kufua. Ngana Nzambi-phe ua mu kuatela henda. Maji ki muène ngó ubheka uê, ni eme uami ue a ngi kuatela henda, mukonda ngejù kala ni lamba dia di bande kuʼ lamba.

Filipe 2:27 ပူးပေါင်းရင်းမြစ်များ

II Jisobha 20:1

Mu izuua muenhomo Ezekiia anga u kata, kukatela kúfua; anga o musesedi Izaia, monʼa Amoze, uiza mu ku di-mona-nê, hé u mu ambela, uixi: O Ngana uambe kiki: O dibhata dié ta-diu kiambote mu ididi, kuma uandu fua muene, kua-ndu kola muenhu, kana.

Jobe 5:19

Ua kà ku bhulula mu makubhondalala ma samanu; o lua kasambuadi ku ibha ki ku ku bhixila.

Jisálamu 34:19

Uaiuka u mona jiphaxi javulu; maji o Jihova-phe u mu kudila mu jiphaxi jê jene joso.

Izaía 27:8

Kana bá! Inda eie, mu kuzoka-nê, ua mu fikixila; kioso ki ua mu ẋimbuka, ua mu sondolola ni kitembu kiasuina, kia bhixila o kitembu kia thunda.

Izaía 38:17

Tala-ze, phala kutululuka kuami, nga bhiti-phe ni mavuua a vulu; eie-phe, mu henda ié, ua bhulula o muenhu uami, kua u ehela kulaúka mu kina mua kala o kusekumuka; kuma o ituxi iami iene ioso, eie Ngana, ua i takula ku dima dié.

Izaía 43:2

Kioso ki ua kà bhita mu menha mua zongo, tuà kala kiiadi; kioso ki uà bhita mu jingiji, kua-nda ku boba; ki uà kà bhita mu túbhia, kua-nda kujikata; o mulengo ki ua kà tena ku kuata kokué.

Jelemiia 10:24

Ngi bete, eie u Jihova, maji u ngi fikixila, kana kia fuama mu njinda ié, phala ku ngi jime o mbutu.

Jelemiia 45:3

Eie, uambe, uixi: Kindala, kokolo diami, tatʼé! Kuma ku thandu dia hadi i ngala kumona, Jihova ua ngi ueza-ku dingi dilamba! Nga zondo ni kukema kuami, nhohenu nga di lémbua.

Jelemiia 8:18

Uá! se eme nga tenene ku di konda dilamba diami, tata! muẋima uami iú jila moxi.

Habakuke 3:2

Jihova ngevu, maka mé mu uazuela, o uoma iu ua ngi kuata! Kikalakalu kié u Jihova, bhana-kiu dingi muenhu ku mivu ioso, o i uazuela enda ni ku i ijidisa dingi ku mivu ni mivu; kioso ki u thathamana jinga lembalala, Ngana, o kulenduka kué!

Jipoxolo 9:37

Anga ki bhita mu izuuʼ omo, kuma Kasexi u kata, hé ufua. O kia zubha ku mu sukula, a mu tula mʼ onzo ia thandu.

I Kolindo 10:13

O jitendasa jene mù kuiza kokuenu, jene jimoxi ni jala kulua na-ju akuenu oso. Maji o Nzambi-phe kizuelu kiê u ki kumbidila, kehela ku mi diangula kia tundu o nguzu ienu. Maji kioso kʼ iza o mudiangu, Nzambi u mi bhana nguzu phala mu tene kubhalakata, ni ditundilu dia kutena kubhita.

II Kolindo 2:7

Uila kiki, inda mu lunguluka kiá hé mu mu loloka, ni ku mu konda malamba, phala ka bhondalale ni mukondo uavulu kinéne u mu bhekela kikote.

Filipe 2:26

Kuma muène ua mʼindi ku mi mona enu oso, ua di suku kiavulu, mukonda mua mu ivu ni kukata.

Filipe 2:28

Epafrodito kiene ki nga lengulukila ku mu katula, phala ki muanda kudimona-nê mu sanguluke luamukuâ, eme uami o malamba ma ngi tebhunuke.

Filipe 2:30

Kuma o sedivisu ia Kristu, Epafrodito ia mu bhekele mu kukamba ngó kʼofele phala kufua. Muène-phe ua zembe o muenhu uê, mu ku ngi dikila eme, bhu kididi kienu mua kambele-bhu.