Filipe 2:26 - O Mikanda Ikola

²⁶ Kuma muène ua mʼindi ku mi mona enu oso, ua di suku kiavulu, mukonda mua mu ivu ni kukata.

Filipe 2:26 ပူးပေါင်းရင်းမြစ်များ

II Samuuele 13:39

Ki ia zubha kubhita, muẋima ua Davidi anga uizala ni nguzu, u inda uia kutakana Abisalone, kuma ua kondoka kiá ku malamba a Aminone mukonda ió uafu kiá.

II Samuuele 24:17

Davidi anga u ambela Jihova, kia mono o anjo iala kubeta o mundu, uixi: Tala, nga te kituxi eme, eme nga bhange kuthathamana; jimbudi jiji-phe ja bhange kima kiahi? Nga ku diondo, lukuaku lué lu ngi nemene eme, ni dibhata dia tatʼetu.

Jobe 9:27

Se ngʼamba, ngixi: Kuditenda kuami ngi ku jimba hanji, o pholo iami ia luuala ngi i lungulula, anga ngi kala mu kutana,

Jisálamu 69:20

Malebhu a ngi tolola o muẋima moxi, kihongo kia ngi kuata kala kia kukata; nga tale uoso u ngi kuatela henda, maji ki bhuala muthu; o u ngi konda malamba, ki ngi mu mono.

Jisabhu 12:25

O kubhindama kua muẋima, kuene mu kubhelesa o muthu; maji mbimbi ia mbote, i mu sanguluisa.

Izaía 61:3

ni kubhana ngonge kuamba akua-malamba mu Ziione a a zuike izuatu ia makembu bhu kididi kia utôkua, bhu kididi kia malamba a a uese majiʼa kutana; bhu kididi kia kikote kia muẋima a a zuike kizuatu kia diximanu; nda a a luke kuila miẋi ia uiukilu, iòphaphe kua Jihova, phala fuma iê.

Matesu 11:28

Zenu kokuami enu oso mua bhuila, enu mua tate ni imbamba ia mi nemena, eme nda ngi mi nhohese.

Matesu 26:37

Anga u ambata-nê Phetele, ni ana kiiadi a Zebedeu. Muène anga u kala mu kenanana, ua tate kiavulu.

Jipoxolo 21:13

Kieniokio Phaulu ua kumbulula, uixi: Mu didila-hi kiki, anga mu ngi bhekela lamba diavulu ku muẋima? Kuma eme ngala polondo, ki ku ngi kuta ngó, maji katé ni ku ngi jibha mu Jeluzaleme mukonda dia dijina dia Ngana Jezú.

Loma 1:11

Kuma nga mʼ indi kiavulu ku mi mona, mbé bhu kale ue ni mbote i mu tambula ko-kuami, ia mabesá ma nzumbi, phala mu suine.

Loma 12:15

Sangulukenu kumoxi ni iá a sanguluka, dilenu kumoxi ni iá a dila.

Loma 9:2

Ngala ni malamba mavulu muene, o kukata kuê ki kuene kubhua mu muẋima uami, mukonda dia akua muiji uami, a di bhange xitu iami ni manhinga!

I Kolindo 12:26

O ki kala kidiandu kimoxi ki kata, idiandu ioso i katela-nê kumoxi. Se kidiandu kimoxi a ki zangeleka, idiandu ioso i tana-nê kumoxi. Ngeleja,

II Kolindo 9:14

Uila kiki, ene uâ mu ku mi sambela a kà ki bhanga ni huii iavulu, mukonda dia henda ionéne ia Nzambi iene ku mi kuatela enu.

Ngalásia 6:2

Mu enda ni ku di ahujula o imbamba mudienu; o mu kubhanga kiki, kiene ki mu kumbidila o Kitumu kia Kristu.

Efezo 3:13

Uila kiki, nga mi bhingi kuila kana kukala ni usudi mukonda dia jihadi ji ngala ku mi talela, inda ji kale jenu ja kutambula fuma.

Filipe 1:3

Ngene mú sakidila jinga Nzambi iami, kioso ki ngi kala mu ku mi xinganeka.

Filipe 1:8

Nzambi muene uala mbangi iami, ia hânji iavulu i nga mi kala na-iu mu jihenda ja Kristu Jezú.

Filipe 2:25

Nga ki mono-phe kuila kia bhingi ngi tuma ue Epafrodito kueniʼoko, phangʼ iami, mukalakadi, disoladi ni mukuetu mu ita, oko muène mukunji uenu mua mu tumine o ku ngi bhindumuna.

Filipe 2:27

Kukata muene kua kidi, ueji kufua. Ngana Nzambi-phe ua mu kuatela henda. Maji ki muène ngó ubheka uê, ni eme uami ue a ngi kuatela henda, mukonda ngejù kala ni lamba dia di bande kuʼ lamba.

Filipe 4:1

Uila kiki, enu jiphange jami nga mi zola, nga mʼindi kiavulu, o ngunzu ue iavulu i nga mi kala na-iu! Enu muala mu ngalasa iami, mu kitundu kiami, kolokotenu kiá kieniiki mua Ngana, enu akuetu.

I Phetele 1:6

Mukonda dia kiki, mua fuama mu sanguluka, sumbala kiosuʼiki kua bhingi mu di kuata mukondo, mukonda dia malamba ma vudila-ku, u muala kubhita na-u.