Filipe 2:25 - O Mikanda Ikola

²⁵ Nga ki mono-phe kuila kia bhingi ngi tuma ue Epafrodito kueniʼoko, phangʼ iami, mukalakadi, disoladi ni mukuetu mu ita, oko muène mukunji uenu mua mu tumine o ku ngi bhindumuna.

Filipe 2:25 ပူးပေါင်းရင်းမြစ်များ

Jisabhu 25:13

Kala ki kala o utalalu ua neve mu tembu ia ku muna idima, kiene ue kia soko ni phunga ia fiiele kua ió oso a mu tuma; mukonda uximbakatesa muenhu ua jingana jê.

Nzuá 13:16

Mbata ni kidi kiene, ngi mi ambela: Mubhika ka tundu ngana iê, o mukunji ka tundu uoso ua mu katula.

Nzuá 17:18

Kala ki ua ngi tumu Eme mu ngongo, kiene ue ki nga a tumu ene mu ngongo.

Loma 16:3

Menekenu Pidisila ni Akuila, akalakadi ni akuetu mua Kristu Jezú,

Loma 16:9

Menekenenu Lubanu, mukalakadi ni mukuetu mua Kristu; ni Xitake mukua kazola kami.

I Kolindo 3:9

Kuma etu tuala tu jingunza, tu kalakala kumoxi phala Nzambi, o enuʼ enu muala mu dibhia di bhanga Nzambi o kikalakalu kiê. Enu muala ue mu inzu i tunga Nzambi.

II Kolindo 2:13

Maji o kutululuka kua muẋima ki nga ku mono, mukonda Phangʼietu Tito nga kambele ku mu sanga-bhu. Kiene kia ngi bhekelele ku a lekela, anga ngʼa xia bhenhobho, hé ngi zauka ku Masedonia.

Filipe 2:26

Kuma muène ua mʼindi ku mi mona enu oso, ua di suku kiavulu, mukonda mua mu ivu ni kukata.

Filipe 4:18

Kiki-phe ima ioso i mua ngi tumikisa, nga i tambula, eme ngala na-iu kala ia ngi vudila. Ngezala ni imbamba ia ngi bhekela Epafrodito i mua mu tumu na-iu, kifua mukuâ ni dizumba di nuha kiambote, sata i tambulula Nzambi, i mu uabhela kiambote.

Filipe 4:3

Ni eie ue u soko diami dia kidi, nga ku diondo, ua a kuatekesa, ahatu enʼió. Kuma ene a ngi bande mu sedivisu ia kusambukisa o Njimbu Iambote, kumoxi ni Kelemende ue, ni amukuâ dingi u nga kalakala-nâ, majima mâ moso mala mu divulu dia muenhu, dia tokala Nzambi.

Kolose 1:7

O kienʼiki mua di longo-kiu kua mukuetu Epafala, kamba dietu tua mu zola, mukua ku tu kalakela mua Ngana ni kitongola kioso.

Kolose 4:11

Jezú mba Josoué, ua mi menekena, ió ue a mu luku Justo. Kitatu enhá, ene ngó ku ujudé uetu a ngi bande mu kikalakalu kia Utuminu ua Nzambi, athu a mu ngi konda malamba.

I Tesalonika 3:2

Hé tu kana kuxala ubheka uetu mu Atena. Anga tu katula phangʼ ietu Timote, ngunza ia Nzambi, mukalakadi ni mukuetu mu kutula o Njimbu Iambote ia Kristu, tua mu tumu phala ku mi suinisa mu kuxikana kuenu,

Filemone 1:24

Ni Marku, ni Aristarko, ni Demase ni Luka, akalakadi ni akuetu, a tumu uâ ku mi menekena.

Jihebeleu 3:1

Uila kiki, enu jiphange jami mu kuxikana, mua tokala mu kixanu kia Nzambi, talenu kua Jezú a mu tumikisa Nzambi phala kukala Nganga ia Dikota, tua mu fisala mu kuxikana.