Filipe 2:22 - O Mikanda Ikola

²² Enuenu-phe, muène mua muijiia kioso kia tundu kiambote mu ku mu lola. Kuma mukuâ ni mona u di tuma ni tatʼ â, muène kiene ue kia di tumu ni eme, mu ku sambukisa o Njimbu Iambote.

Filipe 2:22 ပူးပေါင်းရင်းမြစ်များ

Jipoxolo 16:2

Muene a mu tumbula kiambote kuala o jiphange joso jala mu Listra ni mu Ikônio.

Loma 5:4

o kukolokota ku bhekela ku tu lungisa kua Nzambi; o ku tu lungisa ku bhekela kudielela.

I Kolindo 16:10

Kienʼ iki Timote se uiza kuenhoko, bhangenu kioso ki mua tena, phala a kale mu ʼaxaxe kenu sé hele, kuma muene mukua kukalakala sedivisu ia Ngana, mukuá ni eme-muene.

I Kolindo 4:17

O mukonda dia kiki, kiene ki nga mi tumikisina Timote. Muène monʼ amiʼ a henda, ua fiiele mua Ngana. Muène uanda ku mi kuatekesa mu kulembalala o maulongelu mami u ngene mú kaiela ku muenhu ua ubhe mua Kristu, kala ki ngene kulonga kuene kuoso mu Jinga-leja joso.

II Kolindo 2:9

Kuma kiene ue ki nga mi sonekena o mukanda uenhó. Mukonda ngandala ku mi lola, ni ngʼijiie mba mu ngi tumaka mu ima ioso i ngi mi tangela.

II Kolindo 8:22

Kumoxi ni ene, tuala ku mi tumikisa dingi phange ietu iamukuâ. Muthu iú etu tua mu lola jinga kiá kiavulu, etu tuejiia kuila muène izuua ioso uala polondo phala kukuatekesa. O kiki ki edi enu ue ua mi dielela dingi kiavulu, muène ue ua beta dingi kukala ni vondadi ia kukuatekesa.

II Kolindo 8:24

Kala kiki, phala o jingeleja jamakuâ nʼ a kʼ ijiie, jiphange jiji a edikisienu-phe bhu pholo ia jingeleja kuila enu mua a zola, ni kuila ue etu tua lungu, bhu kaxi ni thathe ietu i tuene ku mi tela.

II Kolindo 8:8

Ki nga ki ambela ue kala ngandala ku mi tumina. Maji nga mesena ngó kuila mu ijiia ue o muanu ua akuenu, phala ene a mone ue mba o henda ienu ia kidi.

Filipe 1:12

Nga tumu-phe ku mʼ ijidisa, jiphange, kuma o ima ia ngi bhiti ki i fudisa, kana, inda ia bhekela o Njimbu Iambote kusambuka dingi kiengi.

Filipe 1:16

Iá a ki bhangela henda, kuma a kʼ ijiia kuila eme o Ngana Nzambi ua ngi bhana o kikalakalu kia ku bhangela o Njimbu Iambote.

Filipe 1:5

Mukonda dia kikexilu kienu kia ku di banda kokuami mu ku ngi kuatekesa mu kusambukisa o Njimbu Iambote, tunde mu kizuua kiadianga katé lelu.

Filipe 1:7

Enu mua ngi kala ku muẋima izuua ioso! Nga fika kia ngi tokala muene ku mi xinganeka kieniiki enu oso, mukonda ni ku malubhambu, ni mu kuzokela o Njimbu Iambote, ni mu ku ijidisa kia fuama, enu oso mua nomona ni eme ku kiadi kia ujitu iú ua ngi bhana Nzambi.

Filipe 2:20

Kuma ki ngala dingi ni muthu ua sokela-nê muẋima, u mi kala ni muanu ua kidi mu ku mi tambula konda.

I Timote 1:18

Timote, monʼami, o mutendelelu iú nga ku xila-u eie. Uene ua lungila mu kukumbidila o mizambu ia jipolofeta, ia ku tunguile na-iu eie tunde mʼukulu. Maka iá a di bhange iene o ibhakatu ié, ki uenda ni kùlua ita iambote.

I Timote 1:2

nga sonekena Timote, monʼami ua kidi mu kuxikana. Nga ku indila kiadi, ni henda, ni paze, i tunda kua Nzambi Tata ietu, ni kua Kristu Jezú, Ngana ietu.

I Timote 4:6

Ki u lembalesa ima ienhiʼii ku jiphange ja xikana, u kala u ngunza iambote ia Jezú Kristu, se u di sanza mu maka ma kuxikana mu ua kudila, ni mu ulongelu uambote u uene kukaiela.

II Timote 1:2

Nga sonekena Timote, monʼamiʼa kazola mu kuxikana. Nga ku indila kiadi ni henda ni kubatama ku tunda kua Nzambi Tata, ni kua Kristu Jezú, Ngana ietu.

II Timote 3:10

Eie-phe ua kaiela jinga ulongelu uami, ni uendelu, ni ukanenu ua muenhu uami. Uene mu kaiela ue ni kuxikana kuami ni kuxididika, ni henda, ni kinhenge, ni mu malebhu, ni mu jiphaxi.

Tito 1:4

Nga ku sonekena eie Tito, u monʼami ua kidi, mu kuxikana kuetu kumoxi ni eie ni eme. Nga ku indila kuila o kiadi ni paze i tunda kua Nzambi Tata, ni kua Kristu Jezú, Mubhuludi uetu, i kale jinge ni eie.