Filipe 2:19 - O Mikanda Ikola

¹⁹ Nga fika-phe, mua Ngana Jezú, kuma kindala ngi tuma Timote ku mualʼ oko, phala o muẋima u ngi uabhe mù kuivua o jinjimbu ja kioso ki muala kubhita.

Filipe 2:19 ပူးပေါင်းရင်းမြစ်များ

Jelemiia 17:5

Jihova uambe kiki: Ua xixima o muthu u dielela ku muthu, hé o xitu iene mu kúfua u i kita luene o lukuaku luê, anga o muẋima uê u u katula kua Jihova.

Matesu 12:21

Matumbu a kà dielela mu dijina diê.

Jipoxolo 16:1

Phaulu anga u bhixila ue ku Derbe ni ku Listra. Kuenioko anga a sanga-ku xibulu imoxi dijina diê Timote. Muenʼ iú mamʼ â Judé, ua xikana kiá, maji o tatʼ â Ngeleku.

Loma 15:12

O bhuamukuâ Izaia ue uixi: Hadia kuà keza muthu u tunda ku muiji ua Jese, muene ua kà zangalala mù tumina akua jixi jengi; o matumbu a kà mu dielela jinga muene.

Loma 16:21

Timote, mukalakadi ni mukuetu, ua mi menekena. Ni Lúsiu, ni Jasone, ni Sosipata, o Jijudé akuaʼ xi iami, a mi menekena ue.

I Kolindo 4:17

O mukonda dia kiki, kiene ki nga mi tumikisina Timote. Muène monʼ amiʼ a henda, ua fiiele mua Ngana. Muène uanda ku mi kuatekesa mu kulembalala o maulongelu mami u ngene mú kaiela ku muenhu ua ubhe mua Kristu, kala ki ngene kulonga kuene kuoso mu Jinga-leja joso.

Efezo 1:13

Kieniiki kia mi bhiti uenu. Kuma kioso ki muevu o jingolokela ja kidi ja Njimbu Iambote ialu tanga o ubhulukilu, enu uenu Kristu mua mu xikana. O Nzambi iú ua mi te o kidimbu kiê kia Nzumbi Ikôla, a mu tangele o kuiza.

Filipe 1:1

Eme Phaulu, ni Timote, abhika a Kristu Jezú, tua tumikisa o mukanda iú ku mundu uoso ua Nzambi mua Kristu Jezú, a tungu mu mbanza ia Filipe. Mukanda uia ue ku adiakime a Ngeleja, ni kua ió a mu kalakala-mu, o Jibispo ni Madiiakono.

Filipe 2:18

Enu uenu tanenu, mu sanguluke kumoxi ni eme.

Filipe 2:28

Epafrodito kiene ki nga lengulukila ku mu katula, phala ki muanda kudimona-nê mu sanguluke luamukuâ, eme uami o malamba ma ngi tebhunuke.

I Tesalonika 3:2

Hé tu kana kuxala ubheka uetu mu Atena. Anga tu katula phangʼ ietu Timote, ngunza ia Nzambi, mukalakadi ni mukuetu mu kutula o Njimbu Iambote ia Kristu, tua mu tumu phala ku mi suinisa mu kuxikana kuenu,

I Tesalonika 3:5

Mukonda dia kiki, eme uami kia ngi kumu o kukala ni héle ia kuxala ubheka, eme nga tumine Timote kuijiia kioso ki mua mu kuenda mu kuxikana kuenu. Sumbala o Diabhu ue ka tena ku mi diangula kinéne, o kukalakala kuetu kuoso ni ku-iê ngó!

II Tesalonika 1:3

Etu tua tokala tu sakidila jinga Nzambi mukonda dienu, enu jiphange! Mukonda kia tu fuama muene ku ki bhanga, kuma o kuxikana kuenu kua mu kula dingi kiengi, ni henda ienu i mua di kuatela mudienu iavulu dingi.

II Timote 1:12

Mukonda dia kiki, kiene ki nga mu talela o jihadi josuʼiji. Maji ki ngala-phe ni jisonhi, kuma nga dielela, mukonda ngejiia ió uoso nga mu xikana, phata ia ngi-bhu, kuma muène ua soko-bhu o kubhaka kioso ki nga mu bhana kulûnda, katé bhu kizuuʼokio.

Tiiaku 4:15

Inda mua fuama mu ila: Ngana se ua mesena, hé tu kola muienhu, tu ila kiki, tu ila kiokio.

I Phetele 1:21

Muène iú ua mi bhangesa kukala mu axikani a Nzambi, ió ua mu fukununa muène mu madifundu, iú ua mu bhana o ungana. Mu kienʼiki, o kuxikana kuenu, ni kudielela, ku muala na-ku, kua kuatenena kua Nzambi.