Filipe 2:14 - O Mikanda Ikola

¹⁴ Ima ioso i mu bhanga i kale sé kufunda, mba kukuata kuzoka,

Filipe 2:14 ပူးပေါင်းရင်းမြစ်များ

Jisálamu 106:25

A hina-hina ngó ni kulongolola mu jifundu jâ muala; o kuívua dízui dia Jihova, a ditunu.

Jisabhu 13:10

Ukumbu-phe u bheka ngó jimvunda; athu-phe a tetulukʼó, a bhanga ioso ni unjimu.

Dialuilu 14:27

Mbambe bhebhi bhu nga kà suka ni kuxididikila kilômbo kiki kiaiibha, a kuata ku ngi longolola? Ngevu kulongolola kua anʼa Izalaiele, kioso kiala ku ngi longolola eme.

Matesu 20:11

Kia zubha ku di tambula, mukua ʼnzo a mu longolola, exi:

Marku 14:5

Hinu maji a ma sumbisa mu hama jitatu ja madenádia, anga o kitadi a ki uanena jingadiama. Anga a kuata kuzukutisa o muhatu.

Marku 9:14

O kieza bhua xedi o jixibulu, a sange kifuẋi kia dikota kia a bhongolokela, ni jimesene ja kulonga o Kitumu, a kuata-nâ jiphata.

Luka 5:30

Bhenhobho, jifalizeu-phe ni asoneki a mu longolola, hé ambela jixibulu jê exi: Phala-hi muia mu kúdia ni kúnua kumoxi ni akua kutambula o lubhaku ni akua ituxi?

Jipoxolo 15:2

Anga ki bhekela Phaulu ni Barnabé kukuata jiphata ni mala enʼió, hé ku kala kufunda kuavulu. Bhenhobho, o jiphange anga a sola Phaulu ni Barnabé, ni akuâ dingi, phala a bande ku Jeluzaleme ku Jipoxolo ni adiakime, phala a tetulule o makʼ ama.

Jipoxolo 15:39

Kienʼiki anga ki bheka iẋanju, ene hé a zoka, katé a di batuka. Barnabé uambata Marku, u zauka mu naviiu katé mu kikôlo kia Xipele.

Jipoxolo 15:7

Kia bhiti kufunda kuavulu, Phetele uemana anga ua ambela, uixi: Enu akuetu mu jiphange, mua kʼ ijiia kuma izuua kiá tunde kia ngi solele Nzambi eme mudienu, phala o matumbu a diange kuivua ku dikanu diami o Maka Mambote, nʼa xikane.

Jipoxolo 6:1

Ki bhua bhiti izuua-phe, o mundu ua jixibulu ja Jezú anga a sokoloka dingi kiavulu. Kienʼiki o Jijudé ja xikana Jezú, ió a kexi mu zuela o mbimbi ia Ngeleku, a kuata kulongolola o Jijudé ja kexi mu zuela o dizui dia Jihebaleu, mukonda akua mbimbi ia Ngeleku a kexi mu kuamba kuma o atudiʼâ, ala ku a jimba mu kuuana, iâ a mu emina, kia mu bhana o kudia izuua ioso.

Loma 12:18

Se mua ki tena, kalenu ku paze ni athu oso; mvunda ki i tunde ko kuenu.

Loma 14:1

Uoso ua bhuila mu kuxikana kuê, mu tambuludienu mu ʼaxaxe kenu, maji ki mu mu kuatese jiphata mu kuxikana kuê.

Loma 16:17

Nga mi diondo-phe, jiphange, di langienu ni enʼió oso ala kubheka o makudimuanga ni kutondalesa akuâ mu kuxikana o ulongelu uâ uengi, ki uene u mua di longo enu. Enʼiá muenda ni ku a ebha.

I Kolindo 10:10

Kana ue kulongolola, kala kia longoluele ene amoxi-mu, anga a a jima mbutu kuala o Anju ia Mubuikixi.

II Kolindo 12:20

Kuma ngala ni héle, sumba ku matelu-matelu, hinu ki ngi mi sanga, ki mu kala uila ki nga mi mesena kukala, eme uami ki ngi kala uila ki mua ngi mesena kukala. Ngala ue ni hele, sumba ku matelu-matelu hinu nga kà sanga jimvunda ni madixinga, kizembu ni luimbi, makulokalala, kutangelela, ukumbu, ni jikavuanza.

Ngalásia 5:15

Maji se mu kala uila mu iama, ni ku di ta mazu, ni ku di hamena mudienu, di langienu-phe, kuma muanda kudiua enu oso, hé mu jima o mbutu, se mu kamba kukuata kilunji.

Ngalásia 5:26

Ki tu kale ni izala, ki tu di thathamese mudietu, ki tu di kuatele dixinga.

Filipe 2:3

Ki mu bhange kima ni masunga a kusota ngó mbote ienu, mba izala ia ku mi ximana. Maji ni kubatama, kala muthu a kite mukuâ kota diê; Kana ku di fika kuila mua beta kuiuka o akuenu ndenge.

I Tesalonika 5:13

Athu kala ió, mu a xila kiavulu muene, ni ku a edikiza jinga o henda, mukonda dia kukalakala kuâ. Enu uenu, kalenu ku paze mudienu.

I Tesalonika 5:15

Alukenu phala kana muthu a vutule phulu mu phulu. Inda mu jijila jinga kubhanga o mbote, ni ko kuenu mudienu, ni ku athu oso.

Jihebeleu 12:14

Sotenu kukala ku paze ni athu oso, mu kolokote mu kukala ni muenhu uazele, kuma uoso ua kambe kuzela ka tena kumona Ngana.

Tiiaku 1:20

Mukonda o kuthathamana kua muthu, ki ku bheka kima ki uabhela Nzambi.

Tiiaku 3:14

O ki kala-phe enu mu kala ni difutu, ni kulula, ni kudiuabhela kia ngó enu-enu mu miẋima ienu, ki mu di ximane-phe, ki mu kale mu kuta makutu.

Tiiaku 5:9

Enu jiphange, ki muende ni kudilongolola mudienu, phala enu-enu Nzambi ka mi belese. Talesenu, Mufundixi ua zukama, iú kiá bhu muelu phala kuiza.

I Phetele 3:11

Ku phulu a tunde-ku, a bhange o mbote a sote o paze ni ku i kaiela.

I Phetele 4:9

Dʼidikizienu usonhi mudienu, kala muthu a tambulule mukuâ mu bhata diê sé kuditata.

Juda 1:16

Athu kala iá, akua kudizumina jinga ni kulongolola ni kufunda, enda kioso kia a tumu o jihânji, a kala ni dikanu dia ku di kaka, a kala ni kathombo kʼ athu mbebhu o kunganhala.