Filipe 2:12 - O Mikanda Ikola

¹² Uila kiki, enu akuetu, kuma enu mu akua kutumaka jinga, kana ngó bhu pholo iami kioso ki ngi kala-bhu maji mua fuama mu kala dingi kota mu ku ngi tumaka, kiki ki nga tundu-bhu. Mu kieniiki, tutumbenu ni ujitu uoso ni uôma, phala mu mone o kubhuluka.

Filipe 2:12 ပူးပေါင်းရင်းမြစ်များ

Ejidala 10:3

Kindala-phe muene, tu ta kikutu ni Nzambi ietu, kuila, ahatu oso tu a senga, ni kioso kiòvuale kua ene kala kiambe kaiula ka Jihova, ni ka iá a kuata uoma ua ngonge ia Nzambi ietu, tu bhange kala kiambe o kitumu.

Jisálamu 119:120

Xitu ja ngi teketa mukonda dia uoma ué, kuma o kufundisa kué, Ngana, ku kôla.

Jisálamu 2:11

Kota mu toloke kua Jihova, mu kale ni uoma uê, mu kale jinge ni kutana ni kuteketa.

Jisabhu 10:16

Kima ki bhanga o muthu uaiuka ki bhekela muenhu; maji o nganhu ia kisuéia i vuala kituxi.

Jisabhu 13:4

Muẋima ua musonde, uinda ngó maji ka mono kima; akua kukalakala makidikidi-phe, u sanga a neta.

Izaía 66:2

Kuma lukuaku luami luene lua bhange imbamba iosuʼiii, imbamba iosuʼiii í iòbhange, kiene kiambe Jihova; maji, ivua uoso ngi mu tala: Eme ngi suua uoso ngadiama uala ni muẋima ua toloka, anga u kenanena kizuelu kiami, ió muene ngi mu suua.

Izaía 66:5

Ivenu kizuelu kia Jihova, enu oso muala ni uoma ua kizuelu kiê; jiphange jenu, oso a mi zemba, ia ene ku mi takujula dikanga mukonda dia dijina diamiʼeme, exi: Jihova a mu fumanese; mbebhu tu mone o kusanguluka kuenu, maji eneʼô-phe sonhi ja-nda kua kà a kuata.

Matesu 11:12

Tunde mu izuua ia Nzuá dia Batizu, o Utuminu ua Diulu a u balukila, akua nguzu a u bokona ni kusuina.

Matesu 11:29

Di tuikienu jungu iami, mu di longe ko kuami; mbata eme nga belesela, nga batama muẋima, nda mu mone kutululuka kua jinzumbi jenu.

Jipoxolo 16:29

Kasalelu anga u ixana kuila eze ni jikandeia, hé u bokona lusolo, ua bhuuama ni uôma, anga u di bhala bhu pholo ia Phaulu ni Sila.

Jipoxolo 9:6

Muene-phe ni kuteketa ni kudiuana, uixi: Ngana ua mesena ngi bhanga kiebhi? Ngana u mu ambela, uixi: Balumuka-phe, u bhixile mu mbonge, mueneʼomo a kà ku jimbuila kioso ki u bhinga kubhanga.

Loma 2:7

Ua kà bhana muenhu ki uabhua kua oso a kuata kinhenge mu kubhanga o mbote, a bhindamena o fuma ni ujitu ni muenhu ua kamba dizubhilu.

I Kolindo 15:58

Uila kiki, enu phange jami, kolokotenu, ki mu toloke. Mu suine jinge mu kikalakalu kia Ngana, kabasa mua kʼ ijiia kuma Ngana se mua mu talela hadi, o hadi ki i kala ia ngó.

I Kolindo 2:3

Kienhokio, ki ngele ku mi kunda, anga ngi kala mu ʼaxaxe kenu, nga kexi ni nduezu, hé ngi kala mu kuteketa ni uôma uavulu.

I Kolindo 4:14

Ima ienʼ iii ki nga i soneka mu ku mi kuatesa enu jisonhi. Maji mu ku mi dimuna, kala mu tuana tuami muène, tata!

II Kolindo 7:15

Ni muène ue henda ia mu vulu dingi kia mi lembalala o kutumaka kuenu enu oso, ni kioso ki mua mu tambulula ni ujitu, ni kuditolesa.

Efezo 6:5

Enu abhika, tumakenu ió oso ala jingana jenu mu xitu, ni uôma, ni kuteketa. Ima ioso mu i bhanga ni ufiiele ua muẋima, kala Kristu muala ku mu bhikila.

Filipe 1:27

Kala kiki, hé kima, o uendelu uenu u kale uendelu ua fuama mu Njimbu Iambote ia Kristu. O ki kala ngi mi sanga koko, mba ngi kamba ku mi sanga, kimuua ngʼivua jinga kioso ki muala kubhita na-kiu, kuma mua kolokota ni muẋima umoxi, muedi ni muenhu umoxi mua suinina kubhangela o kuxikana ku tunda ku Njimbu Iambote.

Filipe 1:29

Mukonda Nzambi muene ua mi bhana o ujitu ua kubhiẋila Kristu, kana ngó o ku mu xikana, maji ni ku mu talela ue hadi.

Filipe 1:5

Mukonda dia kikexilu kienu kia ku di banda kokuami mu ku ngi kuatekesa mu kusambukisa o Njimbu Iambote, tunde mu kizuua kiadianga katé lelu.

Filipe 1:6

Kuma ngedi ni kudielela kima kiki, kuila: O Nzambi, ua mi andekela o kikalakalu kiambotʼiki mu mienhu ienu, uanda ku mi zubhila-kiu katé bhu kizuua kia Jezú Kristu.

Filipe 2:19

Nga fika-phe, mua Ngana Jezú, kuma kindala ngi tuma Timote ku mualʼ oko, phala o muẋima u ngi uabhe mù kuivua o jinjimbu ja kioso ki muala kubhita.

Filipe 4:1

Uila kiki, enu jiphange jami nga mi zola, nga mʼindi kiavulu, o ngunzu ue iavulu i nga mi kala na-iu! Enu muala mu ngalasa iami, mu kitundu kiami, kolokotenu kiá kieniiki mua Ngana, enu akuetu.

Filipe 4:15

Enʼuenu mua kʼijiia, mu akua Filipe, kuma bhu dimatekenu dia Njimbu Iambote, thembu i nga katukile ku Masedonia, kana Ngeleja i nga kexile na-iu mu kisangela kia kubhana ni kutambula, kikale enu ngó ubheka uenu. Ngeleja ienu iene ngó ia ngi kuatekesa.

I Tesalonika 1:3

Kuma tuene ku mi lembalala, sé ngó kufula, bhu pholo ia Nzambi ietu, Tatʼetu, o kukalakala kuenu kua kuxikana, ni kubhika kuenu kua henda, ni kukolokota kuenu mu kudielela Ngana Jezú Kristu.

II Timote 2:10

Uila kiki, ima ioso ngi kolokota na-iu, mukonda dia athu a ngene a Nzambi òsole. Ngi ki bhangela phala a tambule ubhulukilu uene mua Kristu Jezú, kumoxi ni kijîngo ki kié-kiene kutunuka dingi.

Jihebeleu 12:1

Mukonda dia kiki, etu a tu bhake bhu ʼaxaxe kuala kifuẋi kionéne kia jimbangi javulu. Tu tudienu ioso i tu lalamesa, ni kituxi kioso kia tu naminina, tu lengienu ni kukolokota o dikanga dioso dia tu kala ku pholo.

Jihebeleu 4:1

Nzambi ua tu bhana polomesa kuila tu tena kubokona mu kunhoha ni muène. Tu kalienu-phe ni uôma, sumba mba kia xie o kizueluʼ iki kia kubokona mu dinhohenu diê, bhu kala muthu mudienu u ki tokoka.

Jihebeleu 4:11

Uila kiki, tu kuatienu-phe muanu mu kubhanga ioso phala tu tene kubokona ni Nzambi mu dinhohenu diê. Ki bhu kale muthu mudietu u di bhala mu kuxibhaka Nzambi, kala ene kia xibhakele ia a tokokele kobokona.

Jihebeleu 5:9

O kia zubha ku di longʼ iki, ua di bhange Kibhamuenhu u tena o kubhulula oso a mu tumaka, katé kia zubha.

I Phetele 2:11

Enu akuetu, phange jami, nga mi diondo, mu asonhi, mu jingenji mua tundu mu ixi ienu enu muala ku jixi jengi, kulenga jinga jihânji ja xitu ji lua ita ni muenhu ua muthu.

II Phetele 3:18

Endenu-phe ni kukula mu kiadi dia Ngana ietu, Mubhuludi, Jezú Kristu, ni mu kuijiia kuê. O fuma i kale iê-muene, ni kiki, ni ku hádia ni hádia! Amén.