Filipe 1:6 - O Mikanda Ikola

⁶ Kuma ngedi ni kudielela kima kiki, kuila: O Nzambi, ua mi andekela o kikalakalu kiambotʼiki mu mienhu ienu, uanda ku mi zubhila-kiu katé bhu kizuua kia Jezú Kristu.

Filipe 1:6 ပူးပေါင်းရင်းမြစ်များ

Jisálamu 138:8

Jihova u ngi zubhila ioso ia ngi kambe; o kiadi kié, Ngana, ki kiene kúbhua; kana kuehelela o kikalakalu kia maku mé.

Nzuá 6:29

Kuala Jezú: O kikalakalu kia Nzambi kienhiki, kuila mu xikana ió uoso muène ua mu tumu.

Jipoxolo 11:18

Ene kia zubha kuivua imʼ iii, phata iabhu. Anga a ximana Nzambi, exi: Manhi ni akua matumbu uâ Nzambi ua a bhana o kudiela, nʼamone o muenhu ki uabhua!

Jipoxolo 16:14

Ku ahatu a mu kuivua, anga bhu kala muhatu, dijina diê Lidia. Muenʼiú ngenji, mukua kufuna purpura ia kuteka, o ku bhata diê ku Tiiatila, mubhezi a Nzambi; muene anga u tu ivua. Muenʼiú Ngana ua mu jikula o muẋima mu kutambulula o maka ma tange Phaulu.

I Kolindo 1:8

Muene uanda ku mi imika katé bhu bhuilu, phala ki mu kale ni kisemu mu kizuua kia Ngana ietu Jezú Kristu.

II Kolindo 1:15

Mu kudielela kiki o ima ioso ienhiʼii, ku dimatekenu ngambele kudianga kuiza ko kuenu, phala ku mi kunda, mbé o mbote mu i mone lua kaiadi.

II Kolindo 2:3

Kiene ki nga ki sonekena mu mukanda uenhó. Kuma eme ki nga mesenene kuia, anga a mi kuatesa mukondo kuala athu ió a tokalele kuila ene a ngi sanguluisa. Kuma eme nga mi dielela kuila kioso eme ki ngi kala ni kuzediua, o ngalasa iami i kala ngalasa ienu enu oso.

II Kolindo 7:16

Eme ue nga sanguluka, kuma ngi tena ku mi dielela mu ima ioso.

II Kolindo 9:4

Uila kiki, se athu ku akua Masedonia aia ni eme, hé tu sanga kiluua mu di iudika kia-nda ku kala kima kia jisonhi phala etu. Katuku o jisonhi ji mu kala na-ju enʼuenu, mukonda dia kudielela ku tua mi kala na-ku.

Ngalásia 5:10

Maji eme-phe hanji nga mi dielela mua Ngana. Kuma o kuongama kuetu mua Ngana, kua ngi dielelesa kuila, ki nga mu xinganeka emʼiki, enu uenu ki muandù kala dingi ni ilunji iengi. Maji nga ki dielela ue kuila, ió uoso ua mi tatesa, a kuliê, a toliê, hadia Nzambi ua kà mu bhana kaxtiku kê.

Efezo 4:12

Muène ua bhange kiki mu kuzubhisa akua Ngana kudiiudika mu kioso kia a kambe, mu kukumbidila o ungunza uâ, ni mu kutungisa o mukutu ua Kristu.

Filipe 1:10

phala mu tene kusola o ima ioso iauabha, nda mu kale sé kadia, sé ngó kima ki mi fudisa, katé bhu kizuua kia Kristu.

Filipe 1:29

Mukonda Nzambi muene ua mi bhana o ujitu ua kubhiẋila Kristu, kana ngó o ku mu xikana, maji ni ku mu talela ue hadi.

Filipe 2:12

Uila kiki, enu akuetu, kuma enu mu akua kutumaka jinga, kana ngó bhu pholo iami kioso ki ngi kala-bhu maji mua fuama mu kala dingi kota mu ku ngi tumaka, kiki ki nga tundu-bhu. Mu kieniiki, tutumbenu ni ujitu uoso ni uôma, phala mu mone o kubhuluka.

Filipe 2:13

Kuma Nzambi muène u kalakala moxi dienu, mu ku mi solesa ni ku mi bhangesa kutumaka kioso kia mu kala mu vondadi iê iambote.

Filipe 2:16

Mu ku a tela o Maka ma muenhu, muenda ni kumoneka mu ʼaxaxe kâ kala mu mikengeji ia jithethe-mbua ku diulu. Se kiene ki mu bhanga, eme ue ngi kala ni kia kutela thathe bhu kizuua kiná kia Kristu. Phala ki ngà kèle kala nga huha dikanga dioso, maji nga tale ngó hadi ia hatu.

Kolose 2:12

Mbata kizuua kia mi batizala, a mi fûndu kumoxi ni Kristu mu batizu. O mu batizu, enu mua fukunuka-nê dingi kumoxi, mu kuxikana o nguzu ia Nzambi, ua fukununa muène Kristu mu madifundu.

I Tesalonika 1:3

Kuma tuene ku mi lembalala, sé ngó kufula, bhu pholo ia Nzambi ietu, Tatʼetu, o kukalakala kuenu kua kuxikana, ni kubhika kuenu kua henda, ni kukolokota kuenu mu kudielela Ngana Jezú Kristu.

II Tesalonika 1:11

Kienʼ iki, kiene ki tuene ku mi sambela jinga phala Nzambi ietu a mi kite mu athu mua fuama o kixanu kia muenhu uobhe ua mʼixanena. Tua mu bhinga ue phala muène, mu nguzu iê a tenese o jivondadi jenu joso ja kubhanga o ima iambote, ni a mi zubhile o kikalakalu ki mualù bhanga mu kuxikana.

II Tesalonika 3:4

Tua mi dielela ue mua Ngana, kuma mua bhange ima ioso i tua mi tendelela, ni ku pholo iene i mu bhanga.

Filemone 1:21

Kienhiki ki nga mu ku sonekena, mukonda muẋima ua ngi dielela kuma kioso ki nga mu ku bhinga, eie uanda ku ki bhanga. Ngejiia muene kuma ki nga tange ki kiene ngó ki u bhanga, maji uanda kuta-ku dingi.

Jihebeleu 10:35

Uila kiki, o kubhua uôma ku muala na-ku, ki mu ku ehe, mbata sai ni dilau diê dia dikota.

Jihebeleu 12:2

Tu jizienu ni kusuua ngó Jezú, kuma muène o musonguedi ua kuxikana kuetu, tundé bhu dimatekenu katé bhu dizubhilu. Kala muène mu kusuua o ngalasa ia mu idikiza, ua kolokota ni dikulusu, ua tende o sonhi, o kiki ua xikama ku madilu bhu kiandu kia Nzambi.

I Phetele 5:10

O Nzambi-phe ia kiadi kioso, ua mʼixana mua Kristu ku fuma iê ia kalelà-ku, ki mua kà zubha kathangana ka kutala hadi, muène-muene u mi tenesa, u mi kuatesa, u mi suinisa.

II Phetele 3:10

Maji kizuua kia Ngana-phe, hinu kʼiza kala kʼiza o muii. Mu kizuuʼokio o maulu ma kà jimuka ni mutendu ua dikota, ima ioso ia moneka ku mesu iala mu dimbinza, ia kà jokota ku tubhia. O oxi ni imbamba iê ioso iala-mu, ia kà jimuka.