Filipe 1:5 - O Mikanda Ikola

⁵ Mukonda dia kikexilu kienu kia ku di banda kokuami mu ku ngi kuatekesa mu kusambukisa o Njimbu Iambote, tunde mu kizuua kiadianga katé lelu.

Filipe 1:5 ပူးပေါင်းရင်းမြစ်များ

Jipoxolo 2:42

Ene oso anga a kolokota mu ulongelu ua jipoxolo, ni mu ukamba mudiâ, anga a kala mu kubhongoloka jinga kumoxi mu kubukula o mbolo, ni mu kusamba.

Loma 11:17

O kiki o jithangu jamukuâ ja mudiva ua kudima, a ji bukuile-ku, eie u luthangu lua mudiva ua muxitu iá a ku phaphe ku kixina muʼ axaxe ka jithangu. Kiene ue enu ki mu Jijudé, mua di bhange kala o mudiva uenʼ ió ku muxitu, kindala mua tambula ku nguzu ni ku umvuama ua muenhu ua Jijudé.

Loma 12:13

Muenda ni kubhindumuna o jiphange mua Ngana ni kioso ki muala na-kiu. Mu zalela jinga asonhi.

Loma 15:26

Kuma o jingeleja ja akua Masedonia ni akua Akaia kia a uabhela kubhanga mukungu ua kubhindumuna jingadiama ku mundu ua akua Ngana ala mu Jeluzaleme.

I Kolindo 1:9

Nzambi uene fiiele, muéne ua mʼ ixana phala ni mu tena kuiza mu kisangela kia Monʼ ê Jezú Kristu, Ngana ietu.

II Kolindo 8:1

Kima kiamukuâ, enu jiphange, nga tumu ku mʼ ijidisa o kiadi kia bhana Nzambi mu jingeleja ja Masedonia.

Efezo 3:6

O kikutu kieniiki: Mukonda dia Njimbu Iambote, o akua jixi jengi, ala uâ mu kisangela kumoxi ni Jijudé mu mabesá moso ma Nzambi. Kuma ala idiandu ku mukutu uene umoxi; akua kisangela mu polomesa ia bhana Nzambi mua Kristu Jezú.

Filipe 1:12

Nga tumu-phe ku mʼ ijidisa, jiphange, kuma o ima ia ngi bhiti ki i fudisa, kana, inda ia bhekela o Njimbu Iambote kusambuka dingi kiengi.

Filipe 1:16

Iá a ki bhangela henda, kuma a kʼ ijiia kuila eme o Ngana Nzambi ua ngi bhana o kikalakalu kia ku bhangela o Njimbu Iambote.

Filipe 1:27

Kala kiki, hé kima, o uendelu uenu u kale uendelu ua fuama mu Njimbu Iambote ia Kristu. O ki kala ngi mi sanga koko, mba ngi kamba ku mi sanga, kimuua ngʼivua jinga kioso ki muala kubhita na-kiu, kuma mua kolokota ni muẋima umoxi, muedi ni muenhu umoxi mua suinina kubhangela o kuxikana ku tunda ku Njimbu Iambote.

Filipe 1:7

Enu mua ngi kala ku muẋima izuua ioso! Nga fika kia ngi tokala muene ku mi xinganeka kieniiki enu oso, mukonda ni ku malubhambu, ni mu kuzokela o Njimbu Iambote, ni mu ku ijidisa kia fuama, enu oso mua nomona ni eme ku kiadi kia ujitu iú ua ngi bhana Nzambi.

Filipe 2:12

Uila kiki, enu akuetu, kuma enu mu akua kutumaka jinga, kana ngó bhu pholo iami kioso ki ngi kala-bhu maji mua fuama mu kala dingi kota mu ku ngi tumaka, kiki ki nga tundu-bhu. Mu kieniiki, tutumbenu ni ujitu uoso ni uôma, phala mu mone o kubhuluka.

Filipe 2:22

Enuenu-phe, muène mua muijiia kioso kia tundu kiambote mu ku mu lola. Kuma mukuâ ni mona u di tuma ni tatʼ â, muène kiene ue kia di tumu ni eme, mu ku sambukisa o Njimbu Iambote.

Filipe 4:3

Ni eie ue u soko diami dia kidi, nga ku diondo, ua a kuatekesa, ahatu enʼió. Kuma ene a ngi bande mu sedivisu ia kusambukisa o Njimbu Iambote, kumoxi ni Kelemende ue, ni amukuâ dingi u nga kalakala-nâ, majima mâ moso mala mu divulu dia muenhu, dia tokala Nzambi.

Filemone 1:17

Kala kiki, eie se ua ngi mono-phe ngi mukua-kisoko kié, Onézimo kia mu vutukʼokio, mu tambulule kala eme-muène ua ngi tambulula.

Jihebeleu 3:14

Kuma o kubhanduluka ni Kristu, ki bhinga o kudielela ku tu andeka na-ku, tu ku jijila katé bhu dizubhilu.

II Phetele 1:1

Eme Ximá Phetele, ngi mubhika, ngi Poxolo ia ngene ia Jezú Kristu. Nga sonekena akuetu, a mono ue kuxikana kua sokela ni kuetu mu ujitu, a ku muena mu kuiuka kua Nzambi ietu, ni Mubhuludi Jezú Kristu.

I Nzuá 1:3

O kima ki tua mono, ki tuevu, kiene ki tua mi tudila o Njimbu iê, phala enu uenu mu kale ku ukamba kumoxi ni etu, uila etu ki tuala mu kidi kiene ku ukamba kumoxi ni Tata ni Monʼê Jezú Kristu.

I Nzuá 1:7

Maji, o ki kala-phe tuenda mu mukengeji, kala Nzambi muène kiene mu mukengeji, tu kala ku ukamba mudietu, o manhinga ma Jezú, Monʼê, kala kienda jinga Jezú Kristu.