Filipe 1:20 - O Mikanda Ikola

²⁰ Mukonda eme o kia ngi kate kiavulu, ki ngendi ni kudielela kuami kuoso, o kuila ki ngi lémbue kubhanga kioso kia ngi tokala, kala ki ngene kiá mù bhanga tunde ukulu, kota-kota mu kindala mumu, mbé ngi kale muene ni kubhua o uôma, phala ngi tene kufumanesa Kristu ku mukutu uami, kixi ku muenhu, kixi mu kufua.

Filipe 1:20 ပူးပေါင်းရင်းမြစ်များ

Jisálamu 119:116

Ngi fikidile, Ngana, kala kiala mu maka mé, phala ngi laie; ki ngi fule dingi kioso ki nga dielela, anga ngi xalela ni jisonhi.

Jisálamu 119:80

Eme-phe muẋima uami u iukile mu mixinda ia jingonge jé, phala ku pholo ki ku ngʼize kukakuka, sonhi ni ji ngi kuata. Kaf

Jisálamu 25:2

Nzambi iami nga ku dielela, kana ku ngi kakula, kuehele jinguma jami ku ngi tolola!

Jisálamu 62:5

Muẋima uami di xibhié, u kinge ngó Nzambi; mukonda kudielela kuami ku tunda ngó kua muene!

Jisabhu 10:28

O kudielela kua athu a iuka, kubheka kusanguluka; akua phulu-phe kudielela kuâ, kua kà jimuka muene loló!

Jisabhu 23:18

Kuma kienhiki ki ku bhesa dizubhilu dia mbote; o kudielela kué ki ku kala kua ku di fula.

Izaía 45:17

Maji Izalaiele u bhulukila kua Jihova, ni ubhulukilu unangenena sé dizubhilu; o mu kienhiki katé ku hádia ni hádia sonhi ki ji tena ku mi kuata, ki mu tena kukakuka.

Izaía 50:7

Kuma Jihova Nzambi muene u ngi banda, kienhiki-phe ki ngi kalʼami ni jisonhi; mukonda dia kiki, nga kolesa pholo iami kala ditadi dia holotôto, eme nga kʼijiia kuila ki nga kà kala ni jisonhi.

Izaía 54:4

Ku kale ni uoma, mbata sonhi ki ja-nda ku ku kuata; ku kale ni jisonhi, mbata kua-nda kukakuka; inda sonhi ioso i ua bhiti na-iu ku undenge ué ua-nda ku i jimba, môndo ua utudi ué kua-nda ku u xinganeka dingi.

Nzuá 21:19

Mùene ua zuela kiki, mu kuidikiza o ufuilu uoso uà kà fua Phetele, mu kufumanesa Nzambi. O kia zubha ku ki zuela, u mu ambela, uixi: Ngi kaiele eme.

Jipoxolo 20:24

Ki nga suu-phe kima. Né o muenhu uami ki ngʼ u jijila, kabasa ngi zubha o njila ia ngi xindi, ni ukunji ua ngi bhana Ngana Jezú. O ukunji uenʼ iú: O kubhana umbangi ua Njimbu Iambote ia kiadi kia Nzambi.

Jipoxolo 21:13

Kieniokio Phaulu ua kumbulula, uixi: Mu didila-hi kiki, anga mu ngi bhekela lamba diavulu ku muẋima? Kuma eme ngala polondo, ki ku ngi kuta ngó, maji katé ni ku ngi jibha mu Jeluzaleme mukonda dia dijina dia Ngana Jezú.

Jipoxolo 4:31

Ki a zubha kusamba, o kididi kia di bhongoluela, kia tunguta. Ene oso anga ezala ni Nzumbi Ikôla, hé andeka kutanga o maka ma Ngana ni kúbhua uôma.

Loma 12:1

Uila kiki nga mi diondo-phe, jiphange, mu jihenda ja Nzambi, di bhakudienu o mikutu ienu kua muène, kuma sata ia muenhu, mua di lumbu mu kikalakalu kiê, mu akua ujitu kua Nzambi. Kuma iú uene o ubhhezelu ua kilunji ua ni fuama.

Loma 5:5

O kudielela kuku-phe ki ku tu kuatesa jisonhi, mukonda o henda ia Nzambi ia tu nokena mu miẋima mu nguzu ia Nzumbi Ikôla a tu bhana-nê.

Loma 6:13

Ni idiandu ienu kana ku i bhakula ku ituxi kala falamenda ia kubhanga kima kioso-kioso kiaiibha. Maji-phe di bhakudienu kua Nzambi, kala mu athu mua fuile kiá, maji mua tambula dingi muenhu, ni idiandu ienu bhakuilenu-iu Nzambi i kale falamenda ia kubhanga ima ia kuiuka.

Loma 6:19

Nga mu ki amba mu uzuelelu ua athu, mukonda enu mua bhuila mu xitu. Uila mu ukulu ki mua bhakuile o idiandu ienu mu kukala mu abhika a ufusa ua kubhanga kiaiibha phala kubhikila o ituxi, kindala kiene kiá ki mu bhakula o idiandu ienu mu kukala mu abhika a uiukilu u bhangesa kukala ni muenhu ua kuzela moxi.

Loma 8:19

Kuma o ibhangelu ioso ia xibhidila ni ku kinga o kithangana kia kutukuluka kua anʼ a Nzambi.

Loma 9:33

kala kia ki soneka mu Mikanda Ikôla: Talesenu, nga tula mu Ziione ditadi dia kidibhukanu, ndanji ia iẋanju ku a di bhela ibhalu. Maji uoso-phe u mu xikana Muène, ka kà kuata jisonhi.

I Kolindo 15:31

Phange jami, eme o kalunga ka ngi zukama izuua ioso! O kienʼ iki se nga ki ambe, nga ki ambela o kuzangalala ku ngala na-ku mukonda dienu enu, mu kisangela ni Jezú Kristu Ngana ietu.

I Kolindo 6:20

Kuma a mi sumbu ni suilu. Uila kiki, fumanesenu Nzambi ku mikutu ienu, ni ku jinzumbi jenu, kuma ja tokala Nzambi.

I Kolindo 7:34

U tandanganha mukonda ala ku mu sunga ku mbandu jiiadi. O mu kuzuela-phe ku mbandu ia ahatu, kutale o atudi, uixi o makudi, ene a lalamena ngoho o kikalakalu kia Ngana, mukonda andala a di bhakula kua Ngana ni mukutu ni nzumbi. Maji o muhatu ua dikaza-phe u lalamena o ima ia mundu iú, mukonda u mesena mu ioso, kioso ki a uabhela muadi uê.

II Kolindo 10:8

Eme ki ngala ni jisonhi, né mbe ngi ta thathe ia kijingu kietu kia tu bhana Ngana. O kijingu kiki, kia ku mi kudisa enu mu nzumbi, ki kia ku mi muanga, kana.

II Kolindo 3:12

Mukonda-phe dia kukala ni kudielela kala kiki, kiene ki tua bhuila o uôma.

II Kolindo 4:10

Tualu kuambata jinga mu mukutu uetu ua kalunga o kufua kua Jezú, phale o muenhu ua Jezú ue u monekene mu mukutu uetu.

II Kolindo 5:15

O muène ua fuidile ene oso bhu kididi, phala oso kiki ala ku muenhu, ki ki kale ene dingi a di vu, maji ua a vu muène ua a fuidile bhu kididi, iú ua fukunuka.

II Kolindo 7:14

Mbata eme nga mu telele thathe ienu kua muène, ia ku mi zuela kiambote, o enu ue-phe ki mua ngi kuatesa jisonhi. Etu ima ioso i tuene ku mi tangela, ia kidi. Kiene ue ni thathe i tua tele bhu pholo ia Tito, ia ku mi ximana enu, a i mono kuma ia kidi.

II Kolindo 7:4

Nga mi dielela kinéne, kienhiki ngi di thatha kiavulu mukonda dienu. Mu axaxi ka hadi ietu ioso, hanji ngezala ni kusuina, nga xamujuka ni ngalasa.

Filipe 1:14

O ku jiphange mua Ngana, avulu muene mukonda dia upelezu uami, abhu dingi o hele mu kubeta kudielela Ngana. Kieniiki, a suina dingi kiengi ni kutanga o Maka ma Nzambi sé uôma.

Filipe 2:17

Kuma sumba anda ku ngi zunzumuna o manhinga, o muenhu uami anga a u bhana kala sata iòbhakuile kua Nzambi mukonda dia kuxikana kuenu. O kieniiki se ki bhita, eme ngi ki tanena, hé ngi sanguluka kumoxi ni enu oso.

Kolose 1:24

Kiki nga sanguluka mu jihadi joso ji ngala ku mi talela enu. Mukonda nga kuata kutala hadi ioso ia ngi xindi ku jingongo ja Kristu ja xedi-ku; ngi ji bhita mu xitu iami, mu kubhangela o mukutu uê-muene, muène, o Ngeleja.

I Tesalonika 5:23

O muène Nzambi, mukua ku tu bhana o paze, a mi zelese katé mua zubha; a mi bhake kivimba ni nzumbi ni muenhu, ni mukutu, sé dixaka, mba kuêla kua kima, katé bhua kà tukulukila Ngana ietu Jezú Kristu.

I Phetele 4:16

Maji muthu-phe se u tala hadi mu kukala Kidistá, ka kale ni jisohi, inda a sakidile Nzambi mukonda ua tambula o dijina dia Kristu.

I Nzuá 2:28

Xi! Kiki-phe, tuana tuami, jijilenu o kukala mu ukamba ni Kristu, phala se uedi u tukuluka, tu bhue uôma. Mbé ki tu kale ni jisonhi bhu pholo iê, hé tuà ka bhindamena kudisueka bhu Kizuua bhuoso muène bhua kà tukulukila.