Filipe 1:17 - O Mikanda Ikola

¹⁷ O iá-phe a tumbula Kristu, maji a ki bhagela ngó mukonda sai kia bhindamena, inda ngiia ala ni kàdia. Ene a fika kuila a ngi tatesa dingi kiavulu ku malubhambu ku ngalʼuku.

Filipe 1:17 ပူးပေါင်းရင်းမြစ်များ

Luka 21:14

Tetulukenu-phe mu miẋima ienu, kana ngó kudianga kuxinganeka kioso ki mu vutula.

Jipoxolo 22:1

Enu mu akuetu, jiphange, nʼ enu mu jitata, ngʼ ivienu kioso ki ngi di lombolola lelu bhu pholo ienu.

Jipoxolo 26:1

Ngilipa anga uambela Phaulu, uixi: A ku bhana disesa dia kuzuela. Phaulu anga u sunununa o lukuaku luê, u kuata kufûnda, uixi:

Jipoxolo 26:24

Kia kala muène mu kufunda kiki, Festu u di kola, uixi: Eie Phaulu, ua saluka! O kuijiia kuavulu, kua ku bhekela kusaluka!

Loma 2:8

Maji ua kà lunduluila o njinda iê ni kaxtiku kê ku thandu dia oso-phe akua luimbi, o kubhanga o mbote a ku tokoka, anga enda ni kukaiela ioso iaiibha.

Filipe 1:18

O kiki, ngiia-phe kiebhi? Ku ifua ioso, kixi ku kidi, kixi ku makutu, kabasa Kristu muène a mu tange kuene kuoso. Eme nga ki sangulukila, hanji ngenda ni kusanguluka.

Filipe 1:7

Enu mua ngi kala ku muẋima izuua ioso! Nga fika kia ngi tokala muene ku mi xinganeka kieniiki enu oso, mukonda ni ku malubhambu, ni mu kuzokela o Njimbu Iambote, ni mu ku ijidisa kia fuama, enu oso mua nomona ni eme ku kiadi kia ujitu iú ua ngi bhana Nzambi.

Filipe 2:3

Ki mu bhange kima ni masunga a kusota ngó mbote ienu, mba izala ia ku mi ximana. Maji ni kubatama, kala muthu a kite mukuâ kota diê; Kana ku di fika kuila mua beta kuiuka o akuenu ndenge.

I Timote 2:7

Kiene kia bhangesa ku ngi katula eme mu kukala Poxolo, ni kukala mesene ia oso ka tokala mu muiji ua Jijudé. Mbé ku a tudila o njimbu ia kuxikana ni ia kidi. O ki nga mu zuelʼiki-phe ki makutu, nga tange kidi.

II Timote 2:9

O mu kutanga Njimbu Iambote kì kia bhinga ngi ki talela hadi, katé ku ngi kuika malubhambu kala ngi kisueia. Maji o maka ma Nzambi-phe kene ku ma kuika.

II Timote 4:16

Ku dimanda diami, ki nga diangele kufunda, kana muthu ua ngi bandele. Ene oso a ngi xile. Nzambi tamanu ka a tela na-kiu mu konda iâ!