Filipe 1:14 - O Mikanda Ikola

¹⁴ O ku jiphange mua Ngana, avulu muene mukonda dia upelezu uami, abhu dingi o hele mu kubeta kudielela Ngana. Kieniiki, a suina dingi kiengi ni kutanga o Maka ma Nzambi sé uôma.

Filipe 1:14 ပူးပေါင်းရင်းမြစ်များ

Marku 3:3

Anga u ambela o muthu ua kukuta lukuaku uixi: Imana bhu ʼaxaxiʼabha.

Luka 1:74

kuila u tu kudila bhu maku ma jinguma jetu, phala tu mu kalakele muène sé uôma,

II Kolindo 3:12

Mukonda-phe dia kukala ni kudielela kala kiki, kiene ki tua bhuila o uôma.

II Kolindo 7:4

Nga mi dielela kinéne, kienhiki ngi di thatha kiavulu mukonda dienu. Mu axaxi ka hadi ietu ioso, hanji ngezala ni kusuina, nga xamujuka ni ngalasa.

Efezo 3:13

Uila kiki, nga mi bhingi kuila kana kukala ni usudi mukonda dia jihadi ji ngala ku mi talela, inda ji kale jenu ja kutambula fuma.

Filipe 1:20

Mukonda eme o kia ngi kate kiavulu, ki ngendi ni kudielela kuami kuoso, o kuila ki ngi lémbue kubhanga kioso kia ngi tokala, kala ki ngene kiá mù bhanga tunde ukulu, kota-kota mu kindala mumu, mbé ngi kale muene ni kubhua o uôma, phala ngi tene kufumanesa Kristu ku mukutu uami, kixi ku muenhu, kixi mu kufua.

Filipe 1:7

Enu mua ngi kala ku muẋima izuua ioso! Nga fika kia ngi tokala muene ku mi xinganeka kieniiki enu oso, mukonda ni ku malubhambu, ni mu kuzokela o Njimbu Iambote, ni mu ku ijidisa kia fuama, enu oso mua nomona ni eme ku kiadi kia ujitu iú ua ngi bhana Nzambi.

Filipe 4:1

Uila kiki, enu jiphange jami nga mi zola, nga mʼindi kiavulu, o ngunzu ue iavulu i nga mi kala na-iu! Enu muala mu ngalasa iami, mu kitundu kiami, kolokotenu kiá kieniiki mua Ngana, enu akuetu.

Kolose 4:4

Uila kiki, endenu ni kusamba phala o kijinganuʼiki ngi ki lombolole kala kia tokala, athu oso nʼa kijiie kala kia fuama.

Kolose 4:7

Ioso i ngala kubhita na-iu kunu, Tixiko ua kà mi kunda-iu. Kuma muène Phangʼietu ia henda, ngunza ia fiiele, mukalakadi ni mukuetu mu sedivisu ia Ngana.

I Tesalonika 2:2

Muejiia ue kuila kioso kiluua tu bhixila koko ku Tesalonika, tua diangele-phe kutala hadi ni kulebhuka mu Filipe. Luavulu muene a sotele ku tu fudisa, maji etu-phe tu bhua uôma mua Nzambi ietu mu ku mi tangela enu o Njimbu Iambote ia Nzambi ni kubângama kuoso.

II Timote 2:9

O mu kutanga Njimbu Iambote kì kia bhinga ngi ki talela hadi, katé ku ngi kuika malubhambu kala ngi kisueia. Maji o maka ma Nzambi-phe kene ku ma kuika.