Filipe 1:13 - O Mikanda Ikola

¹³ Katé o malubhambu mami ma di monekena ku akua kulangidila mu lumbu luoso lua palasiu ni ku athu amukuâ oso, kuma ma Kristu.

Filipe 1:13 ပူးပေါင်းရင်းမြစ်များ

Jipoxolo 26:29

Kuala Phaulu: Nginda muene ki ku bhite, né mu kindala, né ku hádia, kuma kiene ki nga mu bhinga kua Nzambi, kuila ni eie kiá, ni ene oso a ngʼivu lelu, mu kale muene kala ki ngalʼ eme,—maji mu kamba ngoho o malubhambu iá.

Jipoxolo 26:31

O kia zubha kutunda-bhu a kala mu ku di zuelesa mudiâ, exi: Diialʼ idi ka bhange kima ki tokala ku mu jibha, mba ngó ku mu ta ku malubhambu.

Jipoxolo 28:17

Ki tua zubha kubhanga izuua itatu, Phaulu muène ua tumu kuixana o makotʼ athu ku Jijudé, a kexile mu Roma, phala kudimona-nâ. O kia bhongoloka, ua ambela uixi: Eme, akuetu jiphange, sumbala ki ngi bhange mundu uetu kima kiaiibha, ki ngi tondala ifua ia jitata jetu, o Jijudé mu Jeluzaleme a ngi thelekala upelezo ua akua Roma.

Jipoxolo 28:20

Kiene ki nga mʼixanena ku di mona, ni ku di kunda ni enu. Mukonda o kidielelu kia Izalaiele kiene kia ngi kuikisa lubhambu lulu.

Jipoxolo 28:30

Muène anga u xala mivu iiadi mu dibhata diê-muène dia mu lukalesa, u kala mu tambulula oso a mu kana.

Efezo 3:1

Mukonda dia kiki, eme Phaulu, ngi Pelezu ia Kristu Jezú, mu mulonga uenu mu akua matumbu.

Efezo 4:1

Uila kiki, eme ngi hutile, a ngi kutu mukonda dia kubhiẋila Ngana, nga mi diondo mu enda kioso kia fuama mu kixanuʼokio kia mʼixana na-kiu Nzambi.

Efezo 6:20

Kiene kia ngi bhekela o kukala ngi mukunji ua Njimbu ienʼíii, sumbala kindalʼiki ngala bhu lubhambu. Kala kiki, ngi sambedienu, phala kuene ku lubhambu ngibhue uôma ni kutula o Njimbu íii kala kioso ki nga tokala kuzuela.

Filipe 1:30

Kuma kindala enu ue mu tena kutambula mbandu kumoxi ni eme mu ita. Mukonda o ita iene imoxi i mua muene ko kuami, iene hanji i muala ku ngʼ ivua na-iu kindala.

Filipe 1:7

Enu mua ngi kala ku muẋima izuua ioso! Nga fika kia ngi tokala muene ku mi xinganeka kieniiki enu oso, mukonda ni ku malubhambu, ni mu kuzokela o Njimbu Iambote, ni mu ku ijidisa kia fuama, enu oso mua nomona ni eme ku kiadi kia ujitu iú ua ngi bhana Nzambi.

Filipe 4:22

Akua Ngana Nzambi oso kunu a mi menekena, kota-kota ala ku mbèle ia Sézalu.

II Timote 2:9

O mu kutanga Njimbu Iambote kì kia bhinga ngi ki talela hadi, katé ku ngi kuika malubhambu kala ngi kisueia. Maji o maka ma Nzambi-phe kene ku ma kuika.