Filipe 1:11 - O Mikanda Ikola

¹¹ Muime kiavulu ibundu ibundu ia tokala o kuiuka, iijiia kua Jezú Kristu, i bhekela kujingisa ni kuximana Nzambi.

Filipe 1:11 ပူးပေါင်းရင်းမြစ်များ

Jisálamu 1:3

Muthu ió u kala mukuâ ni muxi uòphaphe bhu mbanduʼa honga ia menha, uenda ni kulukula jinga ibundu bhu thembu iê, o difue diê ki di lela ni di laúka; o kioso kia bhanga, ki tunda ni kubhanduluka.

Izaía 5:2

Ua di kondoluesa kikanzo, matadi ua ma sengulula-mu, iú ua phaphe-mu mivide ia mbutu iambote; o muʼaxaxi ka díbhia dia muvide ua tungu-mu inzu ia matala, iú ua iudika-mu ue ditangi dia kuketela vinhu; iú uene kudielela kuila muvide uima ji-uva jauabha, maji uene ua bhana ikola-kola.

Izaía 60:21

Ene oso ku mundu ué a kà kala athu aiuka; ene a kà lundula oxi katé ku hádia ni hádia; a kà kala thangu ja ubhe ji nga phaphe eme, kikalakalu kia maku mami, phala eme a ngi ximane.

Izaía 61:11

Mbata mukuâ ni kikala o mavu a sabhukisa o ngolôngo iê, kala ue o honga ki i fuafuesa ioso ia kuna-mu, kiene ue Ngana Nzambi kia-nda kusabhukisa o kuiuka ni diximanu phala o mbutu ioso ia athu.

Izaía 61:3

ni kubhana ngonge kuamba akua-malamba mu Ziione a a zuike izuatu ia makembu bhu kididi kia utôkua, bhu kididi kia malamba a a uese majiʼa kutana; bhu kididi kia kikote kia muẋima a a zuike kizuatu kia diximanu; nda a a luke kuila miẋi ia uiukilu, iòphaphe kua Jihova, phala fuma iê.

Matesu 5:16

Kiene ue, o mukengeji uenu u muikine bhu pholo ia athu, ene a mone ima iambote i mu bhanga, ni a ximane Tata ienu uene mu diulu.

Nzuá 15:16

Ki enu mua ngi solo eme. Maji eme nga mi solo enu, eme nga mi tumu ni muende ni kubhana ibundu, o ibundu ienu ni i nange, i kambe kuzangiua. Ni ioso ue i mu bhinga Tata mu dijina diami, muène ni a mi bhane-iu.

Nzuá 15:2

Thangu ioso iala mo muami, maji i kamba kubhana ibundu, muène u i batula. Maji o thangu ioso i bhana ibundu, u i solala, hé u i zelesa, ni i bete o kubhana.

Nzuá 15:8

Kiene ki bhekela athu kuximana Tata iami, se enu mua bhana ibundu iavulu, anga mu kala jinga mu jixibulu jami.

Loma 15:28

Kioso ki ngi zubha-phe o kubhanga kikalaklu kiki, ni kubhana o ujitu ua mukungu uoso ua kungu athu phala ene, ngi mi somboka mu kuia ku Xipânia, o mu kubhita kiene ki nga kà mi kunda.

Loma 6:22

Maji o kiki-phe a mi kula ku ituxi, mua biluka mu abhika a Nzambi. Uila kiki, muenhu uenu uoso mua u lumbila kua Muène. Sai ni ibundu ienu ia kuzela moxi, o dizubhilu diê muenhu ki uabhua.

I Kolindo 10:31

Uila kiki, kixi mu kudia, kixi mu kunua, mba mu kubhanga kima kiosokioso, iene ioso i kale ia kuximanesa Nzambi.

II Kolindo 9:10

O Nzambi mukua kubhana o mbutu phala ku kuna, ni musa ua kudia, uanda ku mi bhana ue o jimbutu joso ji mua bhindamena. Anga u ji sokolola, hé ji bhana ibundu ia kumuna i tunda mu kulenduka kuenu.

Efezo 1:12

Kala kiki, etu tua dianga o ku ta kudielela kuetu mua Kristu, tu ximanienu Nzambi mukonda dia unéne uê!

Efezo 1:14

O Nzumbi Ikôla kifua diene o diẋikina dia tu bhana dia kuila hinu tua kà tambula kua Nzambi kiokio kia kanena o mundu uê, ni kuila hinu Nzambi ua kà bhana ufolo uatenena kua ió oso a mu tokala. Uila kiki, tu Ximanienu o unéne uê!

Efezo 2:10

Kuma etu tuala tu ufunu ua Nzambi muene, ua tu kalakela mua Kristu Jezú phala tu kale mù bhanga imbamba iambote, ioso ia tu iudikila Nzambi muène, phala tu kale mù kuendela-mu.

Efezo 5:9

Kuma o kuima kua mukengeji ku di monekena mu kubhongolola nzungule ia jimbote, ni kuiuka, ni kidi.

Filipe 4:17

Kana, ki mukonda ngalù sota a ngi bhana; maji ngalù sota enu mu ime ibundu i mi nganhalesa ku konda ienu.

Kolose 1:10

Phala mu kale mù kuenda kioso kiandala Ngana, ni kubhanga jinga ioso ia mu uabhela kiambote muène. Muandù kuima ibundu mu ikalakalu iambote, hé muenda ni kukula mu kuijiia kua Nzambi.

Kolose 1:6

Mbata o Njimbu Iambote ia mi sange, koko, mu kusambuka kuê mu ngongo ioso, ia muia ni kuima dingi kiengi ni kusokolola ndumba ia mabesá. Kienʼiki ue kia bhiti ni enu, tunde mu kizuua ki muevua o kutanga kiadi kia Nzambi, anga mu kala mu ku kʼijiia mu kidi.

II Tesalonika 1:12

Phala mu kienʼiki o dijina dia Ngana ietu Jezú di fumane mudienu, ni enu mua muène, kala kia tokala mu kiadi kia Nzambi ietu, ni kia Ngana Jezú Kristu.

Tito 3:14

O mundu uetu ue a di longe kubhanga midimu ia mbote, mbebhu o kubhindumuna, phala ene ue ka kambe kukala ni ibundu.

Jihebeleu 12:11

Kioso kia tu beta, kithangana kienhokio tu ki mona kuiibha, ki ki tu uabhela, kana. Maji-phe kuila kia bhiti kiá, ki bhekela ió oso a a beta mu ku a longa, kutambula kisakidilu kia muenhu uaiuka, ua paze.

I Phetele 2:12

Kalenu ni uendelu uenu uafuama, muʼaxaxi ka akua jixi jengi a kambe kuijiia Nzambi phala kioso kia a mi âmba, exi mua mu bhanga kiaiibha, mu kumona dingi o ikalakalu ienu iambote, hinu a kala mu ximana Nzambi, mu kizuua kiê kia ku a zungila.

I Phetele 2:5

Enu uenu kala mu matadi ma muenhu, ehelenu-phe Nzambi phala a mi Uzale mu kutunga o Tembulu ia nzumbi, ni ku mi bhanga kibuka kia jinganga jolumbile Nzambi, ji bhana o jisata ja nzumbi, ji uabhela Nzambi, mukonda dia Jezú Kristu.

I Phetele 2:9

Maji enu-phe mu muiji uosole, mu jinganga ja sobha, kifuẋi kiazele, mu mundu uangene ua Nzambi muène. A mi tungula phala muende ni kujimbula o imbamba ia madiuanu iene mu bhanga Nzambi ió ua mi katula muavundu, iú ua mi bheka mu mukengeji uê u diuanesa.

I Phetele 4:14

Kuma se a mi bhana malebhu mu kukaiela o dijina dia Kristu, mua zediua. Mukonda kia lombolola kuila o Nzumbi ia fuma, Nzumbi ia Nzambi, ua mi tula ku thandu.