Filemone 1:20 - O Mikanda Ikola

²⁰ Kala kiki, phangʼiami, ndoko kia mukuetu, u ngi bhange o mbote mua Ngana, mbé u ngi nhohese o muẋima kuma ngala ngi phangʼié mua Kristu.

Filemone 1:20 ပူးပေါင်းရင်းမြစ်များ

I Kolindo 16:18

Kuma ene a ngi suinisa kiavulu o muẋima. Eme ngejiia kuma ni enu ue a mi bhetula o miẋima. Athu oso a kala kiki, a fuama ku a ximana.

II Kolindo 2:2

Mbata se enu nga mi kuatesa mukondo, eme-muène nanhi u ngi kuatesa ngalasa? Oko enuʼenu muene ngó nga mu mi kuatesa kiá mukondo!

II Kolindo 7:13

Mukonda dia kiki tua suina dingi. O ku thandu dia kutululuka kuku ku tua tambula, kua di te o kutana dingi kiavulu mukonda dia ngalasa ia Tito. Kuma enu oso mua mu kuatekesa mu ku mu nhohesa o muẋima.

Filipe 1:8

Nzambi muene uala mbangi iami, ia hânji iavulu i nga mi kala na-iu mu jihenda ja Kristu Jezú.

Filipe 4:1

Uila kiki, enu jiphange jami nga mi zola, nga mʼindi kiavulu, o ngunzu ue iavulu i nga mi kala na-iu! Enu muala mu ngalasa iami, mu kitundu kiami, kolokotenu kiá kieniiki mua Ngana, enu akuetu.

Filemone 1:12

Muenié-iú nga mu kutumikisa-né dingi, kifua muène ualuia kumoxi ni muẋima uami eme-muène.

Filemone 1:7

Kuma eme ngala ni ngalasa iavulu ni kutululuka mukonda dia henda ié, mukuetu, kuma iene ku ngi suinisa. Mukonda eie uene mu kubhetula o miẋima ia mundu ua akua-Ngana oso.

Jihebeleu 13:17

Enió oso a mi kala ku pholo a tumakienu, mu itaie ioso ia mi mesena ku bhanga. Kuma ene a mi lange o mienhu ienu, mbata athu a bhinga hinu a kà ki bhela konda kua Nzambi. Se enu mu a tumaka, ene o kikalakalu a ki bhanga ni ngalasa, kuma se o kikalakalu a ki bhanga ni malamba, enu ki kala kima kia kuxixima kuenu.

I Nzuá 3:17

Muthu uoso-phe ua kuata o jimbongo ja mu ngongʼumu, anga u talesa phangʼiê ua bhindama, maji u mu kolela muẋima, muthu ió u tanga kiebhi kuila ua zolo Nzambi?

III Nzuá 1:4

Kana kima ki kala kota mu ku ngi bhekela ngalasa, ki kale ngó kienʼ iki, o kuivua anʼ ami kuma ala kuenda mu kidi.