Estere 9:5 - O Mikanda Ikola

⁵ Jijudé anga ji beta jinguma jâ joso ni mukuale, a jibha, a buidisa, anga a bhanga kioso kia mesenene ku a bhanga ene kua ió oso a a zembe.

Estere 9:5 ပူးပေါင်းရင်းမြစ်များ

Nehemiia 9:24

Kienhiki, anʼâ hé a bokona mu ixiʼoio, anga a i tambula i kala iâ; anga eie u tolola akua Kanana, a tungile-mu, hé u a bhana-nâ bhu maku, ni jisobha jê, ni akua ixi oso, ene nda a a bhange kioso kia a bhiti ku muẋima.

Estere 3:13

Mikanda ienhiʼii anga a i sulula ni jiphanga ja koleiu katé mujisengu joso ja muenexi, exi: Mu seia, hé mu sengulula; mu buidisa jijudé joso, a kale minzangala, a kale adiakimi, a kale anʼauisu, a kale ahatu, kizuua kimoxi kia kuinhi ni kitatu, bhu mbeje ia kaiadi ku dikuinhi, iene mbeje ia Adale, o jinbongo jâ joso mu a bhûnda-ju.

Estere 8:11

Mu mikanda ienhiʼii muenexi ua bhana ngonge ku jijudé mu mbonge joso, ua a suinisa mu ku di bhongolola phala kubhângela o muenhu uâ, ni kusengulula ni kujibha ni kubuidisa mu sengu joso ja utuminu ua muenexi oso a a mono a maneka mu ku a solomona ene, a kale muiji uahi a kale sengu iahi, ni kubuidisa anʼâ ahatu, ni kubhûnda o jimbongo jâ,

Estere 9:6

Mu mbanza ngó ia Suzana, jijudé ja jibha-mu hama jitanu ja mala.

Jisálamu 92:12

Uaiuka-phe u koma kala diie; u kula hé u jinga kala muxi ua muxitu ua Libano.

Jelemiia 18:21

Kienhiki-phe, anʼâ a bhakule ku nzala, u a bhakule ue ku nguzu ia xibhata, akajʼâ a a nhane o tuana, ene uâ a xale atudi; a muadi uâ a bhituke ku phoko ia kalunga, o anʼâ a mala a a kuame ku xibhata mu kubhânga mvunda.

II Tesalonika 1:6

Kala kiki, kima kiaiuka ki bhanga Nzambi kienʼ iki: O ku a vutuila hadi, ene oso a mi talesa enu hadi.