Estere 9:4 - O Mikanda Ikola

⁴ Mukonda Moledekai ua tambula ukota mʼonzo ia muenexi; fuma iê ia sambuka mu jisengu joso; kijingo kiê anga kiia ni ku di bandekeza kizuua ni kizuua.

Estere 9:4 ပူးပေါင်းရင်းမြစ်များ

II Samuuele 3:1

Anga ku kala muene ita ia thembu iavulu, bhu kaẋi ka dibhata dia Saúlo ni dibhata dia Davidi; o nguzu ia Davidi anga iia ni ku di bandekeza, maji o ia dibhata dia Saúlo-phe iia ni kutebhunuka.

I Malunda 11:9

Davidi-phe anga uenda dingi ni kukula kiavulu mu nguzu ni kutena, kuma o Jihova dia Ilômbo uakexile-nê.

I Malunda 14:17

Kienhiki dijina dia Davidi difumana mu jixi joso jenhojo; o Jihova anga uta uoma uê ku thandu dia mundu uoso uenhó.

Estere 10:2

Ima ioso-phe ia bhangele Asuuelu ia uzonda uê ni kusuina kuê, ni ukota ua Moledekai uoso ua mu bhana muenexi, manhi iene ioso iii ka i soneka mu divulu dia malunda ma jisobha ja Mediia ni ja Pélesa?

Jisálamu 1:3

Muthu ió u kala mukuâ ni muxi uòphaphe bhu mbanduʼa honga ia menha, uenda ni kulukula jinga ibundu bhu thembu iê, o difue diê ki di lela ni di laúka; o kioso kia bhanga, ki tunda ni kubhanduluka.

Jisálamu 18:43

Eie ua ngi kudila mu jimvunda ja mundu; ua ngi bhangesa kukala ngi mútue ua akua matumbu; kifuẋi kia athu ki nga ejidile, ala ku ngi bhikila.

Jisálamu 92:13

Oso a a phaphe mʼonzo ia Jihova, a jîngila muene ku malumbu ma Nzambi ietu.

Makatukilu 11:3

Jihova anga u bhana o mundu uê ngalasa ku mesu a akua Ijitu. Ni Mozé ua di bhange kilamba kia dikota mʼoxi ia Ijitu, a mu xila ni ku mesu a akua mbèle ia Falaó, ni ku mesu a mundu uoso kiá.

Jisabhu 4:18

Maji o njila ia athu a iuka-phe i di bhanga mukua ni mukengeji ua kimene, uia ni ku di bandekeza mu kuzela katé kuma ki ku zubha o kúkia.

Izaía 9:7

O kukula kua ulamba uenhú, ki kuene mbambe; o kutululuka kuê ki kuene kúbhua; ua tulama bhu kiandu kia Davidi ni ku usobha uê, phala ku u kuatesa bhu kididi, ni ku u fikidila mu kutetuluka ni mu uiukilu, tunde kiki katé ku hádia ni hádia; o muanu ua Jihova dia Ilômbo Ieta uene ua-nda ku bhanga kienhiki.

Sofoniia 3:19

Tala-ze, kuma, mu kizuuʼokio, nga kà a vutuila phulu kua iá ene oso a ku tatesa jinga; nga kà bhulula o inema ioso ala kutenguna; ió oso a a kaie, ene oso nga kà a bhongolola, anga nga kà a kitula diximanu, hé a kà fumana dijina mu ixi ioso mua a bhela jinga o dilebhu ni ku a kuatesa o jisonhi.

Matesu 4:24

Fuma iê anga i sambuka mu Sídia ioso. Hé a kala ku mu bhekela jihaxi joso, a vulu makukata, ni iá a saluka ni madimonho, ni iá a kate kikonha, ni iá a kate kila; ene oso anga u a saka.

Josuué 6:27

Kienhókio, Jihova anga u kala kumoxi ni Josuué; anga o fuma iê iia mʼoxi ioso.

I Samuuele 2:30

Mukonda dia kiki Jihova, Nzambi ia Izalaiele uambe, uixi: Nga ki ambele muene ngixi o dibhata dié ni dibhata dia tatʼenu, dià xalela-ku kiá mu kuimajana jinga ni kubhanga ujitu bhu pholo iami; maji kiki-phe, eme Jihova, ki ngʼambeleʼokio nga ki texi dikanga; kuma oso a ngi xila eme, ene uâ eme ngʼa xila, oso-phe a ngi tènde, a kà jingunuka katé kia sebuluka muene.