Estere 8:8 - O Mikanda Ikola

⁸ Kiki-phe enuenu sonekenenu dingi o jijudé joso kioso ki mua mesena, mu dijina dia muenexi, mu ki te kidimbu ni nela iê ia sineta; kuma se mukanda uòsoneke kiá mu dijina dia muenexi, uòte kiá kidimbu kia nela iê ia sineta, kana muthu u tena dingi ku u lungulula.

Estere 8:8 ပူးပေါင်းရင်းမြစ်များ

I Jisobha 21:8

Bhenhobho muhatuʼê u soneka mikanda mu dijina dia Akabe, anga u i jika ni kidimbu kia sobha; mikanda anga u i tumikisa ku adiakimi ni ku jingana ja kexile mu sanzala ia kexile Nabote.

Estere 1:19

Se kia uabhela muenexi ku ki bhanga, a tubhule ngonge, a i sonekese mu jindunda ja akua Pélesa ni akua Mediia, phala ki i xikine dingi ku i alulula, kuila Váxiti kua muenexi Asuuelu keza-ku dingi, o ungana uê muenexi a u bhane kiá mukuâ uengi u kala muthu uambote uoso ua mu tundu muene mu kuuabha.

Estere 3:12

Bhenhobho exana asoneki a muenexi, bhu mbeji ia kamoxi, kizuua kiê kia kakuinhi ni kitatu, anga a soneka kioso kia tumu Hamane ku jisátrapa ja muenexi, ni ku jinguvulu ja jisengu, ni jisobha ja madiembu moso; kala sengu mu letala ia usonekenu uâ, diembu ni diembu mu dimi dia uzuelelu uâ; mikanda a i soneka mu dijina dia muenexi Asuuelu, ia a i te kidimbu ni nela iê ia sineta.

Estere 8:10

Anga a soneka mu dijina dia muenexi Asuuelu, a ta kidimbu ni nela iê ia sineta, mikanda a i tumikisa ni jiphunga ja koleiu a mondala jikabalu ja mbutu iambote ia kulenga lusolo, ja tokala mu kibhanga ni mu sedivisu ia muenexi.

Estere 8:5

Anga u zuela, uixi: Se kia ku uabhela, eie u muenexi, se nga sange ngalasa ku mesu mé, se ua ki mono kiene kia tokala, eme muene se nga ku uabhela, a tume kusoneka phala kulungulula mikanda ia bhangesa Hamane, monʼa Hamedata, mukua Akaki, ia kuila jijudé joso a ji buidise mu jisengu joso ja muenexi.

Daniiele 6:8

Kiki-phe, muenexi xikisa ngonge, u te dijina dié ku mukanda ua ngonge, phala ki bhu kala dingi ku i lungulula, kala kioso kia kôlo o kitumu kia Mediia ni kia Pélesa, ki ki xikina ku ki lungulula.

II Timote 2:19

Maji o dimanenu dia te Nzambi-phe hanji dia kolo, ki di tunguta. O ku dimikinu dienhidi dia te Nzambi, a soneka-ku exi: Ngana uejiia oso a mu tokala. Exi dingi: Muthu uoso u amba kuila ua tokala Ngana, ki bhinga ituxi u i ambula.