Estere 8:1 - O Mikanda Ikola

¹ Mu kizuua kienʼokio muenexi Asuuelu u bhana dibhata dia Hamane, nguma ia jijudé, kua na mvuale Estere. Moledekai anga uiza hé u kala bhu pholo ia muenexi, kuma Estere ua mu tange kua Sobha uixi ndandu iami.

Estere 8:1 ပူးပေါင်းရင်းမြစ်များ

Estere 1:14

Ene-phe ilamba a kaiela kua muenexi majina mâ, Kadisena, ni Setala, ni Adimata, ni Talxixi, ni Melese, ni Madisena, ni Memukana, sambuadi dia muthu; ene jitata ja utuminu ua Pélesa ni ua Mediia, a tena jinga kubhiẋila bhu pholo ia muenexi, ni kuxikama bhu mbandu ia kiandu kiê.

Estere 2:15

Kieza-phe o kizuua kia Estere, monʼa Abihaile, Sekulu a Moledekai kia kubhiẋila kua muenexi, ka solo kima kiengi, u sola ngó kioso kia mu longesa Henge ngolambole ia muenexi, mukua kutambula konda ia ahatu. Estere anga a kala mu ku mu uabhela ku athu oso aia jinga ni ku mu mona mesu.

Estere 2:7

Muenhú muene ua sase Hadesa, a mu ixana jinga dijina diê dia mukuá exi: Estere, monʼa sekuluʼê mona muhatu; kuma tatʼâ uafu, mamʼâ uafu. Mona kilumba iú, ku mu tala ku mesu ua uabha o pholo ni mukutu; o kiafu tatʼâ ni mamʼâʼiki, Moledekai ua mu tambulula ku bhata kala monʼê.

Estere 7:6

Kuala Estere: Sai ufe, sai muene nguma ia tu kanena kiki! Kingumba kienhiki muene-phe Hamane. Hamane bhenhobho uoma ua mu kuata kiavulu bhu pholo ia muenexi ni na mvuale.

Estere 8:7

Bhenhobho muenexi Asuuelu u ambela na mvuale Estere, ni judé Moledekai, uixi: Talenu, nga bhana Estere o dibhata dia Hamane, o muene a mu nhenga ku mukambu, mukonda ua tula lukuaku luê ku jijudé.

Jisálamu 39:6

Kidi muene, muthu kinzúnzumbia mu kunhunga kuê; u talê ngó hadi ni kututumba; u lunda nzungule ia jimbongo, maji kʼejiia uoso hinu u ji dia.

Jisabhu 13:22

Muthu uambote-phe, uxia undundu ku ana ni ku aláula; maji umvuama ua mukua-ituxi, uòlunde phala ni u xialela ku ió uaiuka.

Jisabhu 28:8

Uoso u sokolola o jimbongo jê mu ku vualesa kitadi kia sobhesa, ni kubhunda-bhunda ngó akuâ, ua-nda ku ji bhongoluela ió uoso uene mu kala ni henda ia ngadiama.

Luka 12:20

Nzambi-phe ua mu ambela, uixi: U kiôua! Usuku ua lelu, a-ndu ku bhinga kiá o muenhu ué! O ima ioso-phe i ua lunduʼíi, ia-ndu kala ia nanhi?