Estere 7:9 - O Mikanda Ikola

⁹ Hadibona, ngolambole imoxi uala mu xibhidila muenexi kumoxi ni akuâ, u zuela: Talesa mukambu ualebha, ua makuinhi atanu a kóvado, ua iudika Hamane ua kunhenga Moledekai, ua bhanga muenexi o mbote, iú ku bhata dia Hamane. Sobha anga u a ambela, uixi: Mu nhengienu-ku muene, kuenhoko!

Estere 7:9 ပူးပေါင်းရင်းမြစ်များ

II Jisobha 9:32

Jehu u bhetula o pholo, u tala bhu njanena, uixi; Nanhi uala ku mbandu iami eme? Nanhi? O ngolambole jiiadi mba jitatu, a tale kua muene.

Estere 1:10

Mu kizuua kia kasambuadi-phe, kioso o muẋima ua muenexi ki uala mu ngalasa mukonda dia vinhu, u tuma Mehumanu, ni Bizita, ni Hadibona, ni Bingita, ni Abangata, ni Zetadi, ni Kadikase, sambuadi dia jingolambole a tambula konda ia dibhata dia muenexi Asuuelo,

Estere 5:14

Bhenhobho ni mukajiʼê Zelexe ni makamba mê moso a mu ambela, exi: Iudika mukambu ua lebha muene, ua kitala kia makuinhi atanu a kóvado, o ki kúkia u zuela ni muenexi phala Moledekai a mu nhenga kuenhuku; ela a zubha ku ki bhanga-phe, eie u ijiie kuia kiua ni kusanguluka ku fesa ni muenexi. Hundu ienhiʼii anga i uabela Hamane, u tuma kuiudika o mukambu.

Estere 6:14

Kioso-phe ki ala hanji mu zuela ni muene, jingolambole ja muenexi ji tula, eza kulenguluisa Hamane, kuila eze ku fesa ia iudika Estere.

Estere 6:2

Mu kutanga-phe anga a sanga kididi bhuambe kuma Moledekai muene ua tukuluile o kikutu kia Bingitana ni Telexi, o jingolambole jiiadi ja muenexi, a mu ingila jinga o dibhitu diê, ia a kanenene kujibha muenexi Assuelu.

Estere 8:7

Bhenhobho muenexi Asuuelu u ambela na mvuale Estere, ni judé Moledekai, uixi: Talenu, nga bhana Estere o dibhata dia Hamane, o muene a mu nhenga ku mukambu, mukonda ua tula lukuaku luê ku jijudé.

Estere 9:14

Muenexi anga u tuma ku ki bhanga; a ki xikisa ngonge mu Suzana; o kuinhi dia mona a Hamane anga a a nhenga.

Estere 9:25

Maji o kieza o maka iá kua muenexi, muenexi ua bhangesa mikanda ia kulungulula kikutu kiê kia usuéia, phala ufe uê uambele kubhanga jijudé uize ku thandu dia mútue uê muene ni muene ni anʼê phala a a nhenge ku mukambu ua iudika muene.

Jisálamu 141:10

Abhukumuka a fue mu uanda ua te ene, eme ngi bhulake, ngi bhite muene.

Jisálamu 35:8

Enhó-phe kibuika kiâ a ki tukumuke; a fue muene mu uanda ua telele akuâ; a dibhale ene mu diela diâ dia kande.

Jisálamu 73:19

Kindala muene athu bhua kexile a-bhu-bhu; a diuana kisuma, ajimuka ni kimbulambula.

Daniiele 6:24

Sobha-phe u tuma ue kutakana mala ió oso a kunduile Daniiele, anga eza na-u, hé a a takula ue mu ngenda ia jihoje, ni ene, ni anʼâ, ni akajiʼâ. Mu ngenda-phe ka tula-mu luua bhoxi, jihoje ja a kambuila kiá bhulu bhene, anga ji a sasala ifuba.

Daniiele 6:7

Ilâmba ioso ia utuminu ué, ni jinguvulu jaʼxi, ni mavunda, ni ilôlo, ni makota, a di-kundu bhuamoxi phala ku sonekesa ngonge ia nganʼetu muenexi, anga i di-bhanga kijila kia kôlo; kuma mu makuinhi atatu a izuua, muthu uoso u bhinga kima kua Nzambi ioso-ioso mba ku muthu uengi ko kué, muenexi, kana, a mu takule mu ngenda ia jihoje.

I Samuuele 17:51

Davidi anga u lenga, hé u sambela mukua Fidíxia ku thandu, u fuomona o xibhata iê-muène mu kizu, u mu zubhidisa, hé u mu batula o mútue. Akua Fidíxia-phe kia mono kuma dizonda diâ diafu, a lenga.