Estere 7:4 - O Mikanda Ikola

⁴ Kuma a tu sumbisa, ni eme ni muiji uami, phala ku tu seia, ni ku tu jibha, ku tu buidisa, mbé tu jime o mbutu kulu dia mundu. Se edile a tu sumbisa ngó mu kala tu abhika, hinu kimuua, ngeje kudixibhʼami; sumbala nguma ietu ua tu kanena keju tena ku ki futa kua sobha, kuma Sobha ueje ku dibotesa kinéne.

Estere 7:4 ပူးပေါင်းရင်းမြစ်များ

Nehemiia 5:5

Suke-phe, atuenhoso tu akua xitu imoxi, kuma etu ni akua muiji ua Juda, tu jiphange; o anʼetu úe a sokuʼâ ngó ni anʼâ ene; talesa, o kiki anʼ etu a mala ni anʼetu a ahatu tu a bhakula mu ku kala abhika; tua suku mu kuila amoxi mu anʼetu a ahatu ejidila kiá ni ubhika, o kia ku akula na-kiu, bhu makuʼetu, tua ki lémbua; mukonda athu amukuá a tambula kiá o jixi jetu ni mivide ietu, iii iala kiá bhu maku ma athu engi.

Estere 3:13

Mikanda ienhiʼii anga a i sulula ni jiphanga ja koleiu katé mujisengu joso ja muenexi, exi: Mu seia, hé mu sengulula; mu buidisa jijudé joso, a kale minzangala, a kale adiakimi, a kale anʼauisu, a kale ahatu, kizuua kimoxi kia kuinhi ni kitatu, bhu mbeje ia kaiadi ku dikuinhi, iene mbeje ia Adale, o jinbongo jâ joso mu a bhûnda-ju.

Estere 3:9

Muenexi se kia mu uabhela, a soneke ngonge ia ku a buikisa; eme-phe ngi tena kubhana phalata i tena kuinhi dia midi dia talendo, ku athu oso a bhanga kikalakaluʼiki phala ku i bheka ni i bokone mu malundilu a jimbongo ja muenexi.

Estere 7:5

Bhenhobho muenexi Asuuelu anga u zuela, uixi: Muenhó mukuahi, o muene uala kuebhi, ua bhumina kuxinganeka kienhiki ku muẋima uê?

Estere 7:6

Kuala Estere: Sai ufe, sai muene nguma ia tu kanena kiki! Kingumba kienhiki muene-phe Hamane. Hamane bhenhobho uoma ua mu kuata kiavulu bhu pholo ia muenexi ni na mvuale.

Estere 8:11

Mu mikanda ienhiʼii muenexi ua bhana ngonge ku jijudé mu mbonge joso, ua a suinisa mu ku di bhongolola phala kubhângela o muenhu uâ, ni kusengulula ni kujibha ni kubuidisa mu sengu joso ja utuminu ua muenexi oso a a mono a maneka mu ku a solomona ene, a kale muiji uahi a kale sengu iahi, ni kubuidisa anʼâ ahatu, ni kubhûnda o jimbongo jâ,

Estere 8:6

Mukonda ki ngalʼiki, ngi tena kiebhi o kumona muiji uami a u bhanga o phulu ioso iii, ia a xindila? Ngi tena kiebhi o kumona ndandu jami joso, a buila?

Estere 9:25

Maji o kieza o maka iá kua muenexi, muenexi ua bhangesa mikanda ia kulungulula kikutu kiê kia usuéia, phala ufe uê uambele kubhanga jijudé uize ku thandu dia mútue uê muene ni muene ni anʼê phala a a nhenge ku mukambu ua iudika muene.

Daniiele 6:2

O ku thandu dia enhá iú uatudika-ku ilâmba itatu, umoxi-ku Daniiele, phala mavunda oso enda ni kubhana jikonda kua enhá, phale sobha ka mu nganale.

Jouele 3:6

Anʼa Juda ni anʼa Jeluzaleme mua a sumbisa ku ana a akua Ngeléxia, phala a ambate mbebhu ku a xinjikila dikanga mu jimbambe ja ixi iâ.

Amoji 2:6

Jihova uambe kiki: Izalaiele kia tondala lutatu ni luuana, kibetu kiê ki ngi mu katula-kiu; mukonda muene muthu uambote u mu sumbisa mu mulambôngo; o ngadiama ua bhindama, u mu sumbisa mu phadi ia jisabhatu.

Luka 12:45

Mubhika ió-phe, kià kela ku muẋima uê: Ngana iami ua kokoloka mù kuiza, anga u kuata kubeta abhika ni akuâ, a mala ni abhikʼa ahatu, ni kùdia ni kùnua ni kudodiua;

Matendelelu 28:68

Jihova ua kà mi bhangesa ku vutukila dingi ku Ijitu mu jinaviiu, ku njila iene ia kuambelele kiá, kuila: Njila iii ki mungu dingi u i kengelela. Kuenhoko-phe mua kà di bhakula ku jinguma jenu, muexi: Tu sumbienu phala tu kale tu abhikʼenu a mala ni abhikʼenu a ahetu, maji muthu ua kà mi sumba ka kà moneka.

Josuué 9:23

Kiki-phe mua di bhekela mázui: Ubhika ki ua mi bhua dingi muaxaxe kenu, ua kukala a-ẋangi a jihuinhi, ni a-teki a menha ma dibhata dia Nzambi iami.

I Samuuele 22:23

Kala kiá kunu bhu kinama kiami, ku kale ni uoma. Kuma uoso u bhindamena muenhu uami, ua bhindamena muenhu ué. Bhu ngalʼeme-phe, eie ue u kala bhua kondama.