Estere 7:3 - O Mikanda Ikola

³ Bhenhobho na mvuale Estere uixi: Se nga sange ngalasa ku mesu mé, ngana u muenexi, se kia ku uabhela ku ki bhanga, a ngi bhane o muenhu uami, uene u nga bhingi; ni muenhu ua muiji uami, uene u nga solo.

Estere 7:3 ပူးပေါင်းရင်းမြစ်များ

I Jisobha 20:31

Bene-hadade bhenhobho akua mbèle iê a mu ambela, exi: Talesa, ene mu ku tu tangela kuma jisobha ja dibhata dia Izalaiele akua henda; tu zuatienu-phe makuba mu mbunda, ni tu te mikolo mu xingu, phala tuie kua sobha ia Izalaiele, phala tu tale mba eie u ku bhaka ni muenhu ué.

II Jisobha 1:13

Anga u tona dingi o ku mu tumikisa kabhitangu ka makuinhi a tanu lua katatu ni makuinhʼé a tanu; bhenhobho o kabhitangu ka makuinhi a tanu ua bande, iú ueza, iú ua fukama bhu pholo ia Elija, ni ku mu dionda, uixi: Muthu ua Nzambi, tata! Muenhu uami, nga ku diondo, ni muenhu ua abhikʼé o makuinhi a tanu iá, u di bhange phelu ia nzaji ku mesu mé.

Estere 4:8

Anga u mu bhana ue o kópia ia ngonge ia soneka, ia tubhula mu mbonge ia Suzana ia ku a buikisa, phala ku i idikiza Estere, ni ku mu jimbuila maka oso; ni ku mu tendelela kuila a bhiẋile kua muenexi mu kuzuelela muiji uâ ni ku a diondela.

Estere 5:8

Se nga sange ngalasa ku mesu mé u muenexi, se uambe ku ngi bhana kioso ki ngi bhinga, kioso ki ngi sola, o kuila muenexi eze dingi luamukuá ni Hamane ku fesa i ngi iudika mungu, ngʼijiie kiua kuzuela, ngana, kioso ki ua ngʼibhula, nda bhange kioso ki ua ngi tumu.

Estere 7:7

Muenexi anga u balumuka ni njinda bhu fesa ia vinhu, u tunda ku kanga uia mu jardí ia palaxu; Hamane anga u imana mu dionda na mvuale Estere phala a mu ehele kukola muenhu uê, kuma ua mono kuila muenexi ua-nda ku mu bhanga kiá kiaiibha.

Estere 8:5

Anga u zuela, uixi: Se kia ku uabhela, eie u muenexi, se nga sange ngalasa ku mesu mé, se ua ki mono kiene kia tokala, eme muene se nga ku uabhela, a tume kusoneka phala kulungulula mikanda ia bhangesa Hamane, monʼa Hamedata, mukua Akaki, ia kuila jijudé joso a ji buidise mu jisengu joso ja muenexi.

Jobe 2:4

Bheneʼobho Satana u vutuila Jihova, uixi: Muenhu uà touala, kuma kikonda mu kikonda, o muthu ioso iala na-iu u i bhana mu ku kula o muenhu uê.

Jelemiia 38:26

Eie-phe u a tangela, uixi: Eme ngʼejile bhu pholo ia sobha mu ku mu dionda, phala ka ngi vutuile mʼonzo ia Jonatane, ni ngi fuile momo.