Estere 6:9 - O Mikanda Ikola

⁹ Ni izuatu-phe ni kabalu a i telekale ku fixiiadi ia dikota mu sedivisu ia muenexi, o muthu uoso a mu solo kuala muenexi ku mu bhanga ujitu a mu zuike-iu, a mu te ku kabalu, ni a mu nhungise mu nzunga ni kukola bhu pholo iê, kuila: Kiene kia bhanga muthuʼiki, uoso a mu solo kuala muenexi ku mu bhanga ujitu.

Estere 6:9 ပူးပေါင်းရင်းမြစ်များ

Dimatekenu 41:43

U mu ambela kusambela mu dikalu dia kaiadi, dia bhabhelela ku dikalu diê-muène; o muala kuijiia, mundu uoso a dikola: Fukamenu! Kienhiki ua mu te ku ungana ua kutumina ixi ioso ia Ijitu.

Estere 6:10

Muenexi anga u ambela Hamane, uixi: Endelà-ku, u katule izuatu ni kabalu, kala ki ua ki zuelʼiki, u ki bhange muene kua judé Moledekai mukua kuxikama bhu muelu ua sobha. Ku xieku kima, ku iene ioso iii i ua zuela, u i kumbidila muene.

Estere 6:6

Hamane-phe kia zubha kubokona, muenexi u mu zuelesa, uixi: Se bhu kala muthu, muenexi ua solo ku mu bhanga ujitu, u tokala ku mu bhanga kiebhi? Hamane bhenhobho u banza ni muẋima uê, uixi: Mukuahi muene muenexi u sola ku mu bhanga ujitu? Nga fika eme muene, mukonda kana dingi muthu ua ngi tundu.

Zakadiia 9:9

Sanguluka kiavulu, eie monʼa kilumba mu Ziione; Tumbujuka ni ngalasa eie u monʼa kilumba mu Jeluzaleme; tala, sobha ié iú uiza kokué, u fundisa mu kidi, Mubuludi, ngadiama, ua sambela ku thandu dia bulu, ku thandu dia kaseseme ka bulu, kamona ka bulu ia mukaji.